تازه خبرونه
د دوحې درېیمه غونډه به د م.م د مرستیالې پر مشرۍ جوړه شي
د کارلو د څرګندونو له مخې؛ د دې اوونۍ په غونډو کې به د افغانستان د خلکو، ګاونډیانو، سیمې او نړیوالې ټولنې پر ګڼو ننګونو خبرې وشي. د دې فرصت به هم وي، چې د ټولو افغانانو د ګټو لپاره له عملي چارواکو سره د اصولي تعامل لپاره لارې چارې ولټول شي.
![](https://www.ariananews.af/wp-content/uploads/2024/06/Rosemary-DiCarlo.jpg)
په دوحه کې د افغانستان په اړه د ملګرو ملتونو د راتلونکې غونډې مشري به د د دې ټولنې د سیاسي او سولې په چارو کې د مرستیالې روزمري ډی کارلو پر غاړه وي.
د ملګرو ملتونو د خبرپاڼې له مخې؛ په دې غونډه کې، چې ټاکل شوې د چنګاښ پر لسمه او یوولسمه / د جون پر درشمه او د جولای پر لومړۍ جوړه شي؛ د افغانستان په اړه د نړیوالو اړیکو او تعاملاتو د همغږۍ پر څرنګوالي منظمې خبرې وشي.
دا غونډه به د ۲۰۲۳ کال د مې او د ۲۰۲۴ کال د فبرورۍ له خبرو وروسته جوړه شي.
د دوحې خبرې اترې د سیمې او نړۍ د هېوادونو د ځانګړيو استازو او د افغانستان په اړه د اسلامي امارت تر منځ د مستقیمو خبرو اترو زمینه برابروي، چې په کې شاوخوا ۳۰ هېوادونو او نړیوالو بنسټونو ته د ګډون بلنه ورکړ شوې ده.
د دوحې په غونډه کې به له افغانستان سره د ښکېلتیا او تعامل پر خپلواکه ارزونه، چې د ۲۰۲۳ کال په نومبر میاشت کې امنیت شورا ته وړاندې شوې؛ خبرې وشي.
ټاکل شوې، چې د چنګاښ پر دولسمه / د جولای پر دوهیمه په دوحه کې ډی کارلو او ځانګړې استازي د بشري حقونو او د ښځو د حقونو د مدافعانو په ګډون د افغانستان د مدني ټولنې له استازو سره وګوري.
د دوحې په خبرو کې به د عمومي منشي ځانګړې استازې او په افغانستان کې د ملګرو ملتونو د مرستندویه پلاوي (یوناما) مشره روزا اوتونبایوا هم ګډون وکړي.
ډی کارلو له غونډې مخکې وویل: د دوحې خبرې اترې د دې بهیر یوه برخه ده. هر څه په یو وخت کې ندي. د دې بهیر ووستۍ موخه له ځان او ګاونډیانو سره د افغانستان سوله ده، چې په نړیواله ټولنه کې په بشپړه توګه مدغم وي او د بشري حقونو په ځانګړي توګه د ښځو او نجونو د حقونو په اړه خپل نړیوال مکلفیتونه پوره کوي.
د کارلو د څرګندونو له مخې؛ د دې اوونۍ په غونډو کې به د افغانستان د خلکو، ګاونډیانو، سیمې او نړیوالې ټولنې پر ګڼو ننګونو خبرې وشي. د دې فرصت به هم وي، چې د ټولو افغانانو د ګټو لپاره له عملي چارواکو سره د اصولي تعامل لپاره لارې چارې ولټول شي.
اسلامي امارت د سې شنبې پر ورځ اعلان وکړ، چې په دې غونډه کې به د اسلامي امارت د پلاوي مشري ذبیح الله مجاهد کوي.
اړوند خبرونه:
د دوحې په غونډه کې به د اسلامي امارت د مرکچي پلاوي مشري ذبیح الله مجاهد کوي
سازمان ملل: افغانستان جز هفت کشور جهان است که هیچ زنی در کابینهاش حضور ندارد
تازه خبرونه
له افغانستان څخه د امریکايي ځواکونو وتل امریکا ته له شرمه ډکه تاریخي پېښه وه – ټرمپ
ډونلډ ټرمپ او جو بایډن د سي ان ان پر کوربتوب په لومړنۍ ټلویزیوني مناظره کې یو بل “د امریکا په تاریخ کې تر ټولو بد ولسمشر” نومولی دی.
![](https://www.ariananews.af/wp-content/uploads/2024/06/trump-biden-combo-photo-1-6944496-1719545124641.jpg)
د امریکا ولسمشریزو ټاکنو ته نوماند ډونالډ ټرمپ له افغانستان څخه د امریکايي ځواکونو وتل د امریکا په تاریخ کې تر ټولو شرمونکې پېښه یاده کړې ده.
