تازه خبرونه
د افغان حکومت استازي د مسکو او انقرې په ناستو کې ګډون کوي

د ملي امنیت شورا سلاکار له امنیتي بنسټونو سره په ګډه خبري ناسته کې ویلي؛ بهرنیو چارو وزارت به د مسکو او انقرې ناستو ته د طالب ګډونوالو د شمېر او کسانو له ټاکلو وروسته افغان حکومت هم خپل ګډون کوونکي وروپېژني.
پېنځه ورځې وروسته به مسکو د افغانستان د سولې په اړه د تریکای ناسته جوړه کړي؛ دې ناستې ته د حکوت، سیاسي ګوندونو، طالبانو، امریکا، چین، پاکستان او قطر استازي بلل شوي دي. دغه راز د استانبول ناسته هم د اپریل پر ر۲۷ جوړیږي، د دواړو ناستو اجنډا د افغانستان سولې بهیر په اړه ده.
افغان حکومت وایي، چې په دې ناستو کې ګډون کوي او اوس پدې څېړنه کوي، چې ناستې ته په کومه کچه پلاوی ولیږي.
افغان دولت په دې ناسته کې د ګډون بلنه تازه منلې؛ خو ګډونوالې څېرې یې ښکاره شوې ندي.
د ملي امنیت شورا سلاکار حمدالله محب وایي: د انقرې او مسکو په ناستو کې حکومت ګډون کوي؛ خو تر دې دمه معلومه نده، چې ګډونوال به یې څوک وي؛ خو بهرنیو چارو وزارت او د مل روغې جوړې عالی شورا پرې کار کوي.
سیاسي څېرو ویلي، چې تر اوسه یې د مسکو ناستې اصلي اجنډا نده یې تر لاسه کړې نده؛ خو په دې ناسته کې د یوه واحد پروګرام لپاره له حکومت او ګوندونو سره سلا مشورې کوي.
پخواني ولسمشر حامد کرزی، سید منصور نادري، مارشال دوستم، محمد محقق، کریم خلیلي، عبدرب رسول سیاف، ګلبدین حکمتیار، عطا محمد نور او یونس قانوني د مسکو ناستې ته بلل شوي. په داسې حال کې، چې د ناستې جوړېدو ته پېنځه ورځې پاتې دي؛ خو اجنډا یې له افغانانو سره شریکه شوې نده.
د ګلبدین حکمتیار په مشرۍ د اسلامي حزب غړي همایون جریر ویلي؛ په بلنلیک کې ویل شوي، چې دا ناسته د افغانستان د سولې لپاره ده. هیله من یو، چې د سولې د دې ناستې مدیریت واک زمونږ وي او مونږ هم د نتطر د یووالي لپاره هڅې تر سره کوو.
حامد کرزي ته نږدې مخکښ شهزاده مسعود وایي: مسکو یوازې د آسانتیاوو رامنځته کوونکی دی؛ خو شک نشته، چې دا هېواد له دې ناسټې خپل پلان هم لري.
سیاستوالو ویلي، چې که څه هم د مسکو ناسته د ترکیې په استانبول ښار کې جوړېدونکې ناستې ته لومړنۍ ناسته ده او دا راز د سولې په بهیر کې د پرمختګ لپاره جوړیږي.
د کورنیو چارو پخوانی وزیر ویس احمد برمک وایي: د انقرې او مسکو ناسته د حکومت او سیاسیونو له همغږۍ پرته هیڅ نشي کولی؛ خو دا ناسته بلې ناستې ته لار اوارولی شي.
د تریکای ناسته د افغانستان د سولې په بهیر کې د آسانتیاوو برابرولو په موخه ټاکل شوې د پنجشنبې پر ورځ په مسکو کې جوړه شي او ویل کیږي، چې دا د استانبول ناستې ته لومړنۍ ناسته ده، چې ټاکل شوې په اپریل پر ۲۷ جوړه شي.
تازه خبرونه
په هرات کې د ټاپي نللیکې ۱۴ کیلومټره کار بشپړ شو – عبدالله یوف
د هرات والي دفتر نن (پنجشنبه) په یوه رسنیزه خبرپاڼه کې څرګنده کړې، چې عبدالله یوف د ټاپي پروژې د پرمختګ په اړه یو لنډ راپور له والي اسلام جار سره شریک کړ.

په افغانستان کې د ټاپي پروژې مشر بګنج عبدالله یوف د هرات له والي نور احمد اسلام جار سره وکتل او په دې ولایت کې یې د نللیکې د غځولو د بهیر له چټکتیا خبر ورکړ.
د هرات والي دفتر نن (پنجشنبه) په یوه رسنیزه خبرپاڼه کې څرګنده کړې، چې عبدالله یوف د ټاپي پروژې د پرمختګ په اړه یو لنډ راپور له والي اسلام جار سره شریک کړ.
د یادې خبرپاڼې له مخې، د ټاپي پروژې مشر د اړینو آسانتیاوو په برابرولو کې د دې ادارې له همکارۍ ستاینه وکړه او اعلان یې وکړ، چې د ۱۴ کیلومټره پایپ ایښودلو کار بشپړ شوی او سربېره پردې د پروژې ۲۴ کیلومټره لار هم پخه شوې ده.
په دې غونډه کې د هرات والي هم د دې پروژې د کار د پرمختګ په برخه کې د ټاپي پروژې د چارواکو له هڅو هرکلی وکړ او په افغانستان کې یې د ټاپي پروژې مشر ته د کار د چټک پرمختګ لپاره د اړینو اسانتیاوو په برابرولو کې د سیمهییزې ادارې له بشپړې همکارۍ ډاډ ورکړ.
تازه خبرونه
طارق علي بخیت د افغانستان په اړه له جاپاني چارواکو سره وکتل
د اسلامي همکاریو ټولنې په یوه رسنیزه خبرپاڼه کې ویلي، چې په دې ناسته کې په ټولیزه توګه د افغانستان پر اوسني وضعیت راوڅرخېدل او د دې ټولنې او جاپان ترمنځ یې د بشري همکاریو د زیاتولو لارې چارې وارزول شوې.

