سوداگري
د افغانستان بانک د پولي ستونزې د حل لپاره ۱۰ میلیون ډالر پلوري

د افغانستان بانک غواړي، چې سبا شاوخوا ۱۰ میلیون امریکايي ډالر د یو آزاد او روڼ بهیر له لارې د اسعارو بازار ته وړاندې، لیلام او وپلوري.
د افغانستان بانک په ډاګه کړې؛ په هېواد کې د پولي ستونزې د حل په موخه یې دا ګام پورته کړی دی.
د یو شمېر څرګندونو له مخې؛ واک ته د اسلامي امارت له بیا رسېدو سره سم افغانستان د نغدو پیسو له کمښت او ستونزې سره؛ ځکه مخ شو، چې له دوی مخکې د افغانستان بانک سم مديريت شوی نه و او د مرکزي بانک په خوندي سيفونو کې د بهرنيو اسعارو زېرمې ټولې مصرف شوې وې او اوس له همدې کبله نشي کولی د نغدو پیسو تقاضا ته ځواب ووايي.
د افغانستان اقتصاد د ډالرو پر زيرمو تکيه کوي. د تېر حکومت په دوره کې د افغانستان بانک په هرو درې میاشتو کې لږ تر لږه ۲۴۹ میليون ډالر د سل ډالري نوټونو پر بڼه ترلاسه کول.
همدا راز د افغانستان بانک نهه میليارډ ډالر، چې په بهرنیو بانکونو کې ساتل کېدل؛ اوس کنګل شوي دي.
د یو شمېر اسنادو له مخې د افغانستان بانک د جون مياشتي له لومړۍ او د اګست میاشتي د ۱۵مې نېټې ترمنځ موده کې کابو یو اعشاریه پېنځه میليارډ ډالر د سيمه ییزو اسعارو لپاره تاجرانو ته د ليلام په موخه وړاندې کړي، چې دا د پام وړ ډېرې پېسې دي؛ خو دا شک هم شته، چې یادې پیسې ټولې پلورل شوې ندي او له افغانستان څخه وتلې دي.
په وروستیو شل کلونو کې افغانۍ د ډالر پر وړاندې اوس تر بل هر وخت خپل ارزښت ډېر بایللی؛ د کابل د شهزاده سرای د صرافیو په مارکیټ کې د دوشنبې پر ورځ د لړم ۲۴ یوه ډالر پر ۹۲ اعشاریه ۹۵ او یکشنبه پېنځه نوي افغانیو بدلیده.
د افغانستان نوي بانک نوټونه په دوه زره درېیم کال کې چاپ شول، چې هغه وخت یو ډالر پر ۴۳ افغانۍ بدلیده؛ خو د پخواني نظام له نسکورېدو پورې د یوه ډالر ارزښت ۸۷ افغانیو ته رسیده.
په تېرو درې میاشتو کې له بهره هیڅ ډالر افغانستان ته ندي راغلي؛ خو له داخله بهر یې قاچاق روان دی.
د سرای شهزاره د صرافانو ویاند عبدالرحمان ځيرک وايي، چې له یوې خوا په بازار کې د ډالرو کمی دی او له بلې خوا هره ورځ میلیونونه ډالر بهر ته قاچاق کیږي.
د افغانستان اسلامي امارت د افغانۍ ارزښت د ساتلو لپاره تېره میاشت په کورنیو سوداګریزو او مالي معاملو کې د ډالرو پر راکړه ورکړه بندیز ولګاوه.
اقتصادي کار پوه سید مسعود وايي، چې همدې بندیز بهر ته د ډالرو د قاچاق زمینه برابره کړې ده.
د پيسو نړیوال صندق د راپور له مخې د افغانستان په بانکونو کې د ډالرو زیرمې مخ پر تشیدو دي.
د یادونې ده، چې په بهر کې د افغانستان د شتمنيو کنګل کيدل د پېسو د کمښت ستر دليل دی او که بندیزونه لرې نشي او پیسې خپل چلند او دوران له لاسه ورکړي؛ نو د بانکونو د دروازو د بندېدو اندېښنې به ورسره نورې هم ډېرې شي.
