لوبی
د روسیې د بډمنټون څلور کسیزه لوبډله کابل ته راورسېده
د روسیې په دې لوبغاړ کې درې لوبغاړي دي او یو روزونکی دی، چې ټاکل شوې د څلور ورځو لپاره په افغانستان کې وي.
![](https://www.ariananews.af/wp-content/uploads/2024/08/Russian-players.jpg)
د روسيې د بډمنټون لوبغاړو څلور کسيزه ډله د دغه هېواد د المپيک، بدني روزنې او سپورټ د عمومي رياست پر همکارۍ د دغه هېواد د ملي فډراسيون پر استازيتوب د بډمنټون په سياليو کې د ګډون لپاره کابل ته راورسېده.
د روسیې په دې لوبغاړ کې درې لوبغاړي دي او یو روزونکی دی، چې ټاکل شوې د څلور ورځو لپاره په افغانستان کې وي.
د روسیې د بډمنټون لوبغاړی ارتور پچنکین وايي: دا لومړی ځل دی، چې افغانستان ته راغلي یوو او په یوه ښکلي هېواد کې له سفره د خوښۍ احساس کوو. دغه راز د لوبغاړو هرکلي مونږ زړه راکښونکي کړي یوو. مونږ یوازې د بریا لپاره راغلي یوو؛ که نه، نو په دې سیالیو کې مو ګډون بې ګټې دی او له همدې کبله د اتلولۍ د ګټلو لپاره بشپړه هڅه کوو.
د المپيک ملي کمیټې د رسنيو له دفتره په خپره شوې خبرپاڼه کې راغلي، چې دغه سيالۍ د افغانستان، پاکستان او روسيې د ٢٤ لوبغاړو په ګډون د هېواد د المپيک، بدني روزنې او سپورټ عمومي رياست پر همکارۍ د بډمنټون د ملي فډراسيون لهخوا د یکشنبې پر ورځ (د زمري پر یوویشتمه) د دې ریاست په۲۵۰۰ کسیز جمنازیوم کې د درې ورځو لپاره پیلیږي.
په دغو سیالیو کې ځوانان او مشران د دې پړاو د اتلولۍ د جام د ترلاسه کولو لپاره سیالي کوي.
لوبی
د افغانستان او نیوزیلینډ کرکټ ټسټ سیالۍ بیا هم وځنډیدې
د شپې د باران له کبله د افغانستان او نیوزیلینډ ترمنځ کرکټ یوازنۍ ټسټ لوبې په دوهیمه ورځ ډهلي ته نږدې په ګریټر نویډا سپورټي لوبغالي کې یو ځل بیا وځنډول شوې.
![](https://www.ariananews.af/wp-content/uploads/2024/09/MixCollage-10-Sep-2024-08-55-AM-7196.jpg)
د افغانستان کرکټ بورډ ویلي، چې د افغان او نیوزیلنډ لوبډلو ترمنځ د یوازنۍ ټسټ لوبې د دوهیمې ورځ پیل د تېرې شپې د سخت اورښت او اوسمهال د لوبغالي د لوندوالي له کبله ځنډېدلی دی.
د شپې د باران له کبله د افغانستان او نیوزیلینډ ترمنځ کرکټ یوازنۍ ټسټ لوبې په دوهیمه ورځ ډهلي ته نږدې په ګریټر نویډا سپورټي لوبغالي کې یو ځل بیا وځنډول شوې.
په لومړۍ ورځ له ټولو هڅو سره ـ سره د لوند لوبغالي له کبله هیڅ لوبه شونې نه وه.
لوبه د سې شنبې د سهار نهه بجو ته وځنډول شوه؛ خو بیا هم لوند لوبغالی د باران له کبله د لوبېدا نهو او ځنډ نور هم وغځېده.
ټاکل شوې، چې لوبڅاري پر ځايي وخت د غرمې پر ۱۲ بجو بیا هم له لوبغالي لیدنه وکړي.
دا په ۲۰۲۴ ز. کال کې د افغانستان د کرکټ درېیمه ټسټ لوبه ده، چې د ایرلینډ او سریلانکا پر وړاندې له یو ځل ترسره کیدو وروسته ترسره کیږي.
لوبی
ابراهیم ځدراڼ د نیوزیلینډ پر وړاندې په ټسټ لوبه کې نهلوبیږي
دې بنسټ په یوه خبرپاڼه کې لیکلي، چې ابراهیم ځدراڼ پر چپه پښه د ټپ له کبله له لوبې لرې شوی دی.
![](https://www.ariananews.af/wp-content/uploads/2024/09/Ibrahim-Zadran.jpg)
د افغانستان کرکټ بورډ اعلان کړی، چې ابراهیم ځدراڼ به د نیوزیلینډ پر وړاندې په ټیسټ لوبه کې، چې ټاکل شوې د دوشنبې پر ورځ نوي ډیلي ته نږدې پیل شي؛ ګډون ونهکړي.
دې بنسټ په یوه خبرپاڼه کې لیکلي، چې ابراهیم ځدراڼ پر چپه پښه د ټپ له کبله له لوبې لرې شوی دی.
