دا دوستانه لوبه د شنبې پر ورځ( د لړم شپږویشتمه ) د تاجکستان په مرکز دوشنبه کې د نیپال فوټبال ملي لوبډلې پر ګټه پای ته ورسېده.

د افغانستان فوټبال فډراسیون څرګنده کړې، چې د هېواد فوټبال ملي لوبډلې د نیپال لوبډلې پر وړاندې په یوه دوستانه لوبه کې ماتې وخوړه.

دغه لوبه ۲ - ۰ پر توپیر د نیپال فوټبال ملي لوبډلې پر ګټه پای ته ورسېده.

دا د تاجکستان پر کوربتوب په درې اړخیزو لوبو کې د ازبکستان د روزونکي عثمان توشیف له ټاکل کېدو وروسته د افغانستان فوټبال ملي لوبډلې لومړۍ لوبه وه.

دغه درې اړخیزه سیالۍ د روان لمریز لېږدیز کال د لړم پر دوه‌ویشتمه پیل او د همدې میاشتې تر نهه‌ویشتمې روانې وي.

د هېواد فوټبال ملي لوبډله به د روانې میاشتې پر نولسمه په خپله دوه‌یمه لوبه کې له تاجکستان سره مخ شي.

د هند غوره لیګ (IPL) سیالیو ته، چې د لیندۍ پر څلورمه او پېنځمه / د نومبر پر څلیریشتمه او پېنځه‌ویشتمه په سعودي عربستان کې ترسره کېږي؛ ۱۸ افغان لوبغاړي ونومول شول.

د دې داوطلبۍ لپاره ټولټال ۲۹ افغان کرکټ لوبغاړو نوملیکنه کړې وه.

د جمعې پر ورځ د هند غوره لیګ تنظیموونکیو د ۵۷۴ لوبغاړو وروستی نوملړ اعلان کړ، چې ۱۸ افغانان په کې راغلل.

په ۵۷۴ لوبغاړو کې ۳۶۶ هندي او ۲۰۸ بهرني لوبغاړي دي.

ټولټال ۲۰۴ لوبغاړي پېرل کیږي، چې ۷۰ به یې بهرني لوبغاړي وي.

د افغان لوبغاړو بشپړ نوملړ، چې د داوطلبۍ په وروستۍ برخه کې راغلي دادي:

۱.  رحمن الله ګربز

۲. نور احمد

۳. وقار سلام خېل

۴. الله محمد غضنفر

۵. مجیب الرحمن

۶. عظمت الله عمرزی

۷. نوین الحق

۸. ظاهر خان پکتین

۹. صدیق الله اتل

۱۰. محمد نبی

۱۱. گلبدین نایب

۱۲. فضل الحق فاروقی

۱۳. نجیب الله ځدراڼ

۱۴. ابراهیم ځدراڼ

۱۵. قیس احمد

۱۶. کریم جنت

۱۷. فریدون داوودزی

۱۸. ننګیال خروتی

د افغانستان کرکټ ۱۹ کلنو ملي لوبډلې د درې ملتیزې ۵۰ اووریزې سیالۍ په لومړۍ لوبه کې د پاکستان ۱۹ کلنو لوبغاړو ته د ۱۰۰ منډو پر توپیر ماتې ورکړه.

دا لوبه د جمعې پر ورځ( د لړم پېنځه‌ویشتمه / د نومبر پېنځلسمه ) په دوبۍ کې ترسره شوه، چې د دې سیالیو یا ټورنمنټ کوربه دی.

افغانستان د دې لوبې د پچې له بایللو وروسته لومړی توپ‌وهنه وکړه او مقابل لورې ته یې د اته لوبغاړو پر سوځېدو د ۳۰۷ منډو هدف وټاکه.؛ خو د پاکستان لوبډلې ټول لوبغاړي په ۴۷ اوور کې د ۲۰۶ منډو وروسته وسوځېدل او لوبه یې وبایلله.

د افغانستان کرکټ ۱۹ کلنه ملي لوبډله به د دوشنبې پر ورځ ( د لړم اته‌ویشتمه / د نومبر پر اتلسمه ) د درې اړخیزو سیالیو په دوه‌یمه لوبه کې له متحده عربي اماراتو سره مخ شي.