تازه خبرونه
د تورخم دروازې د بیا پرانیستلو او اوربند لپاره د جرګې خبرې پرښه نیت پای ته ورسېدې
د پاکستان د جرګې غړي جواد حسین جیو نیوز ته ویلي، چې دواړو خواوو هوکړه کړې، چې جګړه ودروي؛ سوداګري او سفر بېرته پیل کړي.

د راپورونو له مخې؛ د تورخم دروازې د بیا پرانیستلو لپاره د پاک ـ افغان د جرګو د غړو ترمنځ د خبرو اترو دوهیم پړاو د دوشنبې پر ورځ پر ښه نیت پای ته ورسېد او د جرګې غړو پرېکړه وکړه، چې د لارې پرانیستو او اوربند په اړه به خپلې طرحې حکومتي مشرانو ته وړاندې او په اړه به یې د حکومتونو پر کچه پرېکړه وشي.
دا ښه نیت د خیبر- تورخم فرضي کرښې ته نږدې د افغان لوري لخوا د پوستي د جوړولو پر سر د رامنځته شوي تاوتریخوالي د حل لپاره د پاک- افغان جرګې په ناسته کې رامنځته شو
د پاکستان د جرګې غړي جواد حسین جیو نیوز ته ویلي، چې دواړو خواوو هوکړه کړې، چې جګړه ودروي؛ سوداګري او سفر بېرته پیل کړي.
د پاکستان رسنیو راپور ورکړی، چې غونډه شاوخوا دوه ساعته روانه وه او د افغانستان پولې ته نږدې په ګمرک کې ترسره شوه.
د پاکستاني پلاوي سرچینو ډان ورځپاڼې ته ویلي، چې د دواړو خواوو ترمنځ د افغانستان پر لوري په صفري نقطه کې پولې ته نږدې د یوې جنجالي پوستې د جوړولو په اړه پراخ بحث شوی دی.
د دوی د څرګندونو له مخې؛ افغان لوري ته ویل شوي، چې د پولې صفري نقطې ته نږدې په موجوده جوړښت کې د هر ډول بدلون په اړه د دوی هر ډول اقدام به د پاکستان له سخت غبرګون سره مخ شي.
د راپورونو له مخې؛ افغانستان ټینګار کړی، چې تورخم دروازه دې له کوم شرط پرته پرانیستل شي؛ خو پاکستان د پوستې جوړولو د کار بندول غواړي، چې له شپږ میاشتني اوربند سره تړاو ولري.
دغو سرچینو ویلي؛ “مونږ د پاکستان او افغانستان ترمنځ د دښمنۍ د پای ته رسولو هیله او د افغان لوري لخوا د دایمي منل شويو سرحدي پروتوکولونو په اړه ډاډ څرګند کړ.”
د تورخم لار نږدې یوه میاشت مخکې هغه وخت وتړل شوه، چې پاکستاني سرحدي چارواکو د افغانستان په لوري کې د یوې امنیتي پوستې له بیارغونې او جوړونې سره مخالفت وکړ.
تورخم، چې د خیبر پښتونخوا په سیمه کې د پاکستان او افغانستان ترمنځ د تګ راتګ او ترانزیټ یوه مهمه لار ده؛ د سېشنبې پر ورځ د پېنځهویشتمې ورځې لپاره تړلې پاتې ده، چې له کبله یې د دواړو لوریو سوداګرو پراخ زیانونه ګاللي دي.
دا لار د کب پر درېیمه / د فبرورۍ پر یوویشتمه د دواړو خواوو د سرحدي ځواکونو ترمنځ د تاوتریخوالي له زیاتېدو وروسته وتړل شوه، چې د ډزو په پایله کې یې درې افغان سرتېري وژل شوي او اته پاکستاني نیمه پوځي سرتېري ټپیان شول.
د ګمرک سرچینو ویلي، چې د سوداګرۍ ځنډېدا په دوه اړخیزه سوداګرۍ کې هره ورځ د ۳ میلیون ډالرو زیان رسوي، چې په لومړیو ۲۰ ورځو کې شاوخوا ۶۰ میلیون ډالر سوداګري یې له لاسه ورکړې ده.
