نړۍ
د فرانسې په آلپ غرونو کې واورې ښویېدنې ۱۳ کسانو ته مرګ و ژوبله اړولې
(Last Updated On: )
د فرانسې د آلپ د آرمنستت په کنګلونو کې د واورې ښویېدو له کبله لږ تر لږه ۴ کسان مړه شوي او ۹ نور ټپیان دي.
د فرانسې د کورنیو چارو وزیر جرالد دارونین تویت کړی، چې د یکشنبې پر ورځ د آرمنستت په کنګلونو کې د واورې یوه پراخه توپان د ۳۵۰۰ مترو پر لوړوالي ۵۰۰ متره سیمه یو کیلو متره لاندې کړه.
په واورو کې د بندو کسانو د موندلو لپاره د لټون او ژغورنې عملیات روان دي.
د ځايي چارواکو د څرګندونو له مخې؛ په پېښه کې ښکېلو کسانو سکي کوله.
آرمنستت کنګل د سکي پیست د کلي په لیس کانتامینز-مونتجوی کې موقعیت لري، چې د ټولې فرانسې او انګلستان سکي کوونکي د اوونۍ په پای یا پاک اختر کې سفر کوي.
چارواکو دا هم ویلي، چې د لټون په عملیاتو کې د مرستې لپاره دوه چورلکې استول شوي دي.
د چارواکو د څرګندونو له مخې؛ د واورې د ښویېدو شونتیا نوره نشته.
