سیمه ییز خبرونه
د امريكا په مشرتابه د نړيوالو پوځي شتون لس كلن شو
په افغانستان كې د بهرنيو ځواكونو او نړيوالې ټولنې حضور، چې له ترهگرې سره د مبارزې او د ډيمواكراسۍ د رامنځته كولو په موخه رامنځته شوى؛ لس كلن شو.
سياسي كارپوه اكرام الدين انديشمند وايي، چې:
د افغان او بهرنيوځواكونو تر منځ د همغږي نه شتون ، د افغانستان په حكومت كې د مديريت كمزورتيا او د هېواد په چاروكې د يو شمېر بهرينو او په ځانگړي توگه د گاوڼد هېوادونو لاسوهنه د افغانستان د ښه پرمختگ ډېر فرصتونه اخيستې دي.
سياسي كار پوه انديشمند زياتوي ، چې:
په داسې حال كې، چې نړيوالې ټولې له افغانستان سره ډېرې مرستې وكړې؛ خو بيا هم افغانستان ونه توانيد، چې له دغو فرصتونو سمه گټه پورته كړي.
افغان ولسمشرحامد كرزى وايي، چې:
د وسله والو طالبانو د رژيم له شاتگه لس كاله وروسته هم دولت او نړيوال ځواكونه په هېواد كې د امنيت پر ټينگيدو بريالي شوي نه دي.
پرامريكا د سپټمبرد يوولسمې نېټې پېښه، چې پړه يې د اسامه بن لادن په مشرى پرالقاعده شبكې ورواچول شوه؛ پرافغانستان د پوځي بريد لومړنۍ بهانه گڼل كيږي.
امريكا او پلويانو يې د سپټمبر د يوولسمې له بريد څخه شاوخوا يوه مياشت وروسته( د اكتوبر په ۷) د ملگرو ملتونو د امنيت شورا د پرېكړې په اساس په افغانستان كې د طالبانو پر رژيم پوځي بريد وكړ، چې د امريكا په مشرۍ د نړيوالې ټولنې په پوځي او مالي ملاتړ د يوې مياشتې په بهير كې يو نوي نظام په كار پيل وكړ .
د اكرام الدين انديشمند په باور:
امريكا او نړيوالې ټولنې ته د نا سمو معلوماتو وركولو پر لامل امريكا او نړيواله ټولنه خپلو اصلي موخو ته په رسيدو كې پاته راغله.
سياسي كارپوه جاويد كوهستانى د هغه څه په اړه خوشبين نه دى، چې په تېرو لس كالونو كې د لاسته رواړنو په نوم ياديږي.
نوموړى وايي، چې:
لاسته راونې بايد د لس كلونو راپديخوا حساب نه شي، بلكې افغانستان د يو تمدن، پوځي نظام، ستندردو اقتصادي او پوهنيز و بېخباوو درلودونكى هېواد و، خو د امريكا په راتلو او د نړيوالې ټولنې او امريكا د ناسمو پرېكړو پر لامل امنيتي گواښونو وده وكړه.
جاويد په افغانستان كې نړيواله ټولنه د اقتصادي، فرهنگي او ټولنيزې ودې په اړه ناكامه بولي او په هېواد كې د فقر، بېكارى، په نشه يې توكو د خلكو روږدي كيدل، د اختلاس او رشوت دوديدل ، د نشه يې توكو قاچاق او د توليد لامل د افغانستان په حكومت كې د مديريت كمزورتيا بولي.
اسوشيټيډ پرس ليكي، چې:
په افغانستان كې جگړه ميلياردونه ډالر لگښت لري، چې په كې زرگونه امريكايي سرتېري ټپيان كيږي او شاوخوا ۱۷۰۰ امريكايي سرتيري وژل شوي دي .
سیمه ییز خبرونه
د ایران ولسمشر پر درې ورځني سفر پاکستان ته ولاړ
د ایران ولسمشر ابراهیم رییسي نن سهار ( دوشنبه د غویی درېیمه) د یوه لوړ پوړي سیاسي او اقتصادي پلاوي پر مشرۍ د پاکستان پلازمېنې اسلامآباد ته ورسېد.
د ایران اړوند رسنیو خبر ورکړی، چې دغه درې ورځنی سفر به د پاکستان له لوړ پوړو چارواکو سره د اقتصادي او سوداګریزو اړیکو پر پراختیا او پیاوړتیا، د دوه اړخیزو خبرو اترو او سیمهییزو سلامشورو په پام کې نیولو سره ترسره شي.
ټاکل شوې، چې د ایران ولسمشر به په دې سفر کې د دغه هېواد له ولسمشر اصف علي زرداري سره هم وګوري.
دغه راز د ایراني رسنیو د څرګندونو له مخې؛ پاکستان ته د ایران د ولسمشر د سفر پر مهال د دواړو هېوادونو ترمنځ د دواړو هېوادونو د مشرانو په حضور کې د سوداګرۍ، روغتیا، اقتصاد، امنیت او عدالت په برخو کې د اړدوند وزیرانو لهخوا د همکاریو یو شمېر سندونه لاسلیک شي.
دا سفر د پاکستان په بلوچستان ایالت کې د ایران له برید او د ایران په سیستان او بلوچستان ایالت کې د پاکستان له ځوابي بریدونو یوازې درې میاشتې وروسته رامنځته شوی دی.
