Connect with us

نړۍ

د امریکا ۳۰ زره کډوال به په ګوانتانامو کې بندیان شي

ټرمپ د لیکن رایلي قانون د لاسلیک پر مهال ویلي؛ د کیوبا په ګوانتانامو کې یې د توقیف د یوه مرکز د پرانستلو امر کړی، چې د امریکا هغه ۳۰ زره غیرقانوني کډوال په کې وساتي، چې خپلو هېوادونو ته شړل کېدی نشي.

خپور شوی

د

(Last Updated On: )

د امریکا ولسمشر ډونالډ ټرمپ د چارشنبې پر ورځ ویلي: غواړي، چې ۳۰ زره غیرقانوني کډوال د کیوبا ګوانتانامو خلیج ته انتقال او زنداني کړي؛ دا د نوموړي د کمپاین هغه برخه ده، چې مجرم کډوال په ډله‌ییزه توګه شړل کیږي.

ټرمپ د لیکن رایلي قانون د لاسلیک پر مهال ویلي؛ د کیوبا په ګوانتانامو کې یې د توقیف د یوه مرکز د پرانستلو امر کړی، چې د امریکا هغه ۳۰ زره غیرقانوني کډوال په کې وساتي، چې خپلو هېوادونو ته شړل کېدی نشي.

ټرمپ له سپینې ماڼۍ څخه په خپلو خبرو کې ویلي: “مونږ به دوی ګوانتانامو ته واستوو.”

د امریکا ولسمشر زیاته کړې: “ځینې یې دومره بد دي، چې مونږ ان د ساتلو لپاره یې پر هېوادونو باور نه کوو؛ ځکه نه‌غواړو، چې بېرته راشي.”

ګوانتانامو خلیج، چې په کیوبا کې یو لرې پروت ټاپو او د امریکا پوځي اډه ده؛ پخوا د مرکزي استخباراتو ادارې لخوا د “ترهګرۍ شکمنو” د ساتلو لپاره کارول کېده، خو اوس د ټرمپ د امر له مخې د هغو کډوالو د ساتلو لپاره پر زندان بدل شوی، چې غیرقانوني کډوال یې بولي.

دا اسانتیاوې د کډوالو لپاره په اډه کې د توقیف له مرکزه بېل دي.

د کیوبا ولسمشر میګل ډیاز کانل د ټرمپ دا هڅه “یو ظالمانه عمل” وباله.

ټرمپ د لیکن رایلي قانون د “تاریخي قانون” او د جورجیا د وژل شوې نرسنګ زدکړیال ته، چې د دې قانون نوم ورکړل شوی “ځانګړی درناوي” وباله.

دا قانون وايي: هغه خلک، چې په غیرقانوني توګه په امریکا کې دي او د غلا او تاوتریخوالي پر جرمونو تورن دي؛ ان له محکومیت څخه دمخه توقیف کیدی شي او په احتمالي توګه له هېواد څخه ایستل کیدی شي.

د امریکایي رسنیو د راپورونو له مخې؛ ۲۲ کلن لیکن رایلي د ۲۰۲۴ کال په فبرورۍ کې د وینزویلا د یو وګړي خوزه انتونیو ایبارا لخوا ووژل شو، چې په غیرقانوني توګه په امریکا کې و. ایبارا په نومبر کې محکوم شو او له مشروط خوشې کیدو پرته پر عمري بند محکوم شو.

نړۍ

که ډیکټاټور زیلینسکي د سولې هڅه ونکړي اوکراین به له لاسه ورکړي – ټرمپ

د رویټرز د څرګندونو له مخې؛ د ټرمپ دا لفظي برید یوه ورځ وروسته له هغې وشو، چې ویلي یې ول؛ اوکراین په ۲۰۲۲ کال کې د روسیې د یرغل پړه پر غاړه لري.

Published

on

(Last Updated On: )

د امریکا ولسمشر ډونالډ ټرمپ د چارشنبې پر ورځ د اوکراین پر ولسمشر ولادمیر زیلینسکي نیوکه وکړه او دا ګواښ یې وکړ، چې که ژر تر ژره د سولې لپاره اقدام ونکړي؛ نو اوکراین به له لاسه ورکړي.

د رویټرز د څرګندونو له مخې؛ د ټرمپ دا لفظي برید یوه ورځ وروسته له هغې وشو، چې ویلي یې ول؛ اوکراین په ۲۰۲۲ کال کې د روسیې د یرغل پړه پر غاړه لري.

دغو څرګندونو په اروپا کې د امریکا د متحدینو ترمنځ اندېښنې راوپارولې او څرګندوي، چې د جګړې د پای ته رسولو لپاره د ټرمپ هڅې به د مسکو پر ګټه پای ته ورسیږي.

ټرمپ د بیا واکمنېدو په بهیر کې د اوکراین د جګړې په اړه د امریکا پالیسي بدله کړه؛ د روسیې د منزوي کولو کمپاین یې له پوتین سره د ټیلیفوني خبرو اترو او د اوکراین له شتون پرته د لوړ پوړو امریکایي او روسي چارواکو ترمنځ له خبرو اترو سره پای ته ورساوه.

ټرمپ په خپله خواله رسنۍ Truth Social کې ولیکل: “یو ډیکټاټور له ټاکنو پرته؛ غوره ده، چې زیلینسکي ژر تر ژره د سولې اقدام وکړي. که نه، نو هېواد به ورته پاتې نشي.”

د دغو څرګندونو په ځواب کې د اوکراین بهرنیو چارو وزیر اندري سیبیها ویلي، چې هیڅوک نشي کولی د هغه هېواد تسلیمېدو ته اړ کړي.

نوموړي په ایکس پاڼه کې لیکلي: “مونږ به د خپل شتون له حق څخه دفاع وکړو.”

