تازه خبرونه
د اسلامي امارت پلاوي ازبکستان ته د سرحدي مسایلو په اړه سفر کړی
(Last Updated On: )
د افغانستان اسلامي امارت د سرحدونو، قومونو او قبایلو چارو وزارت یوه پلاوي ازبکستان ته سفر کړی او د هغه هېواد له امنیتي چارواکو سره یې د سرحدي ستونزو په اړه خبرې کړې دي.
دغه وزارت د شنبې پر ورځ (د چنګاښ ۱۷نېټه ) په یوه خبرپاڼه کې ویلي، چې په دغه پلاوي کې د جوزجان ولایت د سرحدونو، قومونو او قبایلو چارو رییس غلام نبي صمیم او د دغه ولایت د شپږمې سرحدي لوا قومندان منصور جاوید برخه لري.
په خبرپاڼه کې راغلي، چې په دې کتنه کې دواړو لوریو د سرحدي سیمو د اوسېدونکیو د ستونزو په اړه مفصلې خبرې کړې دي.
په دې کتنه کې غلام نبي صمیم ډاډ ورکړی، چې سرحدي ستونزې به حل شي او د افغانستان له خاورې څخه به د ازبکستان لپاره کومه ستونزه رامنځته نهشي.
افغان پلاوي له ازبکستان وغوښتل، چې له افغانستان سره خپلې ښې اړیکې روانې وساتي.