سیمه ییز خبرونه
د حماس مشر له اردوغان سره د خبرو لپاره ترکیې ته ځي
رویټرز راپور ورکړی، چې د فلسطین اسلامي ډلې حماس مشر اسماعیل هنیه به د روانې اوونۍ په پای کې ترکیې ته له ولسمشر طیب اردوغان سره د خبرو لپاره سفر کوي. پداسې حال کې، چې د انقرې لوړپوړي ډیپلوماټ د چارشنبې پر ورځ دوحې ته د سفر په بهیر کې د حماس له مشر سره لیدلي دي.
ترکیه، چې د ناټو غړی هېواد دی؛ په غزه کې د اسرائیلو بریدونه غندي او د سمدستي اوربند غوښتنه یې کړې ده. اردوغان حماس د “آزادۍ غورځنګ” بولي او پر لویدیځ یې نیوکه کړې، چې له اسرائیلو ملاتړ کوي. دغه راز انقرې پر اسرائیلو سوداګریز بندیزونه هم لګولي دي.
اردوغان په پارلمان کې خپلو ګوندي وکیلانو ته ویلي، چې زه به د روانې اوونۍ په پای کې د فلسطین د مشر کوربهتوب وکړم. مونږ به پر یو شمېر مسلو هم خبرې وکړو.
د اکټوبر پر اوومه د غزې په تړانګه کې د اسرائیلو د بریدونو له پیل او له ایران سره د اسرائیلو له روان کړکېچ راپدیخوا به دا ترکیې ته د هنیه لومړنی سفر وي.
اردوغان د سې شنبې پر ورځ ویلي، چې د اسرائیلو لومړی وزیر بنیامین نتنیاهو او نور اسرائیلي مشران یوازې د سیمهییز بحران مسوول دي.
اردوغان دا هم ویلي؛ تر هغې، چې ژوندی وي د فلسطین د مسئلې ملاتړ ته به روان ساتي.
دا په داسې حال کې ده، چې ترکیې ته د حماس د مشر اسماعیل هنیه د سفر د مهالوېش نور جزئیات خپاره شوي ندي.
سیمه ییز خبرونه
سعودي عربستان به په پاکستان کې پر بېلابېلو پروژو پانګونه وکړي
د سعودي عربستان بهرنیو چارو وزیر د سې شنبې پر ورځ ( د وري اتهویشتمه) ویلي، چې هېواد به یې په پاکستان کې پر بېلابېلو پروژو د پام وړ پانګونه وکړي.
د پاکستان بهرنیو چارو وزیر ویلي، چې سعودي پانګوال پر کرنه، کانونو، معلوماتي ټکنالوژۍ او هوايي چلند په اړوند برخو کې پانګونې ته لیواله دي.
له دې مخکې اسلامآباد اعلان کړی و، چې سعودي عربستان په پاکستان کې د ۵ میلیارډ ډالرو پانګونې ته ژمن دی.
د دوشنبې پر ورځ ( د وري اووهویشتمه) د سعودي هېواد بهرنیو چارو وزیر شهزاده فیصل بن فرحان بن عبدالله له پاکستان سره د اقتصادي همکاریو د پیاوړتیا لپاه د یوه پلاوي پر مشرۍ اسلامآباد ته رسېدلی دی.
د پاکستان بهرنیو چارو وزیر اسحاق ډار یوې خبري غونډې ته ویلي، پاکستان د سعودي پلاوي ته د پانګونې لپاره د احتمالي پروژو په اړه بشپړ معلومات ورکړل.
د سعودي بهرنیو چارو وزیر ویلي، چې د پانګونې د احتمالي فرصتونو په اړه د پاکستان حکومت یادونه د ستاینې وړ ده.
هغه وایي: دا مونږ ته اړین باور راکوي، چې پر ارزښتمنو پروژو پانګونه وکړو.
هغه زیاته کړې: زه ډاډه یم، چې مونږ به د پام وړ ګامونه پورته کړو.
د سعودي عربستان لوړ پوړی پلاوی؛ د پاکستان د لومړي وزیر شهباز شریف او د سعودي ولیعهد محمد بن سلمان ترمنځ په مکهمکرمه کې د وروستۍ لیدنې پر مهال د دواړو هېوادونو ترمنځ د اقتصادي همکاریو د پیاوړتیا پر هوکړه لیکونو، د خبرو لپاره راغلی دی.
شهباز شریف تېره اوونۍ له سعودي ولیعهد سره ملاقات کړی و او د پېنځه اربه ډالرو د پانګونې د ګړندي کولو په اړه یې خبرې اترې کړې وې. پاکستان ته پکار ده، چې د بهرنیو اسعارو د کمېدو زیرمې راکمې کړي او بهرني پورونه ورکړي.
د پاکستان د مالیې وزیر محمد اورنګ زیب د پیسو د نړیوال صندوق او نړیوال بانک په پسرلنیو غونډو کې د ګډون لپاره په واشنګټن کې دی او هلته به د پور د نوي پروګرام لپاره رسمي خبرې پیل کړي.
دا لیدنه په داسې حال کې تر سره کیږي، چې پاکستان د پیسو له نړیوال صندوق څخه د څلیریشتمې مالي مرستې د ترلاسه کولو په لټه کې دی.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه15 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ13 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سوداگري1 day ago
د اوسپنې پټلۍ له لارې ترکیې ته د افغانستان صادرات پیل شول