Connect with us

تازه خبرونه

د افغان خبریالانو پر وړاندې ترسره شوی وحشت دې نړیواله محکمه وڅېړي – بې پولې خبریالان

خپور شوی

د

(Last Updated On: غبرګولى ۱۲, ۱۴۰۰)

د بې پولې خبریالانو ټولنې نن چارشنبه د غبرګولي ۱۲په افغانستان کې د وژل شویو خبریالانو له نړیوالې محکمې غوښتي، چې د افغان خبریالانو پر وړاندې رامنځته شوې کرکه، جنایت او وحشت دې وڅېړي.

د بې پولې خبریالانو ټولنې د جرمونو نړیوالې محکمې ستر څارنوال فاټو بنسوډا ته په یوه لیک کې د خبریالانو په وړاندې د تېر یوه کال د جنایتونو د څېړنو غوښتنه کړې ده.

دې ټولنې په یوه خبرپاڼه کې ویلي، چې په تېر یوه کال کې د بېلابېلو ولایتونو یوولس خبریالان او رسنیز کارکوونکي وژل شوي، چې د ډېرو دې وژنو مسوول وسلوالې ډلې دي، چې طالبان یې په سر کې دي.

دې سازمان ویلي؛ وسلوالې ډلې، چې طالبان یې په سر کې دي د دې وژنو ډېرمسوولیت لري او له دوی سره پدې اړه کره او دقیق دلیلونه شته.

دا ټولنه وایي، چې په تېرو شل کلونو کې سل خبریالان د دندو پر مهال وژل شوي دي.

د بې پولې خبریالانو د ټولنې د ایران – افغانستان د څانګې مسوول رضا معیني وایي: تېر کال په افغانستان کې د خبریالانو وژنه بې سارې وه؛ ځکه، نو نړیواله محکمه دنده لري، چې دغې دوسیې ته لاسرسی ومومي.           

د خبریالانو ملاتړي بنسټونه د بې پولې خبریالانو د ټولنې دا ګام ستایي؛ خو وایي، چې  مخکې هم د رسنیو ټولنې له نړیوالې محکمې د خبریالانو پر وړاندې د تاوتریخوالي د پېښو د څېړنې غوښتنه کړې ده.

د خبریالانو د خوندیتوب کمېټې مسوول صدیق الله توحیدي: د بې پولې خبریالانو دا هڅه د ستایلو ده؛ خو له دې مخکې هم د رسنیو ملاتړ ادارو ورته اندېښنې په ډاګه کړي، چې تر دې دمه بې پایلې پاتې دي.

خبریال عبدالحنان محمدي وایي، چې حکومت د خبریالانو پر وړاندې د تاوتریخوالي د پېښو په څېړنو کې پاتې راغلی او اړتیا ده، چې دا موارد د نړیوالو بنسټونو لخوا وڅېړل شي.

د بې پولې خبریالانو ټولنې مسوولین وایي، چې له ۲۰۰۱ کال راپدیخوا سل خبریالان په افغانستان کې د دندې پر مهال وژل شوي، چې ۱۶ په کې بهرنيان دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!