روغتيا
د شنبې پر ورځ به په افغانستان کې څه باندې ۴ میلیون ماشومان واکسین شي
د روغتیا وزارت د چارواکو د څرګندونو له مخې؛ په دې کمپاین کې به څلور میلیون او ۲۰۰ زره له پېنځه کلونو ټیټ عمره ماشومان واکسین شي.
له ګوزڼ یا پولیو څخه د پاک افغانستان نومي بنسټ ویلي، چې د شنبې پر ورځ د زمري شلمه به د هېواد په ځینو برخو کې د ګوزڼ یا پولیو ضد واکسین کمپاین پیل شي.
دې بنسټ د پنجشنبې پر ورځ (د ۱زمري اتلسمه ) په ایکس پاڼه کې لیکلي، چې دغه کمپاین راتلونکې اوونۍ د شنبې پر ورځ د افغانستان په ځینو برخو کې پیلېږي.
د عامې روغتیا وزارت د پولیو د له منځه وړلو مرکز مسوول عبدالقدوس بریالي رسنیو ته ویلي، چې دا کمپاین د څلورو ورځو لپاره په هرات، روزګان، هلمند، کندهار، زابل او نیمروز کې پیلېږي.
د روغتیا وزارت د چارواکو د څرګندونو له مخې؛ په دې کمپاین کې به څلور میلیون او ۲۰۰ زره له پېنځه کلونو ټیټ عمره ماشومان واکسین شي.
افغانستان او پاکستان یوازني دوه هېوادونه دي، چې تراوسه توانیدلي ندي، چې د پولیو ناروغي له منځه یوسي.
دغه راز د پاکستان ځايي رسنیو د پنجشنبې پر ورځ (د زمري اتلسمه) د افغانستان پولې ته څېرمه د بلوچستان په یوه سیمه کې د پولیو د پېنځمې پېښې خبر ورکړ او له دې پېښې سره په بلوچستان کې د پولیو د مثبتو پېښو شمېر ۱۰ کسانو ته ورسېد.
د يادو رسنيو د معلوماتو له مخې؛ له دې پېښې سره سږ کال په ټول پاکستان کې د ثبت شويو پېښو شمېر ١٣ ته رسېدلی دی.
ویل کیږي، چې د عبدالله کلا په سیمه کې یوه ۱۱ میاشتني ماشومه د ګوزڼ ویروس له کبله فلج شوې ده.
روغتيا
یونیسف د بیزوتڼاکې واکسین رسولو لپاره بېړنۍ داوطلبي خپره کړه
یونیسف دا داوطلبي د غواګانو د واکسینولو ائتلاف، د افریقایي ناروغیو د کنټرول او مخنیوي مرکز او د روغتیا نړیوالې ټولنې پر همکارۍ خپره کړې ده.
د ملګرو ملتونو د ماشومانو وجهي صندوق (یونیسف) د هغو هېوادونو لپاره، چې بیزوتڼاکې له ناورین سره مخ دي د واکسین رسولو لپاره بېړنۍ داوطلبي خپره کړې ده.
یونیسف دا داوطلبي د غواګانو د واکسینولو ائتلاف، د افریقایي ناروغیو د کنټرول او مخنیوي مرکز او د روغتیا نړیوالې ټولنې پر همکارۍ خپره کړې ده.
دغو بنسټونو په یوه ګډه اعلامیه کې ویلي، چې د دې داوطلبۍ پر بنسټ به تر ۲۰۲۵ ز. کال پورې د ۱۲ میلیون دوز واکسینونو د تولید او رسولو په برخه کې هوکړې وشي.
د دغې داوطلبۍ پربنسټ یونیسف به له واکسین جوړوونکیو سره د مشروط اکمالاتو هوکړه لیکونه رامنځته کړي.
دا هوکړه لیکونه یونیسیف ته اجازه ورکوي، چې د تمویل، غوښتنې، چمتووالي او تنظیمي اړتیاوو له تصویبېدو سره سم واکسین واخلي او واستوي.
د اړوند ادارو ترمنځ همکاري به په لوړ عاید لرونکیو هېوادونو کې له شته زیرمو څخه د واکسینونو د بسپنې د اسانولو بهیر چټک کړي.
دغه راز د روغتیا نړیوالې ټولنې عمومي منشي ویلي، چې په افریقا کې د بیزږتڼاکې ناروغي ښايي په راتلونکیو شپږ میاشتو کې ودریږي.
د روغتیا نړیوالې ټولنې د دوه واکسینونو لپاره د بېړني جواز پر غوښتنلیکونو هم بیاکتنه کوي، چې د باواریان نورډیک او د جاپان کيام بیولوژیکي شرکتونو لخوا جوړ شوي.
د اګسټ په پیل کې د کانګو ډیموکراټیک جمهوریت څخه ګاونډ هېوادونو ته د بیزوټناکې د چټکې خپرېدا وروسته د روغتیا نړیوالې ټولنې د اګست په پیل کې عامې روغتیايي بېړنی حالت اعلان کړ.
تر دې دمه په کانګو کې د بیزوتڼاکې له ۱۸ زره څخه زیاتې شکمنې پېښې ثبت شوې دي. دغه راز د دغه ویروس له کبله ۶۲۹ کسان مړه شوي دي.
