Connect with us

تازه خبرونه

د افغانانو ترمنځ خبرې به ډېر ژر پیل شي -ستانکزی

خپور شوی

د

Reuters
(Last Updated On: وږی ۱۳, ۱۳۹۹)

د حکومت د مرکچي پلاوي مشر معصوم ستانکزي ویلي، چې د افغانانو او طالبانو ترمنځ خبرې به ډېر ژر پیل شي.

ستانکزي په خپل یوه تویت کې څرګنده کړې، چې: د سولې مشورتي جرګې وروستۍ پرېکړه د هېواد د ملي ګټو پربنسټ د مخامخ خبرولپاره د لارې یوه نقشه ده.

نوموړي په ډاګه کړې؛ د حکومت د مرکچي پلوی د خلکو او حکومت په استازیتوب، د سولې د خبرو اترو دا لړۍ به د یو سوکاله، آزاد او متحد افغانستان په موخه پیل کړي، چې په کې د ټولو اتباعو حقونه خوندي شي.

معصوم ستانکزي نور جزئیات ندي ورکړي؛ خو ویل کیدل، چې د حکومت مرکچي پلاوی به د طالب بندیانو له خوشې کیدو وروسته له کابل څخه دوحې ته سفر وکړي.

د ملي پخلاینې عالي شورا ویاند فریدون خوځون ویلي؛ هر څومره ژر، چې د بندیانو د خوشې کیدو بهیر بشپړ شي د سولې مرکچي پلاوي دوحې ته ځي، چې د خپلمنځي خبرو بهیر پیل شي.

خوځون زیاته کړې؛ د افغانان د خپلمنځی خبرو لپاره ټول خنډونه لرې شوي او د بندیانو د تبادلې پروسه به هم ډېر ژر پای ته ورسیږي. د دې بهیر له پای ته رسیدو سره سم به د خبرو اترو لړۍ پیل شي.

دغه راز ولسمشر اشرف غني هم تېره ورځ له غرمې مخکې د سولې خبرو اترو له پلاوي سره وکتل.

 

په دې ناسته کې د ملي پخلاینې عالي شورا رییس عبدالله عبدالله او د سولې مرکچي پلاوي مشر معصوم ستانکزی هم ګډون درلود.

ښاغلي غني پلاوي ته څرګنده کړې: زه خوښ یم، چې د افغانستان د اسلامي جمهوري دولت د ګډو هڅو په پایله کې مونږ دې نازک پړاو ته رسیدلي یو او تاسې د متحد او همکاره پلاوي په توګه د خلکو او د افغانستان د حکومت په استازیتوب له طالبانو سره د سولې خبرې پیلوئ.

ښاغلي غني دا ډاډ هم ورکړ، چې د ملي پلاوي په توګه، دوی د افغانستان د خلکو او دولت قوي ملاتړ لري  او افغانان ستاسو په تنوع، یووالي او همغږئ کې خپل ځواک ګوري؛ ځکه، چې جمهوریت او تنوع زمونږ د ځواک دوه بېلابېل اړخونه دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!