نړۍ
د امریکا او چین مشرانو دوه اړخیزه انلاین لیدنه کړې
(Last Updated On: )
جو بایډن او شي جین پینګ د د واشنګټن پر وخت د دوشنبې پر شپه (د لړم ۲۳) د دواړو هېوادونو ترمنځ خپلې انلاین خبرې د نورو ښو اړیکو د تبادلې او د جګړې د مخنیوي لپاره پر امنیتي مسلو پیل کړې دي.
د رویټرز د څرګندونو له مخې، جو بایډن له خپل چینایي سیال سره د تلویزیون پر سکرین د وینا پرمهال ویلي؛ اړینه ده، چې یوه “محافظتي کړکۍ” رامنځته او دا ډاډ ترلاسه شي، چې زمونږ ترمنځ سیالي پخپله خوښه یا نا خوښه پر شخړه نه اوړي.
جوبایډن شي جین پینګ ته دا هم ویلي، چې دوی به “صادقانه” خبرې اترې ولري.
په بیجینګ کې د وینا پر مهال د چین ولسمشر شي جین پینګ هم جو بایډن خپل زوړ ملګری نومولی؛ خو څرګندوي، چې دواړه سیال هېوادونه باید ګډه همکاري ولري.
نوموړي زیاته کړې، چين او امریکا اړ دی، چې اړيکې او همکارۍ زياتې کړي.
