تازه خبرونه
د قطر بهرنیو چارو وزیر په کابل کې د اسلامي امارت له لومړي وزیر سره ولیدل
د قطر د بهرنیو چارو وزیر او د لومړي وزیر مرستیال محمد بن عبدالرحمن آل ثاني د یکشنبې پر ورځ د وږي ۲۱ / د سپټمبر ۱۲ د کابل په ارګ ماڼۍ کې د اسلامي امارت له لومړي وزیر ملا محمد حسن اخوند سره پر بشري مرستو، د افغانستان د اقتصادي پرمختګ او نړیوال تعامل بحث او خبرې کړي دي.
په قطر کې د طالبانو د سیاسي دفتر ویاند محمد نعیم په خپلو یو لړ څرګندونو کې دا خبر تائید کړی او څرګندوي، چې په دې ناسته کې د اسلامي امارت د لومړي وزیر شیخ محمد حسن اخوند تر څنګ مولوي عبدالسلام حنفي، شيخ الحدیث مولوي عبدالحکیم حقاني، د بهرنیو چارو وزارت چارسمبالي مولوي امیرخان متقي، د دفاع وزارت چارسمبالي مولوي محمد یعقوب مجاهد، د کورنیو چارووزارت چارسمبالي خليفه صاحب ملا سراج الدین حقاني، د اطلاعاتو او فرهنګ وزارت چارسمبالي ملا خیرالله خیرخواه، د دفاع وزارت مرستیال ملا محمد فاضل اخوند، د استخباراتو لوی مشر مولوي عبدالحق وثیق، انس حقاني او نورو مسوولینو هم ګډون کړی و.
محمد نعیم ویلي؛ دواړو لوریو پر بشري مرستو، د افغانستان اقتصادي پرمختګ او همدارنګه له اسلامي امارت سره د نړیوالې ټولنې پر ښکېلتیا بحث او خبرې کړې دي.
محمد نعیم زیاته کړې: په دې ناسته کې د افغانستان د اسلامي امارت مشرتابه ټینګار کړی، چې د دوحې تړون د افغانستان یوه تاریخي لاسته راوړنه ده او ټولې خواوې باید دغه تړون ته ژمن پاتې شي.
د نحمد نعیم د څرګندونو له مخې؛ په دې ناسته شیخ محمد حسن اخوند د قطر له حکومت او خلکو څخه هم مننه وکړه، چې له افغان ولس سره یې هر اړخیزه همکاري کړې ده.
د قطر د بهرنیو چارو وزارت ویلي، چې د غونډې په بهیر کې محمد بن عبدالرحمن آل ثاني د اسلامي امارت له مشرانو وغوښتل، چې په ملي پخلاینه کې ټول افغان لوري ښکېل کړي.
د قطر د بهرنیو چارو وزارت د څرګندونو له مخې؛ په دې ناسته کې له ترهګرو سره پر مبارزه، چې د افغانستان ثبات ته ګواښ پېښوي؛ ټینګار وشو او په افغانستان کې یې د سولې پر لارو چارو، ملي همغږۍ او د خلکو پر خوندي تګ راتګ هم خبرې کړې دي.
د بهرنیو چارو وزارت چارسمبالي امیرخان متقي د اسلامي امارت په کابل هوایي ډګر کې د عملیاتو د بیا پیلولو په اړه د قطر له همکارۍ مننه کړې ده.
دغه راز د قطر د بهرنیو چارو وزیر د افغانستان له پخواني ولسمشر حامد کرزي او د سولې د عالی شورا له مشر عبدالله عبدالله سره هم وکتل.
د یادونې ده، چې د افغانستان د اسلامي امارت په واکمنۍ کې دا د بهرنیو چارو وزارت لومړنی استازی دی، چې کابل ته راځي او له لوړپوړیو چارواکو سره ګوري.
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
راشد خان د افغان بیسیم سوداګریز سفیر شو
د اسلامي همکاریو ټولنې پلاوي د اروپايي ټولنې له استازې سره ولیدل
په تېر یو کال کې د افغان ښځو حقونو وضعیت نور هم خراب شو- امریکا
د مالیزیا بحري ځواکونو د چورلکو په ټکر کې ۱۰ کسان مړه شول
آریانا ټلویزیون د کابل کرکټ غوره لیګ د دوهیم پړاو د خپراوي حق ترلاسه کړ
په پاکستان کې ځانمرګي د ۵ چینايي انجینرانو په ګډون ۶ کسان ووژل
افغانستان ته د پاکستان راغلی پلاوی پر اقتصادي همکاریو خبرې کوې
د افغانستان او پاکستان د سوداګرۍ استازیو پر ننګونو خبرې وکړې
په ناروې کې د قرآن کریم د سوځوونکي مړی پیدا شو
تحول: په کابل کې د ایران له استازي سره د متقي لیدنه
څار: د ټولنې په پرمختګ کې د پوهې رول
تحول: کابل ته د اسلامي همکاریو ټولنې د پلاوي سفر
څار: په کابل کې د اروپا مېشتو افغان ټولنو له استازو سره د دولتي چارواکو ناستې
تحول: پر ایران د اسرائیلو برید ته نړیوال غبرګونونه
-
نړۍ2 days agoد جاپان دوه پوځي چورلکې بحر ته وغورځېدې
-
تازه خبرونه2 days agoد پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day agoعینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه10 hours agoوروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه2 days agoچینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه1 day agoد ایران ولسمشر پر درې ورځني سفر پاکستان ته ولاړ
-
سوداگري21 hours agoد اوسپنې پټلۍ له لارې ترکیې ته د افغانستان صادرات پیل شول
-
نړۍ8 hours agoد مالیزیا بحري ځواکونو د چورلکو په ټکر کې ۱۰ کسان مړه شول