ډونلډ ټرمپ او جو بایډن د سي ان ان پر کوربتوب په لومړنۍ ټلویزیوني مناظره کې یو بل “د امریکا په تاریخ کې تر ټولو بد ولسمشر” نومولی دی.
ټرمپ ویلي: هغه (بایډن) چې کله له افغانستان څخه امریکايي پوځیان ووېستل؛ دا یو ډېره شرموونکی بهیر و، دومره د شرم وړ، چې په تاریخ کې یې ساری نه لیدل کیږي. په داسې حال کې، چې نه یوازې زمونږ د میلیونونو ډالرو تجهیزات هلته پاتې شول، بلکې مونږ خپل ۱۳ سرتېري له لاسه ورکړل؛ هېوادوال او شریکان مو هم پاتې شول.
د دې سیالۍ بل ګډونوال د امریکا اوسني ولسمشر جوبایډن ویلي، چې د ټرمپ د ولسمشرۍ پر مهال مو په افغانستان کې خلک وژل کېدل او ټرمپ یې د مخنیوي لپاره هیڅ هم ندي کړي.
هغه زیاته کړې: کله، چې هغه( ډونالډ ټرمپ ) ولسمشر و؛ په افغانستان کې خلک وژل کېدل او د نړۍ په بېلابېلو برخو کې یې ډېر امریکايي پوځیان د مرګ خولې ته ورکړل.
امریکايي ځواکونه له ۲۰ کلن حضور او جګړې وروسته د ۲۰۲۱ ز. کال په اګست میاشت کې له افغانستان څخه ووتل.
له افغانستان څخه د امریکايي ځواکونو د وتلو بهیر د تېر حکومت د سقوط یو له مهمو لاملونو څخه وبلل شو؛ خو کارپوهان په دې باور دي، چې د افغانستان ستونزه اوس هم د امریکا د بهرنۍ تګلارې کمزورتیا ګڼل کېږي.
په تېرو څه کم درې کلونو کې له افغانستان څخه د امریکايي ځواکونو د وتلو له کبله د هغه هېواد د سیاستوالو او د کانګرس د یو شمېر استازو لهخوا د جوبایډن پر اداره سختې نیوکې شوې دي.
پر بایډن نیوکه کوونکي پدې باور دي، چې له افغانستان څخه د وتلو پرېکړې په سیمه کې د امریکا دریځ کمزوری کړ او د سیمې په هېوادونو کې د چین او روسیې د پراخ نفوذ لامل شو.
اړوند خبرونه:
مونږ لیوني وو، چې د افغانستان په جګړه کې مو میلیارډونه ډالر ولګول – ټرمپ
په افغانستان او عراق کې د امریکايانو د یرغمل کېدو په اړه د ټرمپ ادعا مبالغه ده
تازه خبرونه
د کابل د ارغندۍ د ۵۰۰ کیلوولټ سبسټېشن د پاتې چارو کار پیل شو
فاروق اعظم وایي: زمونږ لپاره د برښنا تولید خورا مهم دی. سره له دي، چې اسلامي امارت ورته پاملرنه کړې؛ خو هیله لرم، چې په هېواد کې له اوبو څخه د برښنا د تولید لپاره اقدامات زیات کړو او د ګاونډ هېوادونو له احتیاجه ووځو.
![](https://www.ariananews.af/wp-content/uploads/2024/06/Arghandi-2.png)
د اوبو او انرژۍ وزارت مسوولینو ويلي، چې په هېواد کې د برښنا د ستونزې د حل لپاره د رییس الوزرا اقتصادي مرستیال د دې پروژې چارې په خپل لاس په داسې حال کې پيل کړي، چې سکواټر ته پخپله ناست و .
دا سبسټېشن د بغلان له خواجه الوان د ښتې څخه د کابل تر ارغندۍ سیمې پورې د ترکمنستان برښنا د لېږد لپاره جوړېږي، چې لګښت یې اته میلیون او شپږ سوه زره ډالره اټکل شوی دی.
د پروژې کارونه به د شاوخوا دوه کلونو په بهیر کې بشپړ شي، چې د کابل په ګډون به د غزني، پکتیا، خوست او ننګرهار ولایتونو شاوخوا څلور سوه زره کورنی د برښنا له رڼا برخمنې کړي.
د اوبو او انرژۍ وزارت چارسمبالي عبداللطیف منصور ويلي، چې د دې پروژې له بشپړېدا سره به هېواد ته له ترکمنستان څخه ۱۰۰۰ میګاواټه برښنا راولېږدول شي.
د اوبو او انرژۍ وزارت مسوولینو ویلي، چې لګښت پرې له کورنیو برابریږي.
د اوبو او انرژۍ وزارت چارسمبالی وایي: دا یوه حیاتي پروژه ده، چې ۸ اعشاریه ۶ میلیون ډالر لګښت پرې راځي.
د نوموړي د څرګندونو له مخې؛ مونږ اوس ۹۰۰ میګاواټه برښنا لرو؛ نو، ځکه دا پروژه مهمه ده.
