نړۍ
د بریټانیا لومړي وزیر د اوکراین پلازمېنې کیف ته سفر کړی
د برتانیې لومړی وزیر بوریس جانسن د شنبې پر ورځ د اوکراین پلازمېنې کییف ته د ناڅاپي سفر په ترڅ کې پر روسیې د سختو بندیزونو ژمنه وکړه او ولسمشر زیلینسکي ته یې د نورو دفاعي وسلو د ورکړې ډاډ څرګند کړ.
رویټرز راپور ورکړی؛ په هغه غونډه کې، چې د اوکراین په پلازمېنه کې د جانسن تر شتون پورې پټه وه ؛ دواړو مشرانو د دغې لیدنې لپاره څو اوونۍ کار کړی او په پایله کې پر دوه اړخیزو اړیکو ټینګار رامنځته شو.
بوریس جانسن ویلي؛ مونږ باید د اوکراین د ملاتړ له مخې د روسیې پر فډراسیون نور فشار هم راوړو او د خپل ځان د دفاع لپارهچمتو شو. زه له انګلستان څخه مننه کوم، چې بندیزونه یې نه یوازې روان ساتلي، بلکې سختوي یې هم.
هغه زیاته کړې؛ مونږ د دفاعي ظرفیت له پیاوړي کولو سره د اوکراین بشپړ ملاتړ چمتو کوو.
دغه راز زیلینسکي ویلي، چې نور ډیموکراټیک لویدیځ هېوادونه باید انګلستان ته ورته مرستې ته راودانګي.
جانسن زیاته کړې: له خپلو شریکانو سره په ګډه مونږ اقتصادي فشارونه پراخوو او غزوو یې.
هغه زیاته کړې؛ مونږ د روسیې د هایدرو کاربنونو له کارولو څخه هم ډډه کوو.
دا په داسې حال کې ده، چې د اروپایي ټولنې کمیسیون مشر اورسولافون ډرلاین هم کیف ته د سفر وروسته خبر ورکړی، چې اوکراین ته د اروپایي ټولنې ۱۰ میلیارډ ډالري مرسته هم منل شوې او د اروپا مرسته به اوکراین ته روانه وساتل شي.
