تازه خبرونه
د افغانستان په اړه د تړلو دروازو تر شا د ملګرو ملتونو د امنیت شورا غونډه جوړیږي
د بشري حقونو د څار یو لوړ پوړي چارواکی ويلي، ټاکل شوې د افغانستان په اړه د ملګرو ملتونو د امنیت شورا غونډه سبا (دوشنبه د لیندۍ ۲۱ / د ډسمبر یوولسمه نېټه ) د سویس، جاپان او عربي متحده اماراتو د استازو پر کوربهتوب جوړه شي.
دا غونډه د افغانستان په اړه د ملګرو ملتونو د راپورتر د خپلواکې ارزونې د راپور د سپارښتنو د پلي کېدو په اړه جوړیږي. له دې مخکې د ملګرو ملتونو امنیت شورا اعلان کړی و، چې د روانې میاشتې په پای کې به د افغانستان د وضعیت په اړه ځانګړې غونډه ترسره کړي.
د بشري حقونو د څار ادارې د ښځو د برخې مرستیاله هیدر بار ويلي، په دې غونډه کې د افغانستان په اړه د ملګرو ملتونو د خپلواکې ارزونې د راپور د سپارښتنو د پلي کېدو په اړه بحث کیږي.
د هغې د څرګندونو له مخې؛ د افغانستان په اړه د نړيوالې ټولنې د راتلونکو ګامونو په اړه د روڼتيا نشتوالى د اندېښنې وړ دى.
د بشري حقونو د څار ادارې د ښځو د څانګې مرستیاله هیدر باروایي: مونږ د دې په اړه، چې د ملګرو ملتونو امنیت شورا به د افغانستان په اړه د خپلواکې ارزونې د راپور له ترلاسه کولو وروسته په څه ډول پرمخ ولاړه شي؛ د وضاحت د نشتوالي په اړه اندېښمن یوو.
د بشري حقونو د څار دا لوړپوړې چارواکې د تړلو دروازو تر شا د غونډو جوړول د منلو وړ نهبولي او وايي، ښځې، نجونې او نور افغان وګړي، چې د بشري حقونو له سرغړونو سره مخ دي؛ حق لري پوه شي، چې د امنیت شورا په غونډه کې پر څه بحث او خبرې کېږي؟
لومړی د تړلو دروازو تر شا یوه خصوصي ناسته ترسره شوه، چې د ارزونې د خپلواک بهیر ځانګړو همغږي کوونکو غړو هېوادونو ته معلومات ورکړ شول. ورپسې د راپور په اړه د بحث لپاره بله د تړلو دروازو تر شا غونډه جوړه شوه او دا ځل به د سویس، جاپان او عربي متحده اماراتو د پلاوي پر کوربهتوب د افغانستان په اړه د خپلواکې ارزونې د راپور د سپارښتنو د پلي کولو په اړه خبرې اترې وشي.
له دې مخکې د ملګرو ملتونو امنیت شورا څرګنده کړی وه، چې د روانې میاشتې په پای کې به د افغانستان د وضعیت په اړه ځانګړې غونډه وکړي. په دې غونډه کې به د افغانستان لپاره د ملګرو ملتونو ځانګړې استازې روزا اوتونبایوا، په افغانستان کې د بندیزونو د کمیټې رییس او د مدني ټولنې یو استازی ګډون او خبرې وکړي.
که څه هم اسلامي امارت د دې ناستې په اړه څه نهدي ویلي؛ خو تل یې ټینګار کړی، چې د اسلامي امارت د استازو له ګډون پرته به دا ډول غونډې مثبتې پایلې ونهلري.
د افغانستان لپاره د ملګرو ملتونو ځانګړي همغږي کوونکي فریدون سینیرلی اوغلو شاوخوا یوه میاشت مخکې د خپلو ارزونو راپور د ملګرو ملتونو امنیت شورا ته وړاندې کړی او د افغانستان له چارسمبالي حکومت څخه یې غوښتي، چې د بشري حقونو په تېره بیا د ښځو حقونو ته پام وکړي.
تازه خبرونه
اسلامي امارت له هیچا سره د هیچا پر وړاندې جګړه نهغواړي- امیرخان متقي
امیرخان متقي په عمان کې له افغان سوداګرو سره په لیدنه کې ټینګار وکړ؛ اسلامي امارت د نړۍ له ټولو هېوادونو سره ښې اړیکې لري او غواړي، چې افغانستان د منفي سیالۍ د ډګر پر ځای د اقتصاد او ټرانزیټ مرکز شي.
