لوبی
د قرغیزستان والیبال ملي لوبډلې افغان لوبډلې ته ماتې ورکړه
د دواړو لوبډلو ترمنځ دا لوبه نن (چهارشنبه د لړم دوهیمه) د ازبکستان پر کوربتوب په تاشکند کې ترسره شوه او لوبه د قرغزستان پر بریا ۳ – ۱ پای ته ورسېده.
(Last Updated On: )
د افغانستان والیبال ملي لوبډلې د مرکزي آسیا د والیبال ټولنې (CAVA) د سیالیو په پېنځمه لوبه کې له قرغزیستان ماته وخوړه.
د دواړو لوبډلو ترمنځ دا لوبه نن (چهارشنبه د لړم دوهیمه) د ازبکستان پر کوربتوب په تاشکند کې ترسره شوه او لوبه د قرغزستان پر بریا ۳ – ۱ پای ته ورسېده.
د هېواد د والیبال ملي لوبډلې تر اوسه د منځنۍ آسیا په سیالیو کې څلور ماتې او یوه بریا خپله کړې ده.
د افغانستان ملي لوبډلې بریا د مالډیپ پر وړاندې د یکشنبې پر ورځ ۳ـ ۰ پای ته رسېدلې ده.
د CAVA والیبال سیالۍ پر رسمي ډول د اوکټوبر پر اتلسمه په تاشکند کې پیل او د پنجشنبې پر ورځ به د اوکټوبر تر څلیریشتمې روانې وي.
په دې سیالیو کې شپږ لوبډلو(ازبکستان، تاجکستان، قرغزستان، ترکمنستان، افغانستان او مالډیف ګډون کړی دی.