د تورخم دروازه هره ورځ افغانستان ته د شاوخوا ۱۰ زره خلکو تګ راتګ آسانه کوي او د دواړو هېوادونو ترمنځ یوه مهمه سوداګریزه لار هم ده. له ۵ زره څخه زیات لارۍ، چې خرابېدونکي توکي په کې بار دي؛ درانده مالي زیانونه ور اوښتي دي.
تازه خبرونه
د اوبو او انرژۍ وزارت چارسمبالي د ترکمنستان له سفیر سره وکتل
د اوبو او انرژي وزارت چارسمبالي د دواړو هېوادونو ترمنځ د ښو اړیکو مخینې ته په نغوته(اشاره ) کې د دواړو لورو ترمنځ دوه اړخیزې همکارۍ وستایلې او د ټاپ پروژې د عملي چارو پر چټکتیا یې ټینګار وکړ .

د اوبو او انرژي وزارت چارسمبالي( سرپرست) عبداللطیف منصور په کابل کې د دغه وزارت د یو شمېر ریيسانو په شتون کې د ترکمنستان له سفیر خواجه عوضوف سره وکتل .
د اوبو او انرژي وزارت چارسمبالي د دواړو هېوادونو ترمنځ د ښو اړیکو مخینې ته په نغوته(اشاره ) کې د دواړو لورو ترمنځ دوه اړخیزې همکارۍ وستایلې او د ټاپ پروژې د عملي چارو پر چټکتیا یې ټینګار وکړ .
دغه راز د ترکمنستان سفیر د ټاپ پروژې چارو او نورو همغږیو ته په نغوته کې د دغې پروژې د لارې د نقشې د شریکولو غوښتنه هم وکړه.
د اوبو او انرژي وزارت چارسمبالي د ترکمنستان هېواد سفیر ته ډاډ ورکړ، چې د دغې پروژې د لارې نقشه د دې وزارت له لوري وروستۍ شوې او ډېر ژر به له ترکمنستان هېواد سره شریکه شي.
ویل کیږي، چې د دې لیدنې په پای کې د دغې پروژې د چارو د چټکتیا لپاره د دواړو لورو د تخنیکي ډلو ترمنځ پر لیکه( انلاین) د غونډو پر ترسره کولو ټینګار وشو.
تازه خبرونه
افغانستان د پاکستان دښمن ندی – عمران خان
د پاکستان رسنیو څرګنده کړې؛ د سېشنبې پر ورځ( د کب اتویشتمه) د پاکستان تحریک انصاف ګوند د مشر عمران خان خور عليمه خان په زندان کې د خپل ورور د وضعیت په اړه له خبریالانو سره خبرې وکړې.

د پاکستان تحریک انصاف د مشر عمران خان خور عليمه خان له خپل ورور سره له لیدنې وروسته خبریالانو ته ویلي؛ عمران خان له افغانستان سره د مخ پر زیاتېدونکي تاوتریخوالي په اړه اندېښنه څرګنده کړې او ټینګار کوي، چې افغانستان د پاکستان دښمن ندی او له دې هېواد سره باید له تاوتریخوالي ډډه وشي.
د پاکستان رسنیو څرګنده کړې؛ د سېشنبې پر ورځ( د کب اتویشتمه) د پاکستان تحریک انصاف ګوند د مشر عمران خان خور عليمه خان په زندان کې د خپل ورور د وضعیت په اړه له خبریالانو سره خبرې وکړې.
هغې د عمران خان د څرګندونو له مخې ویلي: “تر ۲۰۲۱ کال پورې ترهګري د پام وړ کمه شوې وه؛ خو له ۲۰۲۲ کال راپدېخوا بیا زیاته شوې ده. افغانستان زمونږ دښمن ندی او باید خپل دښمن ترې جوړ نکړو.”
عليمه خان زياته کړې؛ ورور يې ټينګار کړی، چې له یو مسلمان هېواد او ګاونډ سره بايد بې دلیله کړکېچ رامنځته نشي.
هغې دا هم ویلي، چې عمران خان په زندان کې ورځپاڼو یا ټلویزیون ته لاسرسی نلري او له روانو پېښو څخه بې خبره دی.
