سوداگري
د افغان او ترکمن چارواکو تر منځ د ټاپي پروژې پر امنیت خبرې وشوې
(Last Updated On: )
د اسلامي امارت د دفاع او کورنیو چارو وزارتونو مسوولینو نن (پنجشنبه د کب ۵ ) د ټاپي پروژې له اجرائیوي مشر او په کابل کې د ترکمنستان له سفیر سره د ټاپي پروژې پر امنیت خبرې وکړې.
په دې کتنه کې د دفاع او کورنیو چارو وزارتونو مسوولینو په افغانستان کې د ټاپي پروژې د امنیتي پلان په اړه د ترکمنستان چارواکو ته معلومات ورکړل.
ترکمن چارواکو ویلي، چې په نږدې راتلونکي کې به د ټاپي پروژې عملي کار پیل شي.
تېره میاشت د هند، تاجکستان، قزاقستان، ازبکستان، ترکمنستان او قرغزستان چارواکو د ټاپي پروژې په ګډون د سیمه ییزو پروژو په اړه خبرې کړې وې.
په دې کتنه کې د ترکمنستان ولسمشر قربانقلي بردي محمدوف د ټاپي پروژې پر عملي کېدو ټینګار وکړ.
له دې مخکې د اسلامي امارت او ترکمنستان چارواکو د ټاپي پروژې د عملي کار د پیلېدو په اړه خبرې کړې وې.
