Connect with us

د ټوکیو ۲۰۲۰ المپیک لوبې

د امریکایي پوهنتون فارغه د ټوکیو المپیک د لوبو ګډونواله شوه

خپور شوی

د

(Last Updated On: زمری ۷, ۱۴۰۰)

افغان جودوکارې نیګارې شاهین په توکیو ۲۰۲۰ المپیک لوبو کې له خپلې برازیلي سیالې ماته ومنله.

میرمن نګاره شاهین افغان جودو کاره، چې په روسیه کې ژوند کوي د المپیک نړیوالې کمېټې د کډوالو د ډلې غړې ده او د چارشنبې پر ورځ د زمري شپږمه یې په توکیو ۲۰۲۰ المپیک لوبو کې د ۷۰ کیلوګرامه وزن پر لرلو د جودو سیالي ترسره او له خپلې برازیلۍ سیالې ماریا پورټلا څخه یې، چې د نړۍ د برونزو مډال لرونکې؛ دوه ځله د امریکا د لویې وچې اتله او د سترو لوبو د اتلولۍ درې مډاله لري، ماته شوه.

نیګاره شاهین لومړۍ افغان نجلۍ ده، چې د جودو په توکیو اولمپیک کې یې سیالي وکړه.

میرمن نیګارې په بېلابېلو ملي او نړیوالو جودو لوبو کې ګډون کړی، چې په هانګ کانګ کې د آسیایی لوبو، د جرمني او روسی د آسیایي لوبو لوبې یې غوره بېلګې دي.

نګاره شاهین امریکا غږ ته وایي، چې لومړی یې د کاراټې تمرین کاوه؛ خو کله، چې د کاراټې په وزن کې د سیالې له لرلو بې برخې شوه؛ نو د پاکستان په سیالیو کې د جودو ډګر ته ولاړه او وروسته یې په جودو کې خپله وړتیا وموندله.

شاهین د جودو د نړیوال فډراسیون پر استازیتوب د افغان لوبغاړې په توګه د ټوکیو په لوبو کې سیالي کړې ده.

نوموړې، چې په روسیه کې د نړیوالې سوداګرۍ ماسټري کوي؛ د افغان نجونو راتلونکې اندېښمنه کړې؛ خو وايي که نجونې لوبو ته لیواله وي؛ نو دوی باید خپلې موخې ته له رسیدو ډډه ونکړي.

شاهین په افغانستان کې زیږیدلې؛ خو کله، چې هغه شپږ میاشتنۍ وه، د هغې کورنۍ لومړی ننګرهار،  پاکستان او بیا وروسته روسیې ته کډه شوه.

نږدې دوه لسیزې وروسته هغه د لومړي ځل لپاره خپل پلرني ټاټوبي ته راستنه شوه او د افغانستان په یوه امریکايي پوهنتون کې یې زدکړې وکړې.

 

د شاهین د څرګندونو له مخې، په المپیک کې د هغې سمبولیک شتون د نړۍ په کچه د میلیونونو کډوالو په استازیتوب سترګې نشي پټولی.

هغې الجزیرې ته ویلي: په المپیک سیالیو کې زما ګډون باید ټولو ځوانو نجونو ته هیله بښونکی وي.

هغې زیاته کړې: زه هم  له هغو خنډونو سره مخ یم، چې هر ټولې نجونې ورسره مخ دي. دا، چې  زه یې کولی شم، دوی یې هم کولی شي. هر څه سخت دي؛ خو هر کار له انساني وړتیاوووتلی نشي.

هغې ویلي؛ هغه څه ومومئ، چې تاسې یې لیواله یاست او خهغه څه ، چې شته ورسره مل شئ.

هغه وايي، چې جودو ورسره په زدکړو کې مرسته کړې. جودو له ما سره مرسته کړې، چې پرځان ډاډمنه شم او نه یوازې د لوبو په ډګر کې، بلکې په امتحانونو او ورځني ژوند کې له بحثونو او سیالیو هم ډاډمنه شوې یم.

د ټوکیو ۲۰۲۰ المپیک لوبې

د توکیو ۲۰۲۰ المپیک لوبو یو آلمانی مدیر پر توکمپالونکیو څرګندونو له دندې لرې شو

Published

on

(Last Updated On: زمری ۷, ۱۴۰۰)

د آلمان المپیک کمیټې نن پنجشنبه د زمري پر ۷ د اګست ۲۹ څرګنده کړې، چې د توکیو ۲۰۲۰ په المپیک لوبو کې د آلمان د بایسکل ځغلونې لوبډلې مدیر پاټریک موسټر اړ شوی، چې له لوبو ووځي او بېرته آلمان ته راستون شي.

څرګنده شوې، چې  موسټر د توکمپالونکیو څرګندونو له کبله دې کار ته اړ شوی دی.

د آلماني لوبو دغه چارواکی پرون د یوې سیالۍ په بهیر کې د لوبډلې یو بایسکل ځغلوونکی وهڅاوه، چې له خپلو دوه آفریقایي سیالان مخکې شي او څو ځله یې پرې غږ کړی، چې له اوښ سپرو مخکې شه!

دا دوه بایسکل ځغلوونکي د اریټوریا او الجیریا وګړي دي.

د الجزایر بایسکل ځغلوونکي عزیزالدین لعقاب د نوموړي دغې توکمپالونکې څرګندونې ته په ټوکو کې یو ټویټري غبرګون څرګند کړ، چې: په رښتیا، چې په اولمپیک لوبو کې اوښ ځغلونه نه وه؛ ځکه، نو د بایسکل ځغلونې لوری مې خپل کړ.