له دې مخکې هم عليمه خان په زندان کې له خپل ورور سره له لیدنې وروسته د افغانستان او اسلامي امارت په اړه د خپل ورور دریځ خپور کړی و. د هغه د خور د پخوانیو څرګندونو له مخې؛ عمران خان په افغانستان کې د پاکستان پر هوايي برید غبرګون ښودلی و او له دې کړنې یې خپله نارضایتي څرګنده کړې وه.
تازه خبرونه
د تورخم دروازه نن له ۲۵ ورځو تړل کېدا وروسته بیا پرانیستل کیږي
د تورخم دروازې بیا پرانیسته د پاکستان او افغانستان د چارواکو ترمنځ له بریاليو ډیپلوماټیکو خبرو وروسته ترسره کیږي.

د پاکستان رسنیو راپور ورکړی، چې د افغانستان او پاکستان ترمنځ د تورخم پوله به د چارشنبې پر ورځ له ۲۵ ورځو تړل کېدا وروسته بیا د سوداګریزو فعالیتونه لپاره پرانستل شي.
د تورخم دروازې بیا پرانیسته د پاکستان او افغانستان د چارواکو ترمنځ له بریاليو ډیپلوماټیکو خبرو وروسته ترسره کیږي.
د تورخم دروازه له تېرو ۲۵ ورځې راپدېخوا د اسلامي امارت لخوا فرضي کرښې ته نږدې په خپل لوري کې د تاسیساتو جوړولو په غبرګون کې پاکستان وتړله، چې څو وارې په کې دواړو غاړو ترمنځ نښتې هم رامنځته شوې دي.
د پاکستان د استازو جرګې رییس سید جواد حسین کاظمي له پاکستانيو رسنیو سره په خبرو کې ویلي، چې نن لس بجې یې د لارې د خلاصون په تړاو له افغان کمیسار سره ناسته پیل کړې ده.
هغه زیاته کړې، چې اوربند به تر هغه وخته پورې پخپل ځای پاتې وي، چې د ګډې همغږۍ کمیټې (JCC) غونډه جوړه شي او په سیمه کې ثبات ډاډمن شي.
کاظمي ویلي، چې د پاکستان امنیتي چارواکو د افغان چارواکو له پرېکړې څخه رضایت څرګند کړی دی.
د ګمرک چارواکو د څرګندونو له مخې؛ د تورخم لار هره ورځ د شاوخوا ۳ میلیون ډالرو پر ارزښت سوداګري ته زمینه برابروي او شاوخوا ۱۰ زره خلک پرې تګ راتګ کوي. تمه ده، چې له بیا پرانیستلو سره یې اقتصادي فعالیتونه بېرته پیل شي او د هغو سوداګرو او وګړو لپاره، چې پدې اړینې لار تکیه لري ډاډمن سفر پیل کړي.
-
سوداگري3 days ago
په ۱۴۰۳ کال کې د ۲۹۲ میلیون ډالرو پر ارزښت د هوايي دهلیزونو له لارې سوداګري شوې
-
تازه خبرونه1 day ago
له افغانستان څخه د امریکا د وتلو په پرېکړه او پلي کولو کې ټول ښکېل کسان مسوول دي ـ شان پارنیل
-
لوبی20 hours ago
د هند ۲۰۲۵ غوره لیګ د ۱۸ کلنې زړه راکښونکې بریا جشن نمانځل کیږي
-
تازه خبرونه3 days ago
د ټرمپ حکومت د امریکا غږ کارکوونکي جبري رخصتۍ ته اړ کړل
-
تازه خبرونه3 days ago
امریکا په یمن کې د ۳۱ حوثیانو پر وژلو د هوايي بریدونو لړۍ پیل کړه
-
سیمه ییز خبرونه3 days ago
د پاکستان په جنوب لویدیځ کې ځانمرګي برید ۳۶ کسانو ته مرګ او ژوبله اړولې
-
نړۍ2 days ago
د امریکا او روسیې ولسمشران به روانه اوونۍ د اوکراین پر جګړې خبرې وکړي
-
روغتيا1 day ago
د افغانستان ۸۰ سلنه روغتیايي مرکزونه به د بودجې د نشتوالي له کبله وتړل شي