د پروژې د عملي کوونکي شرکت مسوولین نورالله وايي، چې په هېواد کې د انرژۍ د تولید لپاره پانګونه پیل شوې او له دې پروژې پرته په هېواد کې د لمریزو، ګازي او بادي سرچینو څخه د برښنا پر تولید د پانګونې بهیر پیل شوی او اسلامي امارت ترې پوره ملاتړ کوي.
نوموړي ویلي: مونږ د۵۰۰ کیلو ولټ برښنا لین دغزولو او هغه ته د سبستیشنونو د جوړولو بهیر پیل کړی او ترڅنګ يي په هېواد کې له کورنیو منابعو څخه تولید کیدونکې برښنایي پروژۍ پیل شوي، چې چارې یې منظمې پرمخ روانې دي.
د اوبو او انرژۍ وزارت سلاکار فاروق عطم وايي: هېواد کې د انرژۍ د تولید لپاره باید هڅې چټکې شي، چې ټول هېواد ته د برښنا رسوني سیسټم منظم شي.
هغه زیاته کړې د هېواد ټول پرمختګونه له برښنا سره تړلي او دې برخې ته باید زیاته پاملرنه وشي.
فاروق اعظم وایي: زمونږ لپاره د برښنا تولید خورا مهم دی. سره له دي، چې اسلامي امارت ورته پاملرنه کړې؛ خو هیله لرم، چې په هېواد کې له اوبو څخه د برښنا د تولید لپاره اقدامات زیات کړو او د ګاونډ هېوادونو له احتیاجه ووځو.
ویل کیږي، چې په نږدې راتلوونکي کې به د کمال خان بند، شاه او عروس بند او تورې بند په ګډون ځینې بندونه ګټې اخستني ته وسپارل شي او د یو شمېر نورو بندونو کارونه به د روان کال تر پا یه بشپړ شي.
تازه خبرونه
د کندهار له مرکزي زندان څخه د ۳ بندیانو د تېښتي مخه ونیول شوه
محب الله ګرمسیري زیاته کړې؛ د زندان هغه ساتونکي، چې د دې تېښتي مخه نیولې؛ نغدي جایزه ورکړ شوه او د نورو همکاریو ترڅنګ نورو ساتونکیو ته هم پر زندان د ښې پاملرني او خوندي امنیت رامنځته کولو لپاره ځانګړي لارښووني وشوې.
![](https://www.ariananews.af/wp-content/uploads/2024/06/kand.png)
د کندهار د رسنیو مقام د دې ولایت د مرکزي زندان د رییس محب الله ګرمسیري د څرګندونو له مخې په ډاګه کړې؛ درې بندیانو غوښتل، چي له مرکزي زندان څخه وتښتي؛ خو د زندان امنیتي ساتونکي یې مخه ونیوله.
محب الله ګرمسیري زیاته کړې؛ د زندان هغه ساتونکي، چې د دې تېښتي مخه نیولې؛ نغدي جایزه ورکړ شوه او د نورو همکاریو ترڅنګ نورو ساتونکیو ته هم پر زندان د ښې پاملرني او خوندي امنیت رامنځته کولو لپاره ځانګړي لارښووني وشوې.
دغه راز د نوموړي د څرګندونو له مخې: دوه پایوازانو، چي غوښتل یې یوه اندازه نشهيي توکي او یو میل قلم ډوله تومانچه زندان ته دننه کړي هم کشف او ونیول شوه.
ویل کیږي، چې په دې پلټنه کې د دې وسلې لېږدوونکي هم نیول شوي او دوسیې یې د بشپړو څېړنو لپاره اړوند ادارې ته وسپارل شوې.
-
لوبی4 days ago
د ۲۰ اوریز نړیوال جام د نیمه پایلوبې مهالوېش تائید شو
-
تازه خبرونه4 days ago
افغانستان د نړۍ یو له هغو اووه هېوادونو څخه دی، چې په کابینه کې میرمن نلري- م.م
-
لوبی4 days ago
افغانستان بنګله دېش ته پر ماتې ورکولو نیمه پایلوبې ته لار پیدا کړه
-
لوبی1 day ago
هند او سویلي افریقا د کرکټ ۲۰ اوریز نړیوال جام پایلوبې ته لار پیدا کړه
-
لوبی2 days ago
له سویلي افریقا سره په نیمه پایلوبه کې ماته مو د کار پیل دی – راشدخان
-
سوداگري5 days ago
د جنوبي افریقا او روسیې یوشمېر پانګوالو په کانونو کې د پانګونې غوښتنه وکړه
-
سوداگري5 days ago
د اسلامي امارت رهبر د صنعتي پارکونو قانون توشیح کړ
-
تازه خبرونه3 days ago
په افغانستان کې مو له ۵۴ زره څخه د ډېرو روږدو کسانو درملنه کړې