تازه خبرونه
د قطر او آلمان چارواکو د افغانستان حالات وارزول
د قطر بهرنیو چارو وزارت د یکشنبې د ورځې ( د تلې دوهویشتمه) د خبرپاڼې له مخې؛ په دې کتنه کې د افغانستان پر وروستیو بدلونونو په ځانګړي توګه د دغه هېواد پر امنیتي وضعیت او بشري شرایطو خبرې وشوې.
د قطر بهرنیو چارو وزارت څرګنده کړی، چې د دغه هېواد چارواکو د جرمني له ډیپلوماټانو سره د افغانستان د وضعیت په اړه بحث او خبرې کړې دي.
د قطر بهرنیو چارو وزارت د یکشنبې د ورځې ( د تلې دوهویشتمه) د خبرپاڼې له مخې؛ په دې کتنه کې د افغانستان پر وروستیو بدلونونو په ځانګړي توګه د دغه هېواد پر امنیتي وضعیت او بشري شرایطو خبرې وشوې.
د خبرپاڼې له مخې؛ د قطر بهرنیو چارو وزارت ځانګړي استازي فیصل بن عبدالله الحنزاب په قطر کې د جرمني له سفیر لوټر فریشلاډر او د آلمان د اړیکو د دفتر او د افغانستان لپاره د سفارت له چارسمبالي رالف ډیټیر راینهارډ سره وکتل.
په دې غونډه کې د افغانستان وروستي بدلونونه په ځانګړي توګه امنیتي، بشري، اقتصادي او سیاسي مسایل وارزول شول.
تازه خبرونه
هالینډ او ازبکستان د افغان کډوالو د ایستلو پر تړون غور پیل کړ
هالینډي رسنۍ NL Times د یکشنبې پر ورځ ( د تلې دوهویشتمه ) راپور ورکړ؛ د هالنډ حکومت په دې اړه څېړنه کوي: آیا کولی شي ازبکستان قانع کړي، چې رد شوي کډوال ومني که نه.
د هالینډ یوه چارواکي ویلي، هېواد یې له ازبکستان سره د هغو افغان کډوالو د ایستلو پر یوه تړون غور کوي، چې د پناه غوښتنې غوښتنلیکونه یې رد شوي دي.
هالینډي رسنۍ NL Times د یکشنبې پر ورځ ( د تلې دوهویشتمه ) راپور ورکړ؛ د هالنډ حکومت په دې اړه څېړنه کوي: آیا کولی شي ازبکستان قانع کړي، چې رد شوي کډوال ومني که نه.
دغه راز ویل شوي؛ جرمني په دې وروستیو کې له ازبکستان سره هوکړې ته رسېدلی، چې دغه هېواد ته افغان کډوال ولېږي.
د دې رسنۍ د څرګندونو له مخې؛ د چارشنبې پر ورځ د هالینډ د پناه غوښتنې وزیر ماریولین فابر د دغه هېواد په پارلمان کې ویلي؛ کابینه په دې غور کوي، چې له ازبکستان سره څه ډول تړون وکړي. نوموړي په دې اړه جزئيات ورنکړل.
همدارنګه د ځینو سویسي رسنیو د راپورونو له مخې؛ دغه هېواد په دې وروستیو کې دوه افغان کډوال، چې مجرم پېژندل شوي وه؛ ایستلي او بېرته یې کابل ته استولي دي.
له دې مخکې جرمني تېره میاشت ۲۸ افغان کډوال، چې مجرم پېژندل شوي وه، بېرته افغانستان ته ولېږدول.
تازه خبرونه
سویس دوه افغان کډوال له خپلې خاورې وایستل
له ۲۰۱۹ ز. کال وروسته دا لومړی ځل دی، چې سویس افغان کډوال وباسي.
د سویسي رسنیو د راپورونو له مخې، دې هېواد له خپلې خاورې دوه افغان کډوال ایستلې دي.
له ۲۰۱۹ ز. کال وروسته دا لومړی ځل دی، چې سویس افغان کډوال وباسي.
د جمعې پر ورځ (د تلی شلمه) د سویس د مهاجرت وزارت د آلمان اوونیزې سانټاګبلیک ته د دغو دوه افغان مهاجرو د اخراج په اړه خبر ورکړ.
ځینو سویسي رسنیو د دغه هېواد د عدلیې او پولیسو د وزارت د څرګندونو له مخې دغه موضوع تائید کړې او ویلي یې دي، چې دغه افغانان «سرغړونکي» وه.
د سویس حکومت دغو دوه افغانانو ته له ایستلو مخکې ۵۰۰ سویسي فرانکه، چې ۵۸۳ امریکايي ډالر کېږي؛ ورکړي دي.