سوداگري
عمان او افغانستان د دوه اړخیزو سوداګریزو اړیکو د پراختیا پرلارو چارو خبرې وکړې
دا ناسته د دواړو خواوو د سوداګرۍ، پانګونې او اقتصاد په برخو کې د همکارۍ د پراخولو او همدارنګه د لوژستیک او ګرځندوی په برخو کې د اړیکو د پراختیا پر لارو چارو بحث او خبرې وکړې.

د چارشنبې پر ورځ ( د کب دوهویشتمه) د عمان د سوداګرۍ او صنایعو خونې رییس فیصل عبدالله الرواس د افغانستان د بهرنیو چارو وزارت له چارسمبالي (سرپرست) امیر خان متقي سره ولیدل.
دا ناسته د دواړو خواوو د سوداګرۍ، پانګونې او اقتصاد په برخو کې د همکارۍ د پراخولو او همدارنګه د لوژستیک او ګرځندوی په برخو کې د اړیکو د پراختیا پر لارو چارو بحث او خبرې وکړې.
دواړو خواوو د هغو ګډو پروژو ملاتړ هم یاد کړ، چې د اقتصادي ودې هڅولو کې مرسته کوي او په دې برخو کې د سوداګرۍ او پوهې تبادلې پر اهمیت ټینګار وکړ.
د دې غونډې په بهیر کې د دواړو هېوادونو ترمنځ د سوداګرۍ تبادلې آسانه کولو او د متقابلو ګټو لپاره له موجوده فرصتونو څخه د ګټې اخیستنې په اړه موافقه وشوه.
امیر خان متقي د یکشنبې پر ورځ عمان ته سفر وکړ. د بهرنیو چارو وزارت اعلان وکړ چې دا سفر د عمان د بهرنیو چارو وزیر په بلنه ترسره شوی دی.
د یادونې ده، چې د روانې اوونۍ په پیل کې امیر خان متقي د یوه پلاوي پر مشرۍ عمان ته د دې هېواد د بهرنیو چارو د وزیر پر بلنه سفر کړی دی.
سوداگري
افغانستان ته غیر نفتي صادرات ۳۱ سلنه زیات شوي – ایران
د ایران د صنعت، کانونو او سوداګرۍ خونې د نړیوالو اړیکو او سوداګرۍ پراختیا کمیسیون ویاند روح الله لطیفي ویلي، چې د روان لمریز کال په لومړیو ۱۰ میاشتو کې افغانستان ته د ایران د ناتېلي صادراتو ارزښت د تېر کال د ورته وخت پر پرتله ۳۱ سلنه زیات شوی دی.

یوه ایراني چارواکي ويلي، چې د روان لمریز کال په لومړیو ۱۰ میاشتو کې افغانستان ته د ایران د ناتېلي صادراتو ارزښت شاوخوا دوه میلیارډ امریکایي ډالر دی.
د ایران د صنعت، کانونو او سوداګرۍ خونې د نړیوالو اړیکو او سوداګرۍ پراختیا کمیسیون ویاند روح الله لطیفي ویلي، چې د روان لمریز کال په لومړیو ۱۰ میاشتو کې افغانستان ته د ایران د ناتېلي صادراتو ارزښت د تېر کال د ورته وخت پر پرتله ۳۱ سلنه زیات شوی دی.
د ایران ټایمز ورځپاڼې، چې د ایران انګلیسي ژبې دولتي ورځپاڼه ده هم د لطیفي د څرګندونو له مخې ویلي، چې په دې ۱۰ میاشتو کې ایران افغانستان ته د یو میلیارډ او ۹۷۲ میلیون ډالرو غیر نفتي توکي صادر کړي دي.
د لطیفي د څرګندونو له مخې؛ په تېرو ۱۰ میاشتو کې افغانستان د ایران د ګاونډ هېوادونو تر منځ د دې هېواد د محصولاتو لپاره څلورم لوی صادراتي ځای و.
