تازه خبرونه
د اسلامي امارت او امریکا استازي په قطر کې خبرې کوي
د امریکا د بهرنیو چارو وزارت د چارشنبې پر ورځ ( د زمري ۴) څرګنده کړې، چې امریکايي چارواکي به روانه اوونۍ قطر ته په خپل سفر کې د افغانستان اسلامي امارت له استازیو سره وګوري.
د رویترز د څرګندونو له مخې؛ د امریکا د بهرنیو چارو وزارت په خبرپاڼه کې دغه خبرې پر امنیت، مخدره توکو او ښځو حقونه راڅرخي.
په دې خبرپاڼه کې راغلي: د افغانستان په چارو کې د امریکا ځانګړی استازی توماس ویست او د افغانستان د ښځو، نجونو او بشري حقونو لپاره ځانګړې استازې رینا امیري به په همدې موخه د جولای له ۲۶مې تر ۳۱مې قزاقستان او قطر ته سفر وکړي.
د خبرپاڼې له مخې؛ دوی به په استانه کې د افغانستان په اړه د C5+1 ځانګړې غونډې لپاره د قزاقستان، قرغزستان جمهوریت، تاجکستان، ترکمنستان او ازبکستان له همکارانو سره وویني.
په خبرپاڼه کې راغلي؛ دوی به د مدني ټولنې له غړیو سره پر لیدنه سربېره په افغانستان او قزاقستان کې د ښځو د اقتصادي پیاوړتیا په اړه هم خبرې وکړي.
دغه راز څرګنده شوې، چې یاد پلاوی به د قطر په پلازمېنه دوحه کې د طالبانو له استازیو او د افغانستان د مهمو وزارتونو له تخنیکي کارپوهانو سره وګوري او د افغانستان پر مهمو ګټو به خبرې وکړي.
د امریکا د بهرنیو چارو وزارت د افغانانو لپاره بشري ملاتړ، اقتصادي ثبات، د ښځو او نجونو په ګډون له ټولو افغانانو سره عادلانه او باعزته چلند او امنیتي مسایل خپل لومړیتوبونه یاد کړي دي.
له دې مخکې د اسلامي امارت چارواکو له هر څه مخکې پر رسمیت پېژندلو ټینګار کړی و.
د افغانستان اسلامي امارت د دفاع وزارت چارسمبالي ملا یعقوب مجاهد له دې مخکې له "العربیه" سره په ځانګړې مرکه کې ویلي وه، چې له هر څه مخکې باید اسلامي امارت پر رسمیت وپېژندل شي.
هغه دا ټینګار هم کړی، چې د اسلامي امارت حکومت به هیڅ ډلې ته اجازه ورنکړي، چې د افغانستان له دننه څخه نړۍ وګواښي.
نوموړي په افغانستان کې د القاعده د عناصرو د شتون په اړه د نړیوالو راپورونه هم ناسم وبلل.
تازه خبرونه
ټاکل شوې په افغانستان کې د ګوزڼ واکسین نوی کمپاین پیل شي
دې بنسټ دا ندي ویلي، چې په کومو ولایتونه به پیل شي او یا به د واکسین دا کمپاین څو ورځې روان وي.
له "پولیو څخه پاک افغانستان" بنسټ خبر ورکړی، چې د دوشنبې پر ورځ( د مرغومي درېیمه / د ډسمبر درویشتمه به د افغانستان په بېلابېلو ولایتونو کې د ګوزڼ واکسین نوی پړاو پیل شي.
دې بنسټ دا ندي ویلي، چې په کومو ولایتونه به پیل شي او یا به د واکسین دا کمپاین څو ورځې روان وي.
افغانستان او پاکستان په نړۍ کې یوازني دوه سیمې دي، چې د پولیو ناروغي په کې له منځه نده تللې.
د ۲۰۲۳ کال د ډسمبر پر څلورمه د روغتیا نړیوالې ټولنې په افغانستان کې د ګوزڼ په پېښو کې ۲۸۳ سلنه زیاتوالی ښودلی و. د روغتیا نړیوالې ټولنې په ۲۰۲۴ ز. کال کې د ماشومانو د ګوزڼ ویروس لومړی ډول لپاره ویلي وه، چې د مثبت چاپېریال نمونو شمېر د ۲۰۲۳ د ۶۲ پیښو پر پرتله ۸۴ ته رسیدلی.
د عامې روغتیا وزارت د ۲۰۲۴ کال په نومبر کې ادعا وکړه، چې په روان کال کې د پولیو کومه نوې پېښه نده ثبت شوې.
تازه خبرونه
په پروان ولایت کې ۵ زره جریبه ځمکه دولتي تثبیت شوه
د اسلامی امارت عدلیې وزارت ویاند زیاته کړې؛ تخنيکي پلامي په دې سفر کې ۵ زره جریبه ځمکه د یوزباشي د اوسیدونکیو د اعتراف له مخې دولتي تثبیت او تشخیص کړه او پرېکړه یې وکړه، چې په دې برخه کې لازم اجرآات ترسره شي.