ټاکل شوې وه، چې د زیلینسکي پېنځه کلنه دوره په ۲۰۲۴ کال کې پای ته ورسیږي؛ خو اوکراین د ۲۰۲۲ کال په فبرورۍ کې د روسیې د یرغل په ځواب کې پوځي وضعیت اعلان کړ، چې ټاکنې ترسره کول په کې ناشونې دي.

Continue Reading

نړۍ

امریکا او روسیې د ډیپلوماټیکو ماموریتونو پر بیا پیلولو هوکړه وکړه

رویټرز راپور ورکړی، چې دا هڅه په امریکا کې د روسیې پر ډیپلوماټیکو استازولیو د هغو بندیزونو کمښت ښیي، چې د امریکا د تېرو حکومتونو لخوا د اوکراین د یرغل او د روسیې د نورو کړنو له کبله لګول شوي وه.

Published

on

(Last Updated On: )

د امریکا بهرنیو چارو وزیر مارکو روبیو په سعودي عربستان کې د لوړ پوړو امریکایي او روسي چارواکو ترمنځ د اوکراین د جګړې په اړه له خبرو اترو وروسته ویلي؛ امریکا او روسیې د سېشنبې پر ورځ هوکړه وکړه، چې د ډیپلوماټیکو ماموریتونو عادي فعالیت بېرته پیل کړي.

رویټرز راپور ورکړی، چې دا هڅه په امریکا کې د روسیې پر ډیپلوماټیکو استازولیو د هغو بندیزونو کمښت ښیي، چې د امریکا د تېرو حکومتونو لخوا د اوکراین د یرغل او د روسیې د نورو کړنو له کبله لګول شوي وه.

د ریاض خبرې اترې په اوکراین کې د روسیې د جګړې د پای ته رسولو پر لوري له هغې وروسته، چې د امریکا ولسمشر ډونالډ ټرمپ دنده پیل کړه او لوړ پوړو چارواکو ته یې د خبرو اترو د پیل کولو امر وکړ، یوه بریالۍ هڅه ده.

روبیو ویلي: دواړو خواوو د لومړي ګام په توګه هوکړه وکړه او له چارواکو کاري ډله جوړه شوه، چې ” د اړوند ماموریتونو د فعالیت د بیا رغونې لپاره چټک کار وکړي.”

دواړو هېوادونو له تېرې لسیزې راپدېخوا د غچ اخیستونکو کړنو په لړ کې ډیپلوماټان ایستلي او د یو بل د ماموریتونو لپاره یې د نویو کارمندانو ګومارنه محدوده کړې، چې له کبله یې سفارتونه د کم پرسونل له کار کولو سره مخ کړي دي.

روبیو ویلي، چې دغو کړنو “په مسکو کې زمونږ د فعالیت وړتیا په رښتیا کمه کړه” او روسیه به هم په واشنګټن کې د خپل ماموریت په اړه همدا خبره وکړي.

روبیو اسوشیټیډ پرس ته ویلي: “مونږ باید متحرک ډیپلوماټیک ماموریتونه ولرو او عادي کار وکړي، چې مونږ وکولی شو اړیکې روانې وساتو.”

د بهرنیو چارو وزارت سمدلاسه په روسیه کې د امریکا د ماموریتونو د اوسنیو عملیاتو په اړه د جزئیاتو غوښتنې ته ځواب ورنکړ.

روبیو ویلي، چې ښکاره به د ماموریتونو د بیارغونې د جزئیاتو په اړه بحث ونکړي.

د روسیې د بهرنیو چارو وزارت اعلان کړی، چې د روبیو روسي سیال سرګي لاوروف د شنبې پر ورځ په ریاض کې له خبرو اترو مخکې روبیو سره په یوه ټیلیفوني اړیکه کې د روسیې د ماموریتونو د فعالیت په اړه خبرې وکړې.

په ۲۰۲۲ کال کې د روسیې لخوا پر اوکراین له بشپړ برید مخکې امریکایي چارواکو اندېښنه وښوده، چې دوی په روسیه کې یوازې “لنډمهاله شتون” لري. دا له هغې وروسته رامنځته شول، چې روسیې په امریکایي ماموریتونو کې پر پرسونل محدودیتونه ولګول، واشنګټن یې اړ کړ، چې په ولادي‌وستوک او یکاترینبورګ کې خپلې قونسلګرۍ وتړي.

Continue Reading

نړۍ

د امریکا یوه پوځي الوتکه د سان‌ډیاګو په ساحل کې راوغوځېده.

دا ډول جیټ الوتکه، چې د الکترونیکي جګړې لپاره کارول کیږي؛ پخوا په واشنګټن ایالت کې وه.

Published

on

(Last Updated On: )

رویټرز د یوه امریکایي چارواکي د څرګندونو له مخې راپور ورکړی، چې د چارشنبې پر ورځ د امریکا د سمندري ځواکونو یوه الوتکه د سان ډیاګو په ساحلي سیمه کې راوغورځېده؛ خو دواړه پیلوټان ​​یې ژوندي پاتې شول.

دا ډول جیټ الوتکه، چې د الکترونیکي جګړې لپاره کارول کیږي؛ پخوا په واشنګټن ایالت کې وه.

د الوتکې د غورځېدو لامل معلوم ندی؛ خو د امریکا ساحلي ساتونکو دواړه پیلوټان ​​وژغورل.

دا پېښه شاوخوا دوه اوونۍ له هغې وروسته رامنځته شوې، چې یوه پوځي چورلکه د واشنګټن ډي سي پر سر له یوې مسافر وړونکې الوتکې سره ټکر شوه او ۶۷ کسان په کې ووژل شول.

Continue Reading
Advertisement

Trending

Copyright © 2024 Ariana News. All rights reserved!