د تېر کال په اګست میاشت کې د ایران یوه سوداګریز پلاوي په کابل کې د ریاست الوزراء له اقتصادي مرستیال ملا عبدالغني برادر سره ولیدل او څرګندوي، چې ایران د کانونو د صنعت د پراختیا، د لمریزې برښنا د تولید او په افغانستان کې د اورګاډي د اتصال د پراخولو لپاره د پانګونې له راجلبولو سره علاقه لري.
سوداگري
ازبکستان افغانستان ته د برښنا د بیې ټیټولو راپورونه رد کړل
د ازبکستان د برښنا ملي شرکت څرګنده کړې، چې افغانستان ته د برښنا د صادراتو په رسمي بیو کې بدلون ندی راغلی.

له هغې وروسته، چې له ازبکستان څخه افغانستان ته د وارداتي برښنا د بیې د ټیټېدو په اړه راپورونه خپاره شول؛ دې هېواد افغانستان ته د برښنا د صادراتي تعرفو د رسمي کمښت په اړه راپورونه ناسم یاد کړل.
د ازبکستان د برښنا ملي شرکت څرګنده کړې، چې افغانستان ته د برښنا د صادراتو په رسمي بیو کې بدلون ندی راغلی.
دا څرګندونو په داسې حال کې خپریږي، چې د ریاست الوزرا اقتصادي مرستیال ملا عبدالغني برادر تېره اوونۍ له ازبکستان څخه له راستنېدو وروسته ویلي وه، چې د دې هېواد لخوا افغانستان ته د صادرېدونکي برښنا په بیه کې به ټیټوالی راشي.
ملا برادر ویلي وه، چې له ازبک چارواکو سره د دوبي په موسم کې د برښنا د حجم د زیاتېدا په اړه هوکړه شوې ده.
د ازبکستان د برښنا ملي شرکت د وارداتي برښنا د تعرفې د ټیټېدو ادعاوې رد کړي او ټینګار کوي، چې افغانستان ته د برښنا د صادراتو په تعرفه کې بدلون ندی راغلی.
د ازبک چارواکو د څرګندونو له مخې؛ د دې پروژې تړون د تصویب په وروستي پړاو کې دی او د اړینو پړاوونو له بشپړولو وروسته به لاسلیک شي.
عبدالغني برادر دا هم ویلي، چې دواړو خواوو د سرخان – پلخمري د برښنا لېږد پروژې د پراختیا په اړه هوکړه کړې، چې د ۲۲۰ څخه تر ۵۰۰ کیلو ولټ برښنا سره کار کوي.
د افغانستان د برښنا ډېره برخه له ګاونډ هېوادونو په ځانګړي توګه له ازبکستان څخه وارد شوې ده.
-
تازه خبرونه4 days ago
له افغانستان سره مو ځانګړې اړیکې د تعامل بنسټ دی – هند
-
نړۍ5 days ago
د ایران ولسمشر د امریکا ولسمشر ډونالډ ټرمپ د ایران پر ګواښلو تورن کړ
-
تازه خبرونه3 days ago
د واخان سړک د دوهیم فاز د جوړولو تړون لاسلیک شو
-
سیمه ییز خبرونه5 days ago
د پاکستان بیلتون غوښتونکو بلوڅانو د مسافر وړونکي ریلګاډي مسافر برمته کړي
-
تازه خبرونه4 days ago
پر مسافر وړونکي ریلګاډي برید په افغانستان کې پلان شوی و- د پاکستان ادعا
-
لوبی4 days ago
ایرلینډ د مالي ستونزو له کبله له افغانستان سره کرکټ لوبه وځنډوله
-
تازه خبرونه4 days ago
هندي سوداګرو د پنجشېر په کانونو کې پانګونې ته لیوالتیا ښکاره کړه
-
تازه خبرونه4 days ago
څار: له روسیې سره پر ۳۰ ورخني اوربند د اوکران راضي کېدا