ابراهیم ځدراڼ به له سویلي افریقا سره په یو ورځنیو نړیوالو سیالیو کې، چې ټاکل شوې د سپټمبر پر اتلسمه پیل شي؛ هم برخه ونلري.
دغه راز نوید ځدراڼ هم د ټپي کیدو له کبله د نیوزیلینډ پر وړاندې له ټسټ لوبې بې برخې شوی دی.
لوبی
د فوټسال نړیوال جام پیلېدا ته یوازې شپږ ورځې پاتې دي
د دې ټورنمنټ په لسم پړاو کې به ټولټال ۳۳۶ لوبغاړي برخه واخلي، چې د ۲۰۲۴ کال د سپټمبر له څوارلسمې څخه تر د اوکټوبر تر شپږمې به د ازبکستان په درې کوربه ښارونو؛ اندیجان، بخارا او تاشکند کې ترسره شي.
![](https://www.ariananews.af/wp-content/uploads/2024/09/futsal-wc-trophy-e1725788005419.jpg)
د ۲۰۲۴ ازبکستان فیفا فوټسال نړیوال جام پرانیستې لوبو ته یوازې شپږ ورځې پاتې دي؛ د سیالیو لپاره چمتووالی خپل وروستي پړاو ته دننه کیږي او د ۲۴ ګډون کوونکیو لوبډلو لپاره نوملړ هم وروستی شوی دی.
د دې ټورنمنټ په لسم پړاو کې به ټولټال ۳۳۶ لوبغاړي برخه واخلي، چې د ۲۰۲۴ کال د سپټمبر له څوارلسمې څخه تر د اوکټوبر تر شپږمې به د ازبکستان په درې کوربه ښارونو؛ اندیجان، بخارا او تاشکند کې ترسره شي.
په دې سیالیو کې به د نړۍ غوره فوټسال لوبډلې او لوبغاړي شتون ولري؛ د ټولو شپږ کنفډدراسیونونو تر څنګ به د څلور هېوادونو په شمول، چې د لومړي ځل لپاره د فیفا فوټسال نړیوال جام کې څرګندیږي؛ ۲۴ سیالي کوونکي هېوادونو ګډون کوي.
افغانستان یو له هغو څلور هېوادونو څخه دی، چې د لومړي ځل لپاره یې د فرانسې، نیوزیلینډ او تاجکستان سره سیالي وکړه.
ارجنټاین، په تېرو دوه پړاوونو کې پر ترتیب اتلولي او اتلولۍ ته نوماندې خپله او یوه پیاوړې لوبډله یې د پېنځه لوبغاړو په ګډون د ۲۰۱۶ کال د فیفا فوټسال نړیوال جام د تاج ګټلو ته وړاندې کړه.
کوربه هېواد ازبکستان به تاریخ جوړوونکی شي؛ ځکه، چې د مرکزي آسیا د فیفا لومړۍ سیالي به د ۲۰۲۴کال د سپټمبر پر څوارلسمه د نډرلینډ پروړاندې پیل کړي. په داسې حال کې، چې نوي نړیوال اتلان به د تاشکند په پلازمینه د اکتوبر پر شپومه د ۲۰۲۴ کال تاج ولېږدوي.
د افغانستان لومړۍ لوبه به له انګولا سره وي او د سپټمبر پر ۱۵ به ترسره شي.
په افغانستان کې د مینهوالو لپاره به دا زړهراکښونکې سیالۍ یو ځل بیا د آریانا ټلویزیوني شبکې (ATN) لخوا خپرې شي او راپورونه ښیي، چې افغان لوبډله به په ګاونډ ازبکستان کې د میشتو افغانانو لخوا وهڅول شي شي.
نور اړوږند خبرونه:
د افغانستان فوټسال لوبډله تاشکند ته ورسېده
-
لوبی3 days ago
د افغانستان فوټسال لوبډله تاشکند ته ورسېده
-
لوبی2 days ago
ابراهیم ځدراڼ د نیوزیلینډ پر وړاندې په ټسټ لوبه کې نهلوبیږي
-
نړۍ3 days ago
په غزه کې ۲۸ فلسطینیانو ته مرګ او ژوبله اوښتې
-
سیمه ییز خبرونه3 days ago
امریکا روسیې ته د ایران د بالستیک توغندیو پر سپارلو اندېښنه څرګنده کړه
-
تازه خبرونه3 days ago
ناروې له افغانستان سره یو اعشاریه اته میلیون ډالر مرسته وکړه
-
تازه خبرونه1 day ago
په هلمند او کندهار کې د کوکنارو پر ځای د ریحان کرکېله زیاته شوې
-
سوداگري2 days ago
په کابل کې د تره خېل ۲۵۲ میګاولټ امپیر سب سټېشن د جوړولو کار پیل شو
-
نړۍ2 days ago
په سوریه کې د اسرائیلو د بریدونو له کبله لږ تر لږه څلور ملکي وګړي ووژل شول