Connect with us

تازه خبرونه

د بيات رسنيو مركز پر سرينا هوتل د بريدگرو خوځنده انځورونه تر لاسه كړل

خپور شوی

د

(Last Updated On: لړم ۳, ۱۴۰۱)

د سرينا هوټل د امنيتي كمرو اخيستل شوي انځورونه آريانا او آريانا خبر تلويزيونونو خپاره كړل. دا انځورونه ښيي، چې بريدگرو څنگه او كله وكولى شول سرينا هوتل ته، چې د كابل په مركزى او امنيتي سيمه كې جوړ شوى، ننوزي.

په دې تصويرونو كې داسې ښودل كيږي، چې د بريدگرو پلټنه هم لكه، چې په كار ده، نه كيږي.

په تصويرونو كې ښودل كيږي، چې د بريدگرو څلور جوړې بوټان دومره لوى دي، چې له ليرې ښكاري.

بريدگرو ته، چې څلور تنه دي؛ په شپږ بجو او ۵۷ دقيقو په بشپړ ډاډ په سيمه ييز لباس له ساده تلاشۍ وروسته سرينا هوټل ته د ننوتو اجازه وركول كيږي.

بريدگرو د خپلو ۳۰ سانتي بوټانو په تليو كې تومانچې ځاى په ځاى كړې وې او په بوټانو كې يې داسې تكنالوژي كارولې، چې امنيتي مامورين د پلټنې پر مهال غولولي دي.

دوى له لومړۍ دروازې څخه له تېريدو وروسته دوه يمې دروازې ته ځي او وروسته درېيمې دروازې ته، چې ماشين او د اكسرې دروازه په كې ده، دننه كيږي. دلته هم يوه ساده تلاشي كيږي او له الكترونيكي دروازې له تېرېدو وروسته د هوتل انگړ ته دننه كيږي.

بل تصوير دا څلور بريدگر ښيي، چې د هركلي سالون ته ځي؛ يو سړى، چې ښايي د كابل سرينا هوټل له ساتونكيو څخه وي، په دقت سره د بريدگرو پر لور گوري او تر يو ځاى پورې يې څاري. يعنې داسې ښكاري، چې پر دوى شكمن شوى دى.

د دې تصويرونو پر بنسټ بريدگر پچش ډوله تومانچې او گولۍ له خپلو بوټونو څخه را وباسي او دهليز له لارې د خوراك سالون ته ننوځي . خلك يې په ليدلو له وېرې او ترهې سره مخ كيږي. په دې ويديو كې د يوې ميرمنې انځور هم ليدل كيږي. بريد گر له هغو كسانو سره، چې په انځورونو كې نه ښكاري، نښته كوي؛ خو دغه مهال د امنيتي كسانو غږ نه اوريدل كيږي، چې ميلمانه له بريد وژغوري. په داسې حال كې، چې يو بريدگر له كوم چا سره د گرځند پر ليكه خبرې كوي.

په پاى كې له ۳۰ دقيقو وروسته امنيتي ځواكونه د هوتل صالون ته رارسيږي او سيمه تر څارنې لاندې نيسي.

بله ويديو ښيي، چې د صالون په دروازه كې يو بريدگر د امنيتي ځواكونو له خوا وژل شوي دى او بيا د څلور واړو مړي ښودل كيږي، چې وژل شوي دي.

په بل انځور كې درې بهرني ښودل كيږي، چې په دې بريد كې وژل شوي دي. دغه راز د عبدالله ولي زي د شركت د رييس مړى ښودل كيږي، چې بريدگرو وژلى دى. په دې انځور كې له بريدگرو څخه تر لاسه شوي شيان هم ښودل كيږي.

په بل تصوير كې د دوه بهرنيو ميرمنو مړي ښودل شوي، چې د هوتل په صالون كې وژل شوې دي.

له دې ټولو دردناكه د احمد سردار په گډون د ده د ميرمنې، اووه كلن او ۴ كلنو زامنو مړي، چې په سر او سينې ويشتل شوي ښودل كيږي. د هغه درېيم زوى، چې په پېښه كې ټپي شوى او اوس په روغتيايي څانگه كې د كوما حالت لري تر څارنې لاندې دى.

له بريدگرو دوه تذكرې پاتې شوي، چې يو يې د كندهار اوسيدونكى ۲۳ كلن ظهور د دوستم زوى او بل آغامحمد نوميږي، چې ۲۲ كلن او د كندهار ولايت د نادر گل زوى دى.

دا، چې دغو بريدگرو څنگه وكولى شول كابل سرينا هوتل ته له سختو امنيتي تدابيرو سره سره په دې آسانۍ ننوزي هغه پوښتنه ده، چې تر دې دمه بې ځوابه پاتې ده.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!