د بهرنیو چارو وزارت چارسمبالی(سرپرست) امیر خان متقي ويلي، چې اسلامي امارت متوازن سیاست خپل کړی او د یو هېواد د راضي کولو لپاره د بل هېواد پر وړاندې جګړه نهکوي.
امیرخان متقي په عمان کې له افغان سوداګرو سره په لیدنه کې ټینګار وکړ؛ اسلامي امارت د نړۍ له ټولو هېوادونو سره ښې اړیکې لري او غواړي، چې افغانستان د منفي سیالۍ د ډګر پر ځای د اقتصاد او ټرانزیټ مرکز شي.
هغه وایي: “مونږ يو متوازن سياست لرو.” متوازن سیاست پدې معنا دی، چې مونږ د یو هېواد د خوشحاله کولو لپاره د بل هېواد سره جګړه نه کوو. مونږ د یو هېواد د خوښۍ لپاره د بل هېواد مخالفت نهکوو. “مونږ له هرچا سره عادي اړیکې غواړو.”
امیر خان متقي په عمان کې له میشتو سوداګرو او افغانانو سره د خبرو پر مهال ټینګار کړی، چې اسلامي امارت به په داسې ډول امنیت تامین کړي، چې د بهرنیو استخباراتي سازمانونو ته د مداخلې زمینه برابره نشي.
متقي د نظام دننه د اختلافاتو شتون هم ردوي او په دې اړه خبرې مبالغه ګڼي.
نوموړي ویلي: “د شخړو، ګډوډۍ او ناامنۍ شتون رښتیا ندی. که هر څومره تبلیغات وي؛ په عمل کې تاسې ګورئ، چې په کابل، کندهار، مزار، جلالآباد او هرات کې هیڅ پېښه نهکیږي.”
د اسلامي امارت د ډيپلوماټيکو خدماتو مشر دا هم ويلي، چې عمان ته یې په خپل سفر کې هڅه وکړه، چې د کابل او مسقط ترمنځ د سوداګرۍ او د سوداګريزو اړيکو د پراختيا لپاره لار اواره کړي.
هغه همدارنګه ټینګار کړی؛ د اسلامي امارت له بیا واک ته رسیدو وروسته د نشهيي توکو د روږدي کیدو پر وړاندې جدي مبارزه شوې او دوی توانیدلي، چې د ۴۰۰ زره روږدو کسانو درملنه وکړي او ورته کاري زمینې برابرې کړي.
تازه خبرونه
په امریکا کې سختو توپانونو مرګ او ژوبله رامنځته کړه
د ایبيسي نیوز د راپور له مخې؛ دغو توپانونو او بوړبړکیو د امریکا په میزوري، آرکانزاس، ټکزاس، اوکلوهوما، کانزاس او میسیسیپي ایالتونو کې ۲۹ کسان ټپیان کړي دي او پراخ مالي زیانونه یې هم رامنځته کړې دي.
امریکایي رسنیو راپور ورکړی، چې د لومړنیو څرګندونو له مخې د دې هېواد په لویدیځو او سویلي سیمو کې سختو توپانونو ۳۳ کسان مړه کړي او ۲۹ نور ټپیان دي.
د ایبيسي نیوز د راپور له مخې؛ دغو توپانونو او بوړبړکیو د امریکا په میزوري، آرکانزاس، ټکزاس، اوکلوهوما، کانزاس او میسیسیپي ایالتونو کې ۲۹ کسان ټپیان کړي دي او پراخ مالي زیانونه یې هم رامنځته کړې دي.
په راپور کې زیاته شوې، چې تر دې دمه له ۱۲۷ ډېرې توپاني څپې او بوړبړکۍ راغلي، چې سرعت یې په ساعت کې له ۱۳۰ کیلومټرو ډېر ښودل شوی دی.
په راپور کې راغلي؛ توپانونو ۵۰۰ ودانۍ نړولي، د برښنا سیسټم یې خراب کړی او ځنګلي اورونه یې رامنځته کړي دي.
ویل کیږي، چې توپان اوس هم چټک روان دی او میلیونه خلک یې له مالي او ځاني زیانونو سره مخ دي.
تازه خبرونه
د ملګرو ملتونو امنیت شورا د یوناما ماموریت د غځولو لپاره رایې اچوي
دا په داسې حال کې ده، چې څه وخت مخکې د اسلامي امارت ویاند په افغانستان کې د یوناما ماموریت “ناکام” یاد کړی دی.