که څه هم پاټریک موسټر لږ وروسته له خپلې توکمپالونکې څرګندونې پښېمانه شو او بښنه یې ترې وغوښته.

موسټر له ۲۰۱۲ زېږدیږ کال راپدیخوا دغه دنده تر سره کوي.

د آلمان د المپیک کمیټې مشر آلفونس هورمان ویلي، د موسټر رښتینې بخښنه منل شوې ده. که څه هم د  المپیک له ارزښتونو مخالف عمل یې کړی دی.

Continue Reading

د ټوکیو ۲۰۲۰ المپیک لوبې

په توکیو ۲۰۲۰ سیالیو کې افغان نښه ویشتونکی له بل پړاوسیالۍ بې برخې شو

Published

on

(Last Updated On: زمری ۳, ۱۴۰۰)

د افغانستان ملي نښه ویشتونکي مهدي یاوري نن سهار یکشنبه د کابل پر وخت اته نیمې بجې له خپلو سیالانو سره د سیالۍ ډګر ته ورودانګل او د ۶۰۱.۴ امتیازونو پر تر لاسه کولو د لوبې له نورو پړاوونو ووت.

هغه، چې د اتم کس په توګه سیالي پیل کړې وه؛ له ۴۶ سیالانو سره په سیالۍ کې بریالی نشو، چې د ۱۰ مټریزه واټن پر ویشتلو ټاکل شوی امتیاز تر لاسه کړي.

د سیالۍ په پای کې له چین څخه یانګ، د امریکا کوزینیسکي او شانیر، له سلواکیا څخه جاني پاتریک، له ترکیې څخه آګکان، له روسیې څخه ماسلینیکوف، له هنګري پینی او له چین څخه شینګ لیهائو بریالي شول، چې د سیالۍ بل پړاو ته وردننه شي.

د نن ورځې د سیالۍ په پای کې د چین یانګ د ۶۳۲.۷  امتیازونو پر تر لاسه کولو د اړوند المپیک سیالیو د دې پړاو ریکارډ مات کړ. دغه ریکارډ د ۲۰۱۶ زېږدیز کال د اګست پر ۸ ایټالیاوي کامپریاني د ۶۳۰.۲ امتیازونو پر لرلو خپل کړی و.

دا لومړی ځل دی، چې افغانستان د نښه ویشتو په سیالیو کې برخه واخیسته.

د ټوکیو ۲۰۲۰ المپیک لوبې نړیوال مراسم د جمعې پر ماسپښین پیل شوي او د اګست تر اتمې به روانې وي.

په دې مراسمو کې د آریانا او آریانا نیوز راډیو او ټلویزیوني شبکو، بیات پاور او د افغان بېسیم مخابراتي شبکې لوی مشر احسان الله بیات د ځانګړي میلمه په توګه د هېواد له المپیک کاروان سره مل و.

دغه لوبې به د توکیو د ملي لوبغالي د ۴۲ ځایونو پر کوربتوب په ۵۰ څانګو کې  د ۲۰۴ هېوادونو د ۱۱ زره  ۹۰ لوبغاړیو په ګډون ۳۳  لوبې د ۱۷ ورځو لپاره تر سره شي.

په المپیک لوبو کې د افغانستان د تکواندو، اتلتیکونو، لامبو او نښه ویشتنې د څلور څانګو پېنځه استازيو ګډون کړی دی.

د یادونې وړ ده، چې دا سیالۍ په افغانستان کې د آریانا نړیوال ټلویزیون لخوا په قانوني او ژوندۍ بڼه خپریږي.

Continue Reading

د ټوکیو ۲۰۲۰ المپیک لوبې

د کرونا تر چتر لاندې د ټوکیو ۲۰۲۰ المپیک لوبې پیل شوې

Published

on

(Last Updated On: زمری ۱, ۱۴۰۰)

نن جمعه د زمري لومړې له غرمې وروسته د ټوکیو په ملي لوبغالي کې د ۲۰۲۰ المپیک لوبې، چې د کرونا ویروس د خپریدو له کبله سږکال ته ځنډول شوې وې؛ پیل شوې.

د المپیک لوبو د ۳۲ ننداریزو مراسمو په شپږم کاروان کې د تکواندو ملي فډراسیون لوبغاړي فرزاد منصوري او د اتلتیک څانګې لوبغاړې کیمیا یوسفي د افغانستان رپی ورپولو.

په دې مراسمو کې د آریانا او آریانا نیوز راډیو او ټلویزیوني شبکو، بیات پاور او د افغان بېسیم مخابراتي شبکې لوی مشر احسان الله بیات د ځانګړي میلمه په توګه د هېواد له المپیک کاروان سره مل و.

دغه لوبې به د توکیو د ملي لوبغالي د ۴۲ ځایونو پر کوربتوب په ۵۰ څانګو کې  د ۲۰۴ هېوادونو د ۱۱ زره  ۹۰ لوبغاړیو په ګډون ۳۳  لوبې د ۱۷ ورځو لپاره تر سره شي.

په المپیک لوبو کې د افغانستان د تکواندو، اتلتیکونو، لامبو او نښه ویشتنې د څلور څانګو پېنځه استازيو ګډون کړی دی.

د یادونې وړ ده، چې دا سیالۍ په افغانستان کې د آریانا نړیوال ټلویزیون لخوا په قانوني او ژوندۍ بڼه خپریږي.

Continue Reading

Trending

Copyright © 2022 Ariana News. All rights reserved!