په اسلام‌آباد کې د افغانستان اسلامي امارت سفارت د خپرې شوې خبرپاڼې له مخې؛ د هغو ۷ افغانانو مړي، چې د بلوچستان د دوکۍ د ډبرو سکرو کان د کاریګرو مړي په کویټه کې د افغانستان قونسلګرۍ پر هڅو د هغو کورنیو ته وسپارل شول.

په دې خبرپاڼه کې راغلي؛ په مړو شویو کسانو کې ۳ یې په پاکستان کې کډوال او هلته خپلو کورنیو ته سپارل شوي او پاتې نور یې، چې د کندهار د معروف ولسوالۍ اوسېدونکي وه؛ د چمن-بولدک او بهلولي له لارې افغانستان ته له رالېږدولو وروسته کورنیو ته سپارل شوي دي.

تېره ورځ د ناڅرګندو وسلوالو په برید کې ۲۰ کان کېندونکي وژل شوي وه.

ویل کیږي، چې افغانستان د پاکستان له حکومت څخه د پېښې د عاملینو د  نیولو او سزا ورکولو غوښتنه کړې ده.

د افغانستان اسلامي امارت بهرنیو چارو وزارت تائید کړه، چې د پاکستان د بلوچستان ایالت د سکرو د کان د جمعې د ورځې د برید په قربانیانو کې د دغه هېواد څلور اوګړي هم شته دي.

د بلوچستان د ډبرو سکرو د دوکي د اړوند سیمې په دې وسلوال برید کې ټول ۲۰ کارګر وژل شوي دي.

د بهرنیو چارو وزارت دا برید غندلی او د پاکستان له حکومته یې غوښتي، چې د دا ډول پېښو د مخنیوي لپاره لازم اقدامات وکړي.

په کویټه کې د افغانستان اسلامي امارت قونسلګرۍ ته دنده سپارلې، چې هېواد ته د افغانانو د مړو د لېږد لپاره لازمې اسانتیاوې رامنځته کړي.