تازه خبرونه
د ایران او افغانستان پولې ته نږدې تېل ټانکر سوځېدلي
(Last Updated On: )
د فراه ولایت سیمه ییزو چارواکو ویلي، چې د سې شنبې پر سهار د فراه ولایت د ابو نصر فراهي ګمرک په انګړ کې د تېلو پر ټانکر اور لګیدنه رامنځته شوې ده.
نن سهار د ابو نصر فراهي په بندر کې د تېلو دوه ټانکرونه په بشپړ ډول وسوځېدل.
د پولیسو ویاند خالد حضرتي ویلي، چې اور د ایران د اور وژنې قطعې وژلی او ځاني زیان نلري.
تر دې دمه د اور له اوښتو زیانونو په اړه کوم راپور ندی ترلاسه شوی.
دا په داسې حال کې ده، چې د مارچ په میاشت کې د فراه ولایت د ګمرک په دفتر کې د تېلو پر زیرمه او د فبرورۍ په لومړیو کې د هرات ولایت د اسلام قلعه په سرحدي ښارګوټي کې د اورلګېدنې له کبله ۱۰۰۰ ټانکرونه وسوځېدل او سوداګرو ته یې درانده زیانونه واوښتل.