دا په داسې حال کې ده، چې د اګست پر دېرشمه د جرمني د کورنیو چارو وزارت ۲۸ افغانان د دوی د څرګندونو له مخې پر بېلابېلو جرمونو تورن ول؛ افغانستان ته ولېږل.
تازه خبرونه
افغانستان د شانګهای ټولنې سرمشریزې ته ونهبلل شو
ایکسپریس نیوز راپور ورکړی، چې دې غونډې ته اسلامي امارت بلل شوی ندی؛ خو له منګولیا څخه د دې ټولنې د څارونکي غړي او له ترکمنستان څخه د ځانګړي استازي په توګه د ګډون غوښتنه شوې ده.
افغانستان به د شانګهای د همکاریو ټولنې په راتلونکې سرمشریزه کې، چې د اوکټوبر پر پېنځلسمه او شپاړلسمه په اسلامآباد کې جوړېږي؛ ګډون ونکي، ځکه د دې ټولنې مشرتابه بلنه نده ورکې.
ایکسپریس نیوز راپور ورکړی، چې دې غونډې ته اسلامي امارت بلل شوی ندی؛ خو له منګولیا څخه د دې ټولنې د څارونکي غړي او له ترکمنستان څخه د ځانګړي استازي په توګه د ګډون غوښتنه شوې ده.
پاکستانۍ ورځپاڼې ایکسپریس ټریبیون د ډیپلوماټیکو سرچینو د څرګندونو له مخې راپور ورکړی، چې اسلامي امارت ته؛ ځکه بلنه نده ورکړ شوې، چې د شانګهای همکاریو ټولنې عمومي منشي دوی ته بلنه نده استولې.
پاکستانيو رسنیو هم لیکلي، چې په شانګهای همکاریو ټولنه کې د افغانستان غړیتوب د ۲۰۲۱ ز. کال د اګسټ پر پېنځلسمه له هغې څو اوونۍ وروسته وځنډول شو، چې اسلامي امارت په کابل کې بیا واک تر لاسه کړ.
دغه هېواد د ۲۰۱۲ کال د جون پر اوومه د شانګهای د همکارۍ ټولنې څارونکی شو؛ خو د غړیتوب له ورکړې وروسته یې په فعاله توګه فعالیت ندی کړی.
د شانګهای د همکارۍ سازمان په ۲۰۰۱ کال کې د چین، روسیې او د منځنۍ آسیا د څلورو هېوادونو قزاقستان، قرغزستان، تاجکستان او ازبکستان لخوا جوړ شو. هند او پاکستان په ۲۰۱۷ کال کې له دغه سازمان سره یو ځای شول. هغه مهال داسې اوازې وې، چې ایران او افغانستان ښايي ډېر ژر د دې ټولنې غړي شي. ایران تېر کال له دې ټولنې سره یوځای شو.
اسلامي امارت تر اوسه په اسلامآباد کې د شانګهای همکاریو ټولنې په غونډه کې د نه ګډون په اړه څه ندي ویلي؛ خو د دې ټولنې په تېرو دوه ناستو کې د طالبانو استازو ته بلنه نوه ورکړ شوې.
د شانګهای همکاریو ټولنه به په راتلونکې ناسته کې د سیمهییزو همکاریو او امنیت پر وده راوڅرخیږي.
-
تازه خبرونه2 days ago
د اسلامي امارت رهبر د صنعتي سیمو قانون توشیح کړ
-
تازه خبرونه4 days ago
د افغانستان لپاره د م.م د بشري حقونو د ځانګړي راپور ورکوونکي ماموریت یو کال وغځوا شو
-
تازه خبرونه5 days ago
د مالیې وزارت د بار وړونکیو موټرو لپاره د GPS لګولو تړون لاسلیک کړ
-
ساینس او ټیکنالوژي1 day ago
ایران د ځمکې پر مدار د راڅرخېدو لپاره روسیې ته دوه سپوږمکۍ استولي
-
لوبی1 day ago
د افغانستان کرکټ الف لوبډلې د هانګ کانګ لوبډلې ته ماتې ورکړه
-
تازه خبرونه5 days ago
ګاونډ هېوادونه دې د افغان سوداګرو پر وړاندې خنډونه نه جوړوي
-
تازه خبرونه2 days ago
د پاکستان په بلوچستان ایالت کې د کان کیندنې پر کارکوونکیو د برید له کبله ۴ افغانان ووژل شول
-
تازه خبرونه4 days ago
پر ایران ځوابي برید به مرګونی او ناڅاپي وي – ګالانټ