د پروان ولایت د ځمکو له غصب څخه د مخنیوي تخنیکي پلاوي تېره اوونۍ د غصب شويو ځمکو د ارزونې لپاره د دې ولایت د بګرام ولسوالۍ یوزباشي سیمې ته سفر وکړ.
د اسلامی امارت عدلیې وزارت ویاند زیاته کړې؛ تخنيکي پلامي په دې سفر کې ۵ زره جریبه ځمکه د یوزباشي د اوسیدونکیو د اعتراف له مخې دولتي تثبیت او تشخیص کړه او پرېکړه یې وکړه، چې په دې برخه کې لازم اجرآات ترسره شي.
د یاد بنسټ د څرګندونو له مخې؛ د دولتي ځمکو د ارزونې، تثبیت او استرداد بهیر په ټولو ولایتونو کې روان دی او د غصب شویو زرګونه جریبو دولتي ځمکو دوسیې، د ځمکو له غصب څخه د مخنیوي کمیسیون او په ولایتونو کې د یاد کمیسیون د تخنیکي پلاویو تر ارزونې لاندې دي.
ویل کیږي، چې د دولتي ځمکو د غصب د ارزونې بهیر د کابل په ګډون په ټول هېواد کې روان دی.
تازه خبرونه
مونږ او اسلامي امارت ډېر توپيرونه لرو – د سوریې واکمن
هغه د ښځو او نجونو د ښوونې او روزنې په اړه ویلي: « البته د ښځو د زدهکړې په اړه باید ووایم، چې مونږ له ۸ کلونو څخه راپدېخوا په ادلب کې یو پوهنتون لرو. زه فکر کوم، چې په پوهنتونونو کې د ښځو سلنه له ۶۰ سلنې ډېره ده.»
احمد الشرع، چې دا مهال د سوریې مشر دی ویلي، چې د دوی او اسلامي امارت تر منځ ډېر توپیرونه شته دي.
احمد الشرع ویلي: د سوریې او طالبانو (اسلامي امارت) ترمنځ ډېر توپیرونه شته؛ زمونږ د حکومت کولو طریقه بېله ده. افغانستان یوه قومي ټولنه ده، چې سوریه ورسره توپیر لري. خلک یې عین فکر نلري. د سوریې حکومت او حاکم نظام به د سوریې له تاریخ او کلتور سره مطابقت ولري.
هغه د ښځو او نجونو د ښوونې او روزنې په اړه ویلي: « البته د ښځو د زدهکړې په اړه باید ووایم، چې مونږ له ۸ کلونو څخه راپدېخوا په ادلب کې یو پوهنتون لرو. زه فکر کوم، چې په پوهنتونونو کې د ښځو سلنه له ۶۰ سلنې ډېره ده.»
د سوریې واکمن د دې پوښتنې په ځواب کې، چې آیا د الکولي مشروباتو څښل جواز لري وویل: "ډېر شیان شته، چې زه یې د خبرو کولو حق نلرم، چې په اړه یې خبرې وکړم؛ ځکه هغه قانوني مسایل دي."
هغه زیاته کړې، چې د سوریې د اساسي قانون د لیکلو لپاره به د حقوقي کارپوهانو په ګډون یوه کمیټه جوړه شي. دوی به پرېکړه وکړي. هر واکمن یا ولسمشر باید له قانون پیروي وکړي.
اسلامي امارت تر دې دمه د افغانستان په اړه د احمد الشرع د څرګندونو په اړه غبرګون ندی ښودلی.
دا څرګندونې په داسې حال کې کېږي، چې په افغانستان کې له شپږم ټولګي څخه پورته نجونې له درې کلونو راپدېخوا له زدهکړو بې برخې دي او پوهنتونونه هم د نجونو پر مخ تړل شوي دي.
-
تازه خبرونه3 days ago
مونږ او اسلامي امارت ډېر توپيرونه لرو – د سوریې واکمن
-
تازه خبرونه4 days ago
آریانا ټلویزیون د کرکټ ټست نړیوالې اتلولۍ د پایلوبې د خپراوي حق ترلاسه کړ
-
نړۍ4 days ago
ناټو ته د اوکراین د پوځي مرستو د همغږۍ دنده وروسپال شوه
-
تازه خبرونه3 days ago
د کابل- کندهار پر لويه لار د دوه ترافيکي پېښو له کبله له ۱۰۰ ډېرو کسانو ته مرګ او ژوبله اوښتې
-
لوبی4 days ago
د افغانستان او زمبابوې کرکټ لوبه د باران له کبله لغو شوه
-
لوبی3 days ago
د افغانستان کرکټ ملي لوبډلې د زیمبابوې پر وړاندې ستره بریا خپله کړه
-
روغتيا3 days ago
د هرات حوزوي روغتون د اسانتیاوو د نشتوالي ستونزه لري
-
څار5 days ago
څار: پر کابل د اسلامآباد پرلهپسې تورونه