د ملګرو ملتونو امنیت شورا نن یکشنبه (د کب شپږویشتمه) څرګنده کړې؛ ټاکل شوې، چې سبا، دوشنبه (د مارچ اووهلسمه) په افغانستان کې د ملګرو ملتونو د مرستندویه پلاوي یا یوناما د ماموریت غځولو لپاره د یوې مسودې پر پرېکړه لیک رای اچونه وشي.
دې شورا په یوه راپور کې ویلي: که دا مسوده تصویب شي، نو د یوناما ماموریت به د یو بل کال لپاره پرته له دې، چې خپلې دندې او لومړیتوبونه بدل کړي وغځوي.
د راپور له مخې؛ په دې مسوده کې د یوناما له یو کلن ماموریت سره د بشري حقونو، په ځانګړي توګه د ښځو او نجونو حقونو، ښځې، سوله او امنیت، په افغانستان کې اقتصادي او بشري وضعیت، ترهګري، د مخدره توکو قاچاق، سپکې وسلې، داخلي بې ځایه شوي کډوال او د طبیعي پېښو اغېزې خوندي پاتې دي.
د ملګرو ملتونو امنیت شورا ویلي؛ تمه ده، چې د شورا ټول ۱۵ دایمي او غیر دایمي غړي به ترې ملاتړ وکړي.
دا په داسې حال کې ده، چې څه وخت مخکې د اسلامي امارت ویاند په افغانستان کې د یوناما ماموریت “ناکام” یاد کړی دی.
د اسلامي امارت ویاند ذبیح الله مجاهد د یوناما ماموریت تورن کړی، چې د افغانستان د وضعیت په اړه “منفي او ناسم” راپورونه ورکوي.
مجاهد ویلي، چې د یوناما راپورونو په ملګرو ملتونو کې د افغانستان په اړه “منفي ذهنیت” رامنځته کړی دی.
تحول: د اوکراین د سولې بهیر لپاره د ملاتړ هڅې
څار: د یمن پر حوثیانو د امریکا هوایي بریدونه
در سال ۱۴۰۳ به ارزش ۲۹۲ میلیون دالر از طریق دهلیزهای هوایی تجارت صورت گرفته است
اسلامي امارت له هیچا سره د هیچا پر وړاندې جګړه نهغواړي- امیرخان متقي
د پاکستان په جنوب لویدیځ کې ځانمرګي برید ۳۶ کسانو ته مرګ او ژوبله اړولې
پاناما له امریکا څخه د مهاجرینو یوه ایستل شوې ډله د ډارین ځنګل ته لیږدول
محمد نبي له خپل زوی سره د لویانو په ملي لوبډله کې د لوبې کولو هیله من شو
د افغانستان کرکټ لوبډله به نوره بې ارزښته ونهګڼل شي – ټراټ
امریکا ته د افغان کډوالو د لېږد او بیا میشتېدنې دفتر تړل کیږي
د تورخم په جګړه کې درې افغان ساتونکو ته مرګ او ژوبله اوښتې
تحول: د اوکراین د سولې بهیر لپاره د ملاتړ هڅې
څار: د یمن پر حوثیانو د امریکا هوایي بریدونه
تحول: له امریکا څخه د جنوبي افریقا د سفیر پرایستلو غبرګونونه
څار: د تاجکستان او قرغزستان ترمنځ د سرحدي حدودو په اړه تړون
څار: له روسیې سره د اوربند لپاره د اوکراین وړاندیز
-
تازه خبرونه5 days agoله افغانستان سره مو ځانګړې اړیکې د تعامل بنسټ دی – هند
-
نړۍ5 days agoد ایران ولسمشر د امریکا ولسمشر ډونالډ ټرمپ د ایران پر ګواښلو تورن کړ
-
تازه خبرونه4 days agoد واخان سړک د دوهیم فاز د جوړولو تړون لاسلیک شو
-
تازه خبرونه4 days agoپر مسافر وړونکي ریلګاډي برید په افغانستان کې پلان شوی و- د پاکستان ادعا
-
لوبی5 days agoایرلینډ د مالي ستونزو له کبله له افغانستان سره کرکټ لوبه وځنډوله
-
تازه خبرونه5 days agoهندي سوداګرو د پنجشېر په کانونو کې پانګونې ته لیوالتیا ښکاره کړه
-
تازه خبرونه5 days agoچین له افغانستان سره د بشري مرستو او اقتصادي همکاریو غوښتنه وکړه
-
تازه خبرونه5 days agoڅار: له روسیې سره پر ۳۰ ورخني اوربند د اوکران راضي کېدا