تازه خبرونه
د افغانستان او ازبکستان چارواکو پر ګډو اقتصادي همکاریو ټینګار څرګند کړ
افغان او ازبک چارواکو نن په کابل کې پر دوه اړخیزو اړیکو، اوسني وضعیت، د ټرانزیټ پر پیاوړتیا او تجارت خبرې وکړې.
عبدالعزیز کاملوف د افغانستان امنیت د خپل هېواد له امنیت سره تړلی وباله او وایي، چې د دوه اړخیزې سوداګرۍاو ښه ټرانزیټ لپاره باید یو له بل سره نږدې کار وکړو.
د ازبک ولسمشر ځانګړي استازي عبدالعزیر کاملوف په ازبکستان کې د دوی پر کوربتوب د سیمې او نړۍ د هېوادونو او ادارو د لوړ رتبه استازیو ترمنځ د جوړېدونکي سیاسي او اقتصادي کنفرانس په اړه مولوي متقي ته معلومات وړاندې او د ګډون بلنه ورکړه.
مولوي متقي ویلي، چې اسلامي امارت له ګاوند هېوادونو سره د غوره اړیکو د جوړولو غوښتونکی دی او له دغو هېوادونو غواړي، چې په افغانستان کې د بې ثباتۍ مخه ونیسي.
د یادونې ده، چې ازبکستان د تېرحکومت له سقوط وروسته له اسلامي امارت سره د تقابل پر ځای د تعامل لار غوره کړې ده.
