Connect with us

لوبی

د افغانستان کرکت بورد اجرائیه مدیر د ناوړه کړنو له کبله لیرې شو

خپور شوی

د

(Last Updated On: زمری ۷, ۱۳۹۹)

د افغانستان کرکټ بورد منلې، چې د کرکت بورد اجرائیه مدیر لطف الله ستانکزی د دوشنبې پر ورځ ناوخته د اداري فساد، هڅوونکیو هڅو او د بورد له مدیرانو سره د “ناوړه چلند” له کبله له دندې لیرې شوی دی.

دغه بنسټ په یوه اعلامیه کې د زمري اتمه د هغه د کار وروستۍ ورځ یاده کړې ده.

د افغانستان کرکت بورد مشرفرهان یوسفزي ویلي، چې نوموړی به تر چارشنبې پورې د دغه مدیریت ټول اسناد او تجهیزات سپاري او دنده یې پای ته رسیدلې ده.

د دغه بنسټ په اوبپاڼه کې د خپرې شوې خبرتیا له مخې؛ نوموړي ته مخکې له دې کتبې او کلامي اخطارونه ورکړ شوي وه.

کرکت بورد د نوموړي د ځاینستي په اړه ویلي؛ د د دې بنسټ د اجرائیه پلاوي د مدیریت بست د آزادې سیالۍ له لارې اعلامیږي او د بشري سرچینو د اصولو او مقرراتو له مخې غوره کس ورته غوره کیږي.

لطف الله ستانکزي ویلي؛ دا لومړی ځل دی، چې له ټولنیزو رسنیو دغه راز کړنې اوري او ان خپله د کرکت بورد غړي ترې خبر ندي.

 هغه ویلي؛ د کرکت بورد اساسي قانون سپارښتنه کوي، چې دغه بست مدیره پلاوی لري او په دې اړه مدیره پلاوی پرېکړه کوي.

نوموړی کرکت بورد ته یو کال مخکې د اسدالله خان پرځای استخدام شوی و، هغه هم د کرکت بورد له قانونه سرغړونه کړې وه.

ستانکزي له دې مخکې په رسنیو کې دندې تر سره کړي دي.

د کرکت نړیوالې ټولنې هم د افغانستان د کرکت له مدیره پلاوي اندېښنه په ډاګه کړې وه.

افغانستان په ۲۰۱۷ کال کې د کرکت نړیوالې ټولنې غړیتوب تر لاسه کړی و.

په راپور کې راغلي، چې د افغانستان کرکت بوردپه روان کال کې د کرکت له نړیوالې ټولنې ۲.۴  میلیون ډالره تر لاسه کړي دي. 

لوبی

د افغانستان کرکټ ملي لوبډله د ۲۰ اوریز لوبلړ ګټونکې شوه

Published

on

(Last Updated On: کب ۲۹, ۱۴۰۲)

د افغانستان کرکټ ملي لوبډلې ایرلینډ ته پر ماتې ورکولو د ۲۰ اوریز لوبلړ بریا خپله کړه.

په دې لوبه کې، چې د دوشنبې پر شپه (د کب اته ویشتمه ) ترسره شوه؛ افغان لوبډلې سیالې لوبډلې ته د ۱۵۶ منډو هدف وټاکه، خو ایرلینډ لوبډلې په ۹۸ مډو کې خپل ټول لوبغاړي له لاسه ورکړل او لوبه د ۵۷ منډو پر توپیر افغانستان وګټله.

د افغانستان لپاره د توپ‌وهنې په برخه کې ابراهیم ځدراڼ تر ټولو زیاتې ۷۲ منډې وکړې او تر پایه په میدان کې پاتې شو.

دغه راز د توپ‌اچونې په برخه کې عظمت الله عمرزي د لوبې په څلورو اورونو کې څلور ایرلینډي لوبغاړي له ډګره وتلو ته اړ کړل او مخالف لوري ته یې نهه منډې ورکړې.

همدارنګه نوین الحق د ایرلینډ درې لوبغاړي له ډګره وایستل.

