Connect with us

تازه خبرونه

د غور ولایتي شورا مرستیال د نښلیدونکي ماین په چاودنه کې وژل شوی

خپور شوی

د

(Last Updated On: ليندۍ ۲۵, ۱۳۹۹)

د غور د ولایتي شورا مرستیال عبدالرحمن عطشان د سې شنبې پر ورځ غرمه مهال د ولایت په مرکز کې د نښلیدونکي ماین پر چاودنه ووژل شو.

 سیمه ییزو چارواکو پېښه تائید کړې او څرګندوي، چې عبدالررحمن عطشان هغه وخت ووژل شو، چې نښلیدونکي ماین یې په موټر کې چاودنه وکړه.

په دې موټر کې ورسره ناست د لایتي شورا بل غړی عبدالرحیم رضا زاده ټپي شوی دی.

 دغه پېښه د ولایتي شورا ودانۍ ته نږدې رامنځته شوې ده.

دا په هېواد کې د سې شنبې پر ورځ د وژنو درپېنځمه پېښه ده:

نن سهار ۶:۳۰ د کابل ولایت د بګرامي ولسوالۍ د بت خاک په اړوند سیمه کې هغه وخت رامنځته شوې، چې ناڅرګندو کسانو پر پولیسو ډزې وکړې، چې په پایله کې یې یو پولیس وژل شوی او یو بل ټپي دی.

 دغه راز کورنیو چارو وزارت ویاند څرګنده کړې، چې د کابل والي مرستیال محبوب الله محبي او د هغه منشي د نښلیدونکي ماین په چاودنه کې وژل شوي دي.

د کورنیو چارو وزارت ویاند طارق آرین په ډاګه کړې، چې پېښه د سهار ۹:۴۰ ( د لیندۍ ۲۵) د درېیم مکروریان په اړوند سیمه کې رامنځته شوې ده.

همدارنګه د سویلي ولایت کندهار والي ویاند بهیر احمدي منلې، چې نن سهار ۱۰ بجې د دغه ښار د دوه یمې امنیتي حوزې په اړوند سیمه کې دوه موټر سایکل سپرو وسلوالو د ډنډ ولسوالۍ د استناف محکمې د تحقیق مدیر څارنوال محمد نبي مظلوم وژلی او خپله تښتېدلي دي. تر اوسه د دې پېښې مسوولیت چا ندی منلی.

دا پېښې له هغې وروسته رامنځته شوي، چې ناڅرګندو وسلوالو د دوشنبې پر ورځ د پلازمېنې د اتمې ناحیې په نوې کارته سیمه کې یو څارنوال پر ډزو وژلی دی.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!