د سلګونه افغان کډوالو لېږدوونکې بېړۍ د یونان په یوه بندر کې ودرېده

د ترکیې بیرغ لرونکې بار وړونکې بېړۍ د یونان په یوه ټاپو کې ۳۸۲ کډوال، چې ډېر یې افغانان دي، کښته کړي دي.

د دغې بېړۍ ماشین دوه ورځې مخکې په اژه سمندرګي له کاره ولوېد او په دې اړه یې یو بېړنی پیغام هم مخابره کړ.

د یونان د کډوالو چارو وزارت ویلي، چې د یونان ساحلي ساتونکیو د «مورات ۷۲۹» بېړۍ شپږ سپرلۍ په یونان بندر کې له کښته کېدو وروسته نیولي دي.

دغه وزارت زیاته کړې، چې دا په وروستیو کلونو کې د پناه غوښتونکیو تر ټولو لوی شمېر دی، چې یوځای یونان ته رسیدلي دي.

یونان اروپا ته د ننوتلو لنډه لار ګڼل کیږي؛ هر کال زرګونه کسان د ترکیې له لارې دې هېواد ته وردننه کیږي او بیا نورو اروپايي هېوادونو ته ننوځي.

د جمعې پر ورځ، یونان له ترکیې وغوښتل، چې دا بېړۍ او په کې سپاره ټول مسافر بېرته راستانه کړي.

ـــــــــ

کمپاین- مرستې ته سترګې پر لاره!

د خپلو نغدي مرستو لپاره لاندې اوبپاڼې ته سر ښکاره کړئ.

www.helpafg.org

آریانا نیوز او آریانا نړیوالې ټلویزیوني شبکې؛ د بیات بنیاد له دې نوښته، چې په افغانستان کې اړمنو کورنیو ته د خوراکي توکو د برابرولو لپاره بسپنې راټولوي، هر اړخیز ملاتړ کوي.

مونږ د بیات بنیاد د رسمي رسنیز همکار په توګه له تاسې د مرستې غوښتنه کوو، چې دا بنسټ وکولی شي په دې سخت وخت کې د افغان اړمنو کورنیو ته خواړه چمتو کړي.

که له کومې ستونزې سره مخ شوئ پر لاندې برښنا لیک سره اړیکې ونیسئ:

info@bayatfoundation.org