Continue Reading

لوبی

راشدخان د ایرلینډ پروړاندې د ۲۰ آوریزو نړیوالو سیالیو لوبډلمشر شو

Published

on

(Last Updated On: کب ۲۴, ۱۴۰۲)

د افغانستان کرکټ بورډ د ایرلینډ پر وړاندې د شل اوریزو نړیوالو سیالیو لپاره د کرکټ ملي لوبډلې د ۱۵ لوبغاړو نوملړ اعلان کړ.

په دغه اعلان شوي نوملړ کې راشد خان ارمان د ملي لوبډلې د لوبډلمشر په توګه راغلی دی.

نوموړی د ملا د درد له کبله له اوږده ځنډ وروسته لوبدلې ته راستون شوی دی.  

د افغانستان او ایرلینډ کرکټ لوبدلې به له نړیوالو یو ورځنیو او ټیسټ لوبو وروسته د مارچ پر پېنځلسمه، اووه‌لسمه اواتلسمه د متحده عربي اماراتو په شارجه لوبغالي کې سره ولوبیږي.

د افغانستان د لوبغاړو نوملړ:

راشد خان ارمان (لوبډلمشر)، ابراهیم ځدراڼ، رحمان الله ګربز، صدیق اتل، اعجاز احمدزی، اسحاق رحیمي، محمد نبي، ننګیال خروټی، عظمت الله عمرزی، نور احمد، مجیب الرحمن، وغادار مومند، فرید ملک، نوین الحق او فضل الحق فاروقي.

Continue Reading

لوبی

د افغانستان کرکټ لوبډلې د یو ورځنیو سیالیو د لړۍ دوه‌یمه اتلولي هم خپله کړه

Published

on

(Last Updated On: کب ۲۳, ۱۴۰۲)

د افغانستان کرکټ ملي لوبډلې د یو ورځنیو سیالیو درېیمه او وروستۍ لوبه هم له ایرلنډ څخه د ۱۱۷ منډو پر توپیر وګټله او په عربي متحده اماراتو کې یې د یو ورځنیو نړیوالو سیالیو د لړۍ اتلولي خپله کړه.

په دې لوبه کې، چې تېره شبه ترسره شوه افغان لوبغاړی محمد نبي پر ۵ ویکټو د افغانستان غوره لوبغاړی شو او ننګیال خروټی هم په دې لوبه کې ښه ځلیدلی دی.

افغانستان لومړۍ یو ورځنۍ لوبه ګټلې او د دواړو لوبډلو ترمنځ دوه‌یمه لوبه د باران له کبله لغوه شوې وه؛ خو درېیمه لوبه یې هم د ځان پر ګټه راوڅرخوله.

که څه هم ایرلنډ د لوبې پچه ګټلې وه او لومړی یې توپ‌اچونه غوره کړه؛ خو افغان لوبغاړو په ۵۰ اورونو کې د ۹ لوبغاړو پر سوځېدو ایرلنډ ته د ۲۳۷ منډو هدف وټاکه.

په لومړۍ نیمايي کې حشمت الله شهیدي د ۶۹ منډو پر جوړولو د نورو افغان لوبغاړو پر پرتله ښه وځلید.

په دوه‌یم اور کې د ایرلنډ لوبډلې په ۳۵ اورونو کې خپل ټول لوبغاړي له لاسه ورکړل او تر ۱۱۹ زیاتې منډې یې جوړې نه کړی شوې.

محمد نبي، چې د دې سيالۍ غوره لوبغاړی وټاکل شو، پېنځه ايرلنډي لوبغاړي يې له سيالۍ لرې او ننګيال خروټي هم څلور مخالف لوبغاړي له منځه يوړل.

د یادونې ده، چې محمد نبي په لوبه کې ښه وځلید؛ خو په ټول لوبلړ کې رحمان الله ګربز د لوبې غوره لوبغاړی وټاکل شو.

Continue Reading

Trending

Copyright © 2022 Ariana News. All rights reserved!