تازه خبرونه
د بهرنیو ځواکونو د وتلو پرمهال لږ بریدونه شوي ـ امریکا
د امریکا دفاع وزارت ویاند جان کربي پرون (سې شنبه د غویی ۲۸) ویلي، چې له افغانستان څخه د امریکایي ځواکونو د وتلو پر مهال له یو شمېر بریدونو سره مخ وو؛ خو دا بریدونه ډېر اغېزمن نه ول.
کربي یوه خبري کنفرانس ته څرګنده کړې؛ امریکا هیله لري، چې دا به دوام ومومي.
کربي زیاته کړې؛ امریکا باید په افغانستان کې د وړتیاوو لپاره پلان ولري. که څه هم د طالبانو له مخالفت سره مخ شي.
د امریکا مرکزي قومندانۍ پرون ویلي وه، چې له افغانستان څخه د امریکایي سرتېرو د ستنېدو بهیر له ۱۳ څخه تر ۲۰ سلنه بشپړ شوی دی.
د امریکا مرکزي قومندانۍ څرګنده کړې، چې امریکایان له افغانستان څخه د نظامي تجهیزاتو د ایستلو ۱۱۵ الوتنې کړي دي.
د سرچینې د څرګندونو له مخې؛ د امریکا د تجهیزاتو ۵۰۰۰ برخې د ویجاړېدو لپاره چمتو شوې دي. دغه راز ویل کیږي، چې تر دې دمه یې پېنځه بهرنۍ اډې د افغانستان دفاع وزارت ته سپارلې دي.
