Connect with us

تازه خبرونه

د افغانستان پر روان تاوتریخوالي پاکستان او اروپایي اتحادیې اندېښنه څرګنده کړې

خپور شوی

د

(Last Updated On: لړم ۱۵, ۱۳۹۹)

پاکستان او اروپا اتحادیې د چارشنبې پر ورځ ( لړم ۱۴) په ګډه څرګنده کړې؛ د افغانستان د جګړې ټولې خواوې دې د سولې او ثبات لپاره خپلې هڅې ګړندۍ کړي او له ورانکارو هڅو دې ډډه وکړي.

د اروپايي اتحادیې ځانګړي استازي رونالد کوبیا ویلي؛ دغه اعلامیه نه یوازې د تېرو ۱۹ کلونو دلاسته راوړنو په ځانګړي توګه د ښځو او ماشومانو پر حقونو ټینګار کوي، بلکې بشري اوربند هم غواړي.

کوبا څرګنده کړې، چې د ملګرو ملتونو د عمومي منشي له غوښتنې او سپارښتنې وروسته یې دا اقدام کړی دی.

حکومت د ملګرو ملتونو د عمومي منشي په غوښتنه په پرله پسې توګه له طالبانو د اوربند غوښتنه کړې؛ خو دا بلنه د طالبانو لخوا نده منل شوې.

په اعلامیه کې راغلي؛ اروپايي اتحادیې او پاکستان ژمنه کړې، چې سیمې ته به د سولې، ثبات او پرمختګ راوستلو لپاره خپلې همکارۍ روانې ساتي.

 

دغې اعلامیې د انسان تښتونې، مخدره توکو قاچاق او د تروریزم د تمویل او پیسو مینځلو پر وړاندې هم پرګډه مبارزه ټینګار کړی دی.

دوی څرګنده کړې؛ د افغانانو په مشرۍ خپلمنځي خبرې د افغانانو په ګټه دي او دواړه خواوې باید په افغانستان کې د سولې او ثبات د خوندي کولو لپاره ګډې هڅې مثبتې پایلې ته ورسوي.

اروپایي اتحادیې او پاکستان دا هم ویلي، چې د افغانانو ترمنځ په خبرو کې باید د تېرو کلونو لاسته راوړنې  خوندي شي. په ځانګړي توګه د ښځو او ځوانانو لاسته راوړنې، چې د یوه سوله ییز افغانستان لپاره بنسټ کیښودل شي.

دوی له نړیوالې ټولنې غوښتي، چې د افغان مهاجرینو بېرته ستنیدو په برخه کې د افغانستان ملاتړ وکړي.

د دوی د څرګندونو له مخې؛ تاوتریخوالی په داسې حال کې ډېر شوی، چې سیمه د تلپاتې سولې په اړه هیله منه شوې او د کورونا ویروس د خپریدو له ګواښ سره مخ ده.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!