روغتيا
په افغانستان کې د بیزوتڼاکې ناروغي ثبت شوې نده – روغتیا وزارت
په کابل او پکتیا کې د بیزوتڼاکې د دوه شکمنو پېښو د پېژندلو په اړه د راپورونو له خپرېدو وروسته د عامې روغتیا وزارت چارواکو څرګنده کړې، چې په افغانستان کې د دې ناروغۍ کومه شکمنه یا مثبته پېښه ثبت شوې نده.
د افغانستان عامې روغتیا وزارت اعلان کړی، چې په افغانستان کې د بیزوتڼاکې کومه شکمنه یا مثبته پېښه ثبت شوې نده.
په کابل او پکتیا کې د بیزوتڼاکې د دوه شکمنو پېښو د پېژندلو په اړه د راپورونو له خپرېدو وروسته د عامې روغتیا وزارت چارواکو څرګنده کړې، چې په افغانستان کې د دې ناروغۍ کومه شکمنه یا مثبته پېښه ثبت شوې نده.
د روغتیا وزارت ویاند شرافت زمان امرخېل د سېشنبې پر ورځ (د وږي شپږمه) وویل، که د بیزوتڼاکې شکمنه یا مثبته پېښه ولیدل شي؛ نو د عامې روغتیا وزارت به یې اعلان کړي.
له دې مخکې یو شمېر رسنیو د روغتیايي سرچینو د څرګندونو له مخې ویلي وه، چې په کابل او پکتیا کې د ګوزڼ دوه شکمنې پېښې ثبت شوې دي.
د عامې روغتیا وزارت چارواکو شاوخوا یوه اوونۍ مخکې اعلان وکړ، چې د بیزوتڼاکې ناروغۍ د خپرېدو د مخنیوي هڅې کوي.
تر دې دمه په پاکستان، سویډن او افریقا کې د بیزوتڼاکې پېښې ثبت شوې دي.
د روغتیا نړیوالې ټولنې په دې وروستیو کې د بیزوتڼاکې خپریدل یو روغتیایي بېړنی حالت اعلان کړ او ویلې یې دي، چې د دې ویروس نوی بڼه د خپرېدو په حال کې ده.
روغتيا
افغانستان د بیزوتڼاکې ناروغۍ د مخنیوي هڅې پیل کړې
د عامې روغتیا وزارت د رسنیو دفتر د خبرپاڼې له مخې: په دې ناسته کې د عامې روغتیا وزارت چارسمبالي اړوند څانګو ته لارښوونه وکړه، چې په بندرونو کې د بېزوتڼاکې او نورو ساري ناروغیو د کنټرول او مخنیوي لپاره هڅې همغږي او پیاوړې او له شته امکاناتو څخه ګټه پورته کړي.
د عامې روغتيا وزارت د چارسمبالي نور جلال جلالي پر مشرۍ د دې وزارت د چارواکو په ګډون د بیزوتڼاکې ناروغۍ د مخنيوي او کنټرول یوه کاري ناسته ترسره شوه.
د عامې روغتیا وزارت د رسنیو دفتر د خبرپاڼې له مخې: په دې ناسته کې د عامې روغتیا وزارت چارسمبالي اړوند څانګو ته لارښوونه وکړه، چې په بندرونو کې د بېزوتڼاکې او نورو ساري ناروغیو د کنټرول او مخنیوي لپاره هڅې همغږي او پیاوړې او له شته امکاناتو څخه ګټه پورته کړي.
دغه راز نور جلال جلالي اړوند مسوولانو ته سپارښتنه کړې، چې د هېواد په مرکز او ولایتونو کې روغتونونو او روغتیايي مرکزونو ته د درملو د رسولو لپاره لازمې هڅې ترسره کړي، چې د ناروغانو روغتیايي وضعیت تر پاملرنې لاندې ونیول شي.
د عامې روغتیا وزارت مرکزي رییسانو د عامې روغتیا وزارت رهبرۍ ته ډاډ څرګند کړ، چې په هېواد کې د بېزوتڼاکو او نورو ناروغیو د مخنیوي او کنټرول لپاره به لازمې هڅې تر سره او د اړوند څانګو ترمنځ ښه همغږي رامنځته کړي.
دا په داسې حال کې ده، چې د پاکستان روغتیا وزارت د جمعې پر ورځ (د زمري پر شپږویشتمه ) د بېزوتڼاکې لږ تر لږه یوه پېښه اعلان کړې ده.
-
تازه خبرونه2 days ago
د افغانستان له پامه غورځول به د سپټمبر د یوولسمې پېښې تکرار رامنځته کړي – دُرانی
-
نړۍ21 hours ago
هر هېواد دې د اوکراین د توغندیو د توغولو په اړه خپله پرېکړه وکړي – ستولتنبرګ
-
لوبی3 days ago
افغانستان د انګولا پر وړاندې په فوټسال نړیوال جام کې لوبیږي
-
تازه خبرونه2 days ago
آلمان له ازبکستان سره د مهاجرت هوکړه لاسلیک کړه
-
لوبی12 hours ago
د افغانستان کرکټ ملي لوبډله له سویلي افریقا سره لوبه لري
-
لوبی2 days ago
د افغانستان فوټسال لوبډلې د ازبکستان په نړیوال جام کې د انګولا پر وړاندې لومړۍلوبه وکړه
-
تازه خبرونه1 day ago
غیر قانوني افغان کډوال به بېرته افغانستان ته ولېږدول شي – د ایران ولسمشر
-
سیمه ییز خبرونه22 hours ago
تهران زما په ولسمشرۍ کې روسیې ته وسلې ندي لېږدولي – پزشکیان