تازه خبرونه
د ایران او پاکستان په پوله کې د افغانانو د وژنې راپورونه څېړل کیږي – ذبیح الله مجاهد
د افغان مهاجرو د وژنې په اړه د بشري حقونو بنسټ حالوش څرګنده کړې، چې د ایران سرحدي ځواکونو د سراوان په کلګان سیمه کې پر افغان مهاجرینو، چې غوښتل یې هېواد ته داخل شي ډزې کړي او په لسګونه کسان یې وژلي دي.
د اسلامي امارت ویاند ويلي، د ایران او پاکستان پر پوله د یو شمېر افغانانو د وژل کېدو او ټپي کېدو په اړه د خپرو شویو راپورونه څېړنه پیل شوې ده.
ذبيح الله مجاهد وايي: دا، چې د پېښې ځاى له هېواده بهر دى؛ نو تر اوسه يې په اړه کره معلومات تر لاسه شوي ندي.
مجاهد زیاته کړې؛ د دې موضوع له روښانه کېدو وروسته به پدې اړه لازمه پرېکړه وشي.
دغه راز ایراني چارواکو هم تر اوسه په دې اړه کړه معلومات وړاندي ندي.
په افغانستان کې د ایران سفیر او ځانګړی استازی وايي، د ایران د سرحدي ځواکونو لخوا د افغان مهاجرینو د وژلو او ویشتلو ادعا رښتیا نده.
په افغانستان کې د ایران سفیر او ځانګړي استازي حسن کاظمي قُمي نن (چارشنبه) په ایکس پاڼه کې دا خبر رد کړی دی.
قُمي زیاته کړې: د باوري سرچینو څارنه او پایلې ښیي، چې د سراوان د کلګان په پوله کې د لسګونه غیر قانوني وګړو د وژل کیدو خبرونه حقیقت نلري.
هغه دا هم ویلي، چې د غیر قانوني مهاجرینو د ننوتلو مخنیوی د ایران د سرحدي ځواکونو دنده ده.
د نوموړي د څرګندونو له مخې؛ ايران د افغان کډوالو بېرته راستنېدو ته ژمن دى او په دې برخه کې له نړيوالو تړونونو سره سم عمل کوي.
د افغان مهاجرو د وژنې په اړه د بشري حقونو بنسټ حالوش څرګنده کړې، چې د ایران سرحدي ځواکونو د سراوان په کلګان سیمه کې پر افغان مهاجرینو، چې غوښتل یې هېواد ته داخل شي ډزې کړي او په لسګونه کسان یې وژلي دي.
حالوش د سېشنبې پر ورځ (د تلې څلیریشتمه ) د ویډیوګانو او انځورونو او عیني شاهدانو د ادعاوو له مخې راپور ورکړی، چې له ۳۰۰ افغان کډوالو څخه ۲۶۰ کسان وژل شوي دي.
د يادونې ده، چې د ايران کلګان سيمه د پاکستان له سيستان او بلوچستان ايالت سره ګډه پوله لري.
تازه خبرونه
افغانستان د بسونو تولیدول پیل کړل
ذبیح الله مجاهد په ایکس پاڼه کې لیکلي، چې له دغو بسونو څخه به د ښاري ټرانسپورټي خدمتونو لپاره کار واخیستل شي او د پرانیستې مراسم به یې ډېر ژر ترسره شي.
د افغانستان د چارسمبالي حکومت ویاند په افغانستان کې د بسونو له تولیدولو خبر ورکړ.
ذبیح الله مجاهد په ایکس پاڼه کې لیکلي، چې له دغو بسونو څخه به د ښاري ټرانسپورټي خدمتونو لپاره کار واخیستل شي او د پرانیستې مراسم به یې ډېر ژر ترسره شي.
ذبیح الله مجاهد په افغانستان کې د بس موټرو تولید د ځانبسیاینې پر لور یو ډاډمن ګام ګڼلی دی.
تازه خبرونه
پاکستان او چین په افغانستان کې د ټولګډونه حکومت د جوړولو غوښتنه وکړه
د پاکستان د بهرنیو چارو وزارت د سېشنبې پر ورځ (د تلې څلیریشتمه) د پاکستان او چین د لومړيو وزیرانو شهباز شریف او لي چیانګ ګډه غوښتنه خپره کړې ده.
د پاکستان او چین مشرانو له اسلامي امارت ګډه غوښتنه کړې، چې نه یوازې منځلارې تګلاره غوره او ټولګډونه حکومت جوړ کړي، بلکې د ترورېزم پر وړاندې د اغېزمنې او ډاډمنې مبارزې پر اړتیا هم ټینګار وکړي.
د پاکستان د بهرنیو چارو وزارت د سېشنبې پر ورځ (د تلې څلیریشتمه) د پاکستان او چین د لومړيو وزیرانو شهباز شریف او لي چیانګ ګډه غوښتنه خپره کړې ده.
د چین لومړی وزیر، چې د شانګهای همکاریو ټولنې په غونډه کې د ګډون لپاره پر څلور ورځني سفر اسلامآباد ته تللی؛ له شهباز شریف سره یې په یوه ګډه غوښتنه کې د ګاونډ هېوادونو پر ضد د افغانستان د خاورې د کارولو د مخنیوي پر اړتیا ټینګار څرګند کړ.
پاکستان پر اسلامي امارت تور لګوي، چې د تحریک طالبان پاکستان په ګډون د پاکستان له مخالفو ډلو ملاتړ کوي.
پاکستان دا هم ويلي، چې تحریک طالبان پاکستان (ټيټيپي) د افغانستان خاوره د دوی پر ضد کاروي او له هغه ځایه خپل بریدونه پلانوي.
