د اسرائیلو د حکومت د جګړې د کابینې منځلاري څېرې بني ګانټز د یکشنبې پر ورځ ( د غبرګولي شلمه) د دغه هېواد د ستراتیژیکو او مهمو مسایلو په اړه د حکومت د سیاسي چلند په غبرګون کې خپله استعفا اعلان کړه.
ګانټز په یوه خبري کنفرانس کې ویلي: نتانیاهو مونږ د رښتینې بریا پر لور له تګه راګرځوي.
ګانتز د دفاع پخواني وزیر او د نتانیاهو سیاسي سیال تېره میاشت د اسرائیلو له لومړي وزیر څخه وغوښتل، چې د جون تر اتمې پورې د جګړې له پای ته رسیدو وروسته د غزې د ادارې لپاره یو نوی پلان وړاندې کړي؛ خو نتانیاهو د هغه مهالوېش له پامه وغورځاوه.
تمه وه، چې ګانتز د شنبې پر ورځ استعفا وکړي؛ خو دا د حماس له بنده د څلور اسرائیلیانو د خوشې کیدو خبر وځنډوله.
ګانتز د یکشنبې پر ورځ ویلي، چې ستراتیژیکې او پرېکنده پرېکړې د نتانیاهو په حکومت کې د سیاسي مسلو او محاسبو تر اغېز لاندې دي.
د اسرائیلو لومړي وزیر بنیامین نتانیاهو د شنبې پر ورځ له ګانټز څخه وغوښتل، چې د اسرائیلو په اوسني حکومت کې پاتې شي.
هغه ویلي: زه له بني ګانټز څخه غوښتنه کوم، چې حکومت خوشې نکړي.
د ګانټز له وتلو سره به نتانیاهو د منځلارې ډلې ملاتړ له لاسه ورکړي او د سخت دریځو شخصیتونو دریځ، چې د غزې بشپړ اشغال او په لبنان کې له حزب الله سره جګړه غواړي؛ په کابینه کې پیاوړي شي.
که څه هم نتانیاهو او د هغه متحد ګوندونه د اسرائیلو په پارلمان کې له ۱۲۰ څوکیو څخه ۶۴ لري؛ خو اړتیا ده، چې د سخت دریځو ملتپالو ګوندونو پر سیاسي ملاتړ تکیه وکړي. د دغو سیاستوالو څرګندونې څو ځلې ان په واشنګټن کې د سختو ناکراریو لامل شوې دي.
اوسمهال نتانیاهو د اسرائیلو د لویدیځو متحدینو او په غزه کې د یرغمل شویو کورنیو له پراخو غوښتنلیکونو سره مخ دی، چې جګړه پای ته ورسوي او بندیان بېرته راستانه کړي.
د جګړې له پیله اته میاشتې تېرې شوي؛ خو اسرائیل اوس هم خپلو ټاکل شویو اهدافو ته ندی رسېدلی، ځکه د حماس ډېري لوړپوړي مشران ازاد دي او له سل ډېر یرغمل له حماس سره دي.
امریکا د اسرائیلو له لومړي وزیر څخه څو ځلي غوښتي، چې د غزې په اړه له جګړې وروسته یو کلک پلان جوړ کړي.
د امریکا ولسمشر جوبایډن، چې تېره اوونۍ یې په غزه کې د سولې وړاندیز وکړ ویلي؛ نتانیاهو د جګړې له اوږدولو څخه ګټه پورته کوي.
دا په داسې حال کې ده، چې د حماس د روغتیا وزارت وايي؛ اسرائیلي ځواکونو د څلور یرغملو د ژغورنې په عملیاتو کې ۲۷۴ فلسطینیان وژلي دي.
عیني شاهدانو ویلي، چې په دې برید کې د هغه مرکز یوه برخه هم ویجاړ شوې، چې د ملګرو ملتونو مرستندویه اداره UNRWA یې اداره او له بې ځایه شویو کورنیو سره مرسته کوي.
