تازه خبرونه
د خاص روزګان ولسوالۍ د شخړې په اړه پلاوی وټاکل شو
د هېواد د ولسمشر په حکم د روزګان ولایت د خاص روزګان د شخړې او خونړیو پېښو د څېړلو او حل لپاره یو پلاوی ټاکل شوی دی.
ولسمشرۍ په روزګان ولایت کې شخړو ته قومي بڼه ورپه برخه کړې او د ولسمشر د سلاکار اسدالله فلاح په مشرۍ یې په دې ولایت کې د روانو شخړو د حل او څېړلو لپاره یو پلاوی ټاکلی دی.
د دغه پلاوي په ترکیب کې د ولسي جرګې غړی محمد اکبري، په ټولنیزو چارو کې د ولسمشر سلاکار عید محمد احمدي، په دیني چارو کې د ولسمشر سلاکاران مولوي محمد جوره طاهري او مولوي محی الدین بلوڅ، د شخړو د حل او له خلکو سره په اړیکو کې د ولسمشر سلاکار مولوي سید رحمان حقاني پشه یي، د کورنیو او ملي دفاع وزارتونو صلاحیت لرونکي استازي، د ملي امنیت د عمومي ریاست صلاحیت لرونکی استازی، د لویې څارنوالۍ صلاحیت لرونکی استازی، د امنیت او دفاع ریاست استازی، د سیمه ییزو ارګانونو او د ولسمشرۍ د چارو ادارې استازي برخه لري.
د ولسمشر په دغه حکم کې راغلي، چې پلاوی به د رامنځته شوې شخړې جرړې څېړي او څرنګوالي به یې په ګوته او د حل لار به ورته مومي. وروسته به د خپلو موندنو ګزارښ له خپلې طرحې سره یو ځای ولسمشرۍ ته سپاري.
دا په داسې حال کې ده، چې وسلوالو طالبانو له یوې اوونۍ راپدیخوا د دغه ولایت د خاص روزګان پر حسیني او کندلان سیمو بریدونه کړي او څرګندوي، چې د یوه سیمه ییز قومندان عبدالحکیم شجاعي نومي تر قومندې لاندې د هغه له افرادو سره یې جګړه روانه ده.
د دغو وسلوالو بریدونو د غندلو تر څنګ د ولسمشر دوه یم مرستیال درې ورځې وړاندې امنیتي او حکومتي بنسټونه تر نیوکو لاندې ونیول او د اړوند سیمې له خلکو یې وغوښتل، چې د بریدګرو په وړاندې ودریږي، په میړانه خپله دفاع وکړي او ورته تسلیم نشي.
داسې ښکاري، چې لانجه د سیمې د اوسیدونکیو او وسلوالو طالبانو تر منځ ده. کیسه له دې ځایه پیلیږي چې یوه نجلۍ د غزني له مالستان ولسوالۍ څخه خاص ارزګان ولسوالۍ ته تښتي، چې د شخړې لامل ګرځي.
یوه حکومتي سرچینه وايي، چې په پېښه کې نامسوول وسلوال شجاعي ښکېل دي، چې په وسلواله شخړه کې یې پنځوس ولسي وګړي وژل شوي.
د کورنیو چارو وزارت د ویاند مرستیال نصرت رحیمي وایي، د روزګان ولایت په اړوند ولسوالیو کې له څو ورځو راپدیخوا ستونزې رامنځته شوط دي؛ ولسمشر یو تازه پلاوی سیمې ته لیږلی، چې ستونزه وڅېړي. وګورو، چې په پای کې څه کیږي.
وسلوال طالبان د دایکندي ولایت په شهرستان او د غزني په مالستان او اجرستان کې ډېرې سیمې تر څارنې لاندې لري.
ویل کیږي د وسلوالو طالبانو سره قطعه هم په دغو سیمو کې اوسیږي، چې وخت ناوخت په روزګان او غزني کې بریدونه کوي.
مسوولین وايي، چې د دغو ولسوالیو څخه د وسلوالو طالبانو د ایستلو لپاره افغان ځواکونه لاس په کار شوي دي.
په غزني کې د درېیمې لوا د اوپراسیون امر شفیع الرحمان وایي: اوس د تګ راتګ په ټولو لارو کې خیرخیریت او امنیت خوندي شوی دی. لاره د ملي اردو د ځواکونو تر څارنې لاندې ده او موتر کولی شي، چې د روزګان پر لوري تګ راتګ وکړي.
د روزګان ولایتي شورا ځينې غړي وايي، چې وسلوالو طالبانو له ملکي خلکو سرونه پرې کړي او یا یې پر ډزو وژلي دي.
د ارزګان د ولایتي شورا غړی عبدالعلي حق بین وايي، چې د وسلوالو طالبانو سرې قطعې په سیمه کې پنځوس ولسي وګړي وژلي، چې جسدونه یې تر اوسه پراته دي.
د نوموړي د څرګندونو له مخې؛ حکومت باید ژر تر ژره د دغو ولسوالیو امنیت خوندي کړي.
ویل کیږي، چې د روانو نښتو او شخړو په بهیر کې نږدې ۵۰ ملکي وګړيو ته مرګ و ژوبله اوښتې او له ۴۰۰ ډېرې کورنۍ له اړوند سیمو څخه د غزني مالستان ولسوالۍ ته کډه شوې دي، چې بیړنیو مرستو، خوراکي توکو او سرپناه ته اړ دي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