اسلامآباد په پاکستان کې پر چینایي وګړو شوي بریدونه هم له افغانستان څخه انګیري؛ خو اسلامي امارت بیا پاکستان تورنوي، چې له داعش ډلې ملاتړ کوي.
شریف او چیانګ په دوه اړخیزو او څو اړخیزو کچو کې د تروریزم پر ضد د همکارۍ پر پیاوړتیا ټینګار کړی او د افغانستان له چارسمبالي حکومت څخه یې غوښتي، چې د فعالو تروریستي ډلو د له منځه وړلو لپاره کوټلي او د تائید وړ ګامونه پورته کړي.
د پاکستان او چین ولسمشرانو د افغانستان د حالاتو په اړه د اړیکو او همغږۍ د پیاوړتیا پر اړتیا ټینګار کړی او د اسلامي امارت د هڅولو لپاره یې د نړیوالې ټولنې د همغږو هڅو داسې غوښتنه یې کړې، چې یو ټولګډونه سیاسي چوکاټ رامنځته او منځلارې پالیسي پلې کړي.
ویل کیږي، چې دواړو هېوادونو د افغانستان له ودې او پراختیا هم ملاتړ وکړ او ژمنه وشوه، چې په نړیواله ټولنه کې یې د ادغام په اړه رغنده رول ولوبوي.
تازه خبرونه
د ایران د سرحدي ځواکونو له خوا لسګونه افغان کډوال ووژل شول
ځینو رسنیو د عیني شاهدانو د څرګندونو له مخې په ډاګه کړې، چې ایراني سرحدي ځواکونو شاوخوا ۳۰۰ افغان کډوال پر نښه کړي او له ۲۰۰ ډېر یې وژلي دي.
د بشري حقونو یوې ټولنې حالوش د راپور له مخې؛ د ایران سرحدي ځواکونو د سراوان په کلګان سیمه کې پر افغان مهاجرینو، چې غوښتل یې ایران ته واوړي ډزې کړي او لسګونه کسان یې وژلي دي.
حالوش د سې شنبې پر ورځ (د تلې څلیریشتمه) د ترلاسه شویو ویډیوګانو او انځورونو او همدا راز د عیني شاهدانو د ادعاوو له مخې خبر ورکړی، چې له ۳۰۰ افغان مهاجرو څخه شاوخوا ۶۰ یا ۷۰ کسان ژوندي پاتې شوي او پاتې نور ټول وژل شوي او یا هم ټپیان دي.
ځینو رسنیو د عیني شاهدانو د څرګندونو له مخې په ډاګه کړې، چې ایراني سرحدي ځواکونو شاوخوا ۳۰۰ افغان کډوال پر نښه کړي او له ۲۰۰ ډېر یې وژلي دي.
د سراوان کلګان سیمه د ایران په سیستان او بلوچستان ایالت کې پرته ده او د پاکستان د بلوچستان ایالت له پنجګور سیمې سره ګډه پوله لري. داسې ښکاري، چې افغان کډوالو غوښتل د پاکستان له لارې ایران ته ننوځي.
دا پېښه په داسې حال کې ده، چې تېره ورځ د افغانستان د مهاجرینو او راستنېدونکیو چارو وزارت چارسمبالي خلیل الرحمن حقاني د ایران له استازي حسن کاظمي قُمي سره په کابل کې وکتل او نوموړي ته یې ویلي، چې اسلامي امارت هم هېواد ته د مهاجرینو د راستنولو پرېکړه کړې ده؛ خو په دې اړه باید یو ګډ میکانیزم رامینځته شي، چې د کډوالو راسنېدا پر عزا او درناوي تر سره شي.
د اسلامي امارت دې چارواکي له ایران څخه له ۴۰ کلونو راپدېخوا د مهاجرینو له کوربتوبه د مننې تر څنګ ویلي، چې په دې اړه باید له زغمه کار واخیستل شي.
د ایران سفیر دا هم ویلي، چې هېواد یې په هر ډول سختو حالاتو کې د افغانستان تر څنګ ولاړ دی او تر پایه به ولاړ وي.
هغه په ایران کې له کډوالو سره د ناوړه چلند په اړه راپورونه "جعلي" وبلل او زیاتوي، چې ایران د کډوالو "ټولو حقونو" ته پاملرنه کوي.
تر اوسه ايراني چارواکو د دې پېښې په اړه څه ندي ويلي او د مرګ او ژوبلې کره او پوره شمېر هم په ډاګه شوی ندی.
د افغانستان اسلامي امارت هم تر دې دمه پدې اړه څه ندي ویلي.
-
تازه خبرونه5 days ago
د اسلامي امارت رهبر د صنعتي سیمو قانون توشیح کړ
-
نړۍ3 days ago
امریکا د ایران د احتمالي برید د مخنیوي لپاره اسرائیل له خپل دفاعي سیسټمه برخمنوي
-
تازه خبرونه1 day ago
د ایران د سرحدي ځواکونو له خوا لسګونه افغان کډوال ووژل شول
-
تازه خبرونه3 days ago
هالینډ او ازبکستان د افغان کډوالو د ایستلو پر تړون غور پیل کړ
-
نړۍ1 day ago
د اوکراین په جګړه کې د روسیې او شمالي کوریا پوځي همکارۍ امریکا اندېښمنه کړه
-
ساینس او ټیکنالوژي4 days ago
ایران د ځمکې پر مدار د راڅرخېدو لپاره روسیې ته دوه سپوږمکۍ استولي
-
تازه خبرونه3 days ago
د قطر او آلمان چارواکو د افغانستان حالات وارزول
-
لوبی4 days ago
د افغانستان کرکټ الف لوبډلې د هانګ کانګ لوبډلې ته ماتې ورکړه