د افغانستان د چارو لپاره د اسلامي همکاریو ټولنې ځانګړي استازي طارق علي بخیت د افغانستان په اړه د جاپان د بهرنیو چارو وزارت د مرستیال کامډا ماسایوکي پر مشرۍ له جاپاني پلاوي سره خبرې اترې کړې دي.
د اسلامي همکاریو ټولنې په یوه رسنیزه خبرپاڼه کې ویلي، چې په دې ناسته کې په ټولیزه توګه د افغانستان پر اوسني وضعیت راوڅرخېدل او د دې ټولنې او جاپان ترمنځ یې د بشري همکاریو د زیاتولو لارې چارې وارزول شوې.
د دې خبرپاڼې له مخې؛ دواړو خواوو د افغانانو د بېړنیو اړتیاوو د پوره کولو لپاره د پرلهپسې همکارۍ پر اړتیا ټینګار وکړ.
په دې رسنیزې خبرپانه کې راغلي، چې په جده کې د جاپان جنرال قونسل او د هغه مرستیال هم په پلاوي کې برخه لرله.
دا په داسې حال کې ده، چې دا ناسته د سعودي عربستان په جده ښار کې د افغانستان د چارو لپاره د اسلامي همکاریو ټولنې د ځانګړي استازي په دفتر کې شوې ده.
تازه خبرونه
افغان بېسیم د ننګرهار په کوزکوڼر ولسوالۍ کې یو نوی سایټ فعال کړ
د افغان بېسیم چارواکو د څرګندونو له مخې؛ د دې سایټ پر جوړولو زرګونو کورنیو مخابراتي او انټرنیټي خدماتو ته لاسرسی موندلی دی.

د افغان بېسیم مخابراتي شرکت چارواکو ويلي، چې د ننګرهار ولایت په کوزکوڼر ولسوالۍ کې یې یو نوی سایټ فعال کړی دی.
د افغان بېسیم چارواکو د څرګندونو له مخې؛ د دې سایټ پر جوړولو زرګونو کورنیو مخابراتي او انټرنیټي خدماتو ته لاسرسی موندلی دی.
دوی زیاته کړې، چې افغان بېسیم به ډېر ژر په دې سیمو کې د ۴جي 4G انټرنیټي خدمتونه هم فعال کړي.
دغه راز د ننګرهار مخابراتو او معلوماتي ټکنالوژۍ ریاست چارواکو ويلي، چې د دې ولایت لرې پرتو سیمو ته د مخابراتي خدمتونو د غځولو لپاره هڅې روانې دي.
له بلې خوا په ننګرهار کې د اټرا ادارې مشر رحیم الله شینواري ویلي، چې د افغان بېسیم د نوي سایټ له فعالیدو سره به ۲۵ زره کورنیو ته مخابراتي او انټرنیټي خدمتونه وړاندې شي.
د کوزکوڼر ولسوالۍ اوسېدونکو د مخابراتي او انټرنیټي خدمتونو ته د لاسرسي له کبله خپله خوښي څرګنده کړې او په ننګرهار کې یې د مخابراتي خدمتونو د نورې پراختیا غوښتنه کړې ده.
دا په داسې حال کې ده، چې په دې وروستیو کلونو کې د افغان بېسیم مخابراتي شبکې خپل مخابراتي او انټرنیټي خدمتونه د هېواد ډېرو لرې پرتو سیمو ته غځولي دي.
-
تازه خبرونه5 days ago
آریانا هوايي شرکت چین ته د اوونیزو الوتنو له زیاتېدا خبر ورکړ
-
تازه خبرونه4 days ago
د افغانستان لپاره د امریکا نوې استازې یوه افغانيالاصله میرمن غوره شوه
-
لوبی2 days ago
د افغانستان الف کرکټ لوبډلې د سریلانکا پر وړاندې ماتې وخوړه
-
سیمه ییز خبرونه3 days ago
په هندي کشمیر کې وسلوالو له ۲۰ ډېر سیلانیان ووژل
-
تازه خبرونه4 days ago
په روسیه کې د افغانستان محصولات نندارې ته وړاندې کېږي
-
سوداگري2 days ago
د پاکستان او ازبکستان استازو پر افغان – ټرانس پروژې خبرې وکړې
-
د هوا حالاتو بدلونونه3 days ago
یوې ۶.۲ درجې زلزلې استانبول ولړزاوه
-
تازه خبرونه2 days ago
افغان بېسیم د ننګرهار په کوزکوڼر ولسوالۍ کې یو نوی سایټ فعال کړ