تازه خبرونه
د بشري حقونو په اړه نړیواله اجماع د ماتېدو په حال کې ده – وولکر ټرک
هغه د خوندیتوب نړیوال سیسټم د پیاوړتیا لپاره د هڅو غوښتنه وکړه او وایي، چې که نه؛ نو خلک به د تېرو ظلمونو له خطر سره مخ شي.
د ملګرو ملتونو عالي کمیشنر وولکر ټرک د دوشنبې پر ورځ خبرداری ورکړ، چې له دوهیمې نړیوالې جګړې وروسته په لسیزو کې د خوندیتوب جوړ شوی نړیوال سیسټم هیڅکله دومره تر فشار لاندې نه و.
هغه د خوندیتوب نړیوال سیسټم د پیاوړتیا لپاره د هڅو غوښتنه وکړه او وایي، چې که نه؛ نو خلک به د تېرو ظلمونو له خطر سره مخ شي.
وولکر ټرک په ژنیو کې د بشري حقونو شورا د لوړې کچې په یوه غونډه کې ویلي: “د بشري حقونو په اړه نړیواله اجماع د زورواکانو، واکغوښتونکو او اشرافو تر فشار لاندې له منځه ځي.”
د نوموړي د څرګندونو له مخې؛ مونږ د ټولو لخوا هر اړخیزو ګډو هڅو ته اړتیا لرو او ورسره دا ډاډ هم غواړو، چې بشري حقونه او د قانون حاکمیت د ټولنو لپاره، ټولنې او نړیوالې اړیکې خوندي پاتې شي. که نه؛ نو پرته له دې یې انځور ډېر خطرناک دی.