فلسطیني عیني شاهدانو ويلي، د یکشنبې پر ورځ د غزې ښار ته څېرمه پر یوه روغتیايي مرکز د اسرائیلي الوتکو په برید کې ۸ فلسطینیان وژل شوي دي.
عیني شاهدانو ویلي، چې په دې برید کې د هغه مرکز یوه برخه هم ویجاړ شوې، چې د ملګرو ملتونو مرستندویه اداره UNRWA یې اداره او له بې ځایه شویو کورنیو سره مرسته کوي.
د اسرائیلو پوځ اعلان کړی، چې دا مرکز په تېرو وختونو کې د UNRWA کارمندانو په لاس کې و او دا مهال د حماس او د فلسطین اسلامي جهاد وسلهوالو لخوا کارول کېده.
دغه راز څرګندوي، چې د دې عملیاتو له پلي کېدو مخکې د ملکي وګړو د زیان د خطر کمولو لپاره « د مخنیوي تدابیر» نیول شوي دي.
د اسرائیلو پوځ په خپله خبرپاڼه کې ټینګار کړی: د یکشنبې پر سهار یې هغه بنسټونه، چې د حماس او اسلامي جهاد ترهګر په کې فعال ول؛ بمبارډ کړي دي.
د خبرپاڼې له مخې؛ د حماس د ترهګریزو فعالیتونو لپاره د انساني سپر په توګه ملکي بېخبناوې او ملکي وګړي کاروي.
ویل کیږي، چې په فلسطین کې ملکي زیانونه ورځ تر بلې مخ پر ډېرېدو دي او د اوربند خبرې یې هم زیانمنې کړې دي.
اړوند خبرونه:
په غزه کې جګړې د ژوندانه چاپېریال زیانمن کړی – ملګري ملتونه
اسلامي امارت په غزه کې د اوربند لپاره د امنیت شورا پرېکړې ته د امریکا منفي رایه وغندله
د تونس حکومت د جمعې پر ورځ اعلان وکړ، چې ولسمشر فیس سعید د مذهبي چارو وزیر ابراهیم الشائبي له هغې وروسته له دندې ګوښه کړ، چې د حج پر مهال لسګونه تونسي وګړیو له مړه کېدو وروسته پراخې نیوکې وشوې.
د رویټرز خبري آژانس د راپور له مخې؛ په تېره یوه اوونۍ کې د سعودي عربستان د سختې تودوخې له کبله لږ تر لږه ۴۹ تونسیان مړه شوي او د تونس کورنۍ اوس هم د څو ورک شویو کسانو په لټه کې دي.
د ناټو عمومي منشي سټولټنبرګ څو- څو ځله خپل پېر غځولی دی. په همدې حال کې د دغه مقام لپاره هالینډي نوماند مارک روټه ډېر مشهور نوماند دی.
د المانۍ ورځپاڼي هامبورګر ابنډبلاټ د راپور له مخې، د پولینډ لومړي وزیر ویکټور اوربان د سې شنبې پر ورځ په ایکس پاڼه کې لیکلي، چې پر سلواکیا سربېره پولینډ اوس غواړي د ناټو د نوي عمومي منشي په توګه له هالنډي مارک روټه ملاتړ وکړي.
د بروکسل په یوه غونډه کې روټه، اوربان ته ډاډ ورکړ، چې هغه به د پولینډ لهخوا د ناټو د اوسني عمومي منشي ینس سټولټنبرګ سره د شوي تړون ملاتړ وکړي. د دې له مخې، هیڅ پولینډي کارمند باید په اوکراین کې له ناټو سره ونهدریوي. سربېره پردې د دې فعالیتونو ملاتړ لپاره باید هیڅ ډول بودجه هم ونه کارول شي.
اوربان څرګنده کړې؛ له هغه ځایه، چې روټه به د ناټو د نوي عمومي منشي په توګه له دې تړون څخه ملاتړ وکړي، پولنډ چمتو دی، چې په دې پوځي اتحاد کې د دې دریځ لپاره د روټه له غوښتنې ملاتړ وکړي.
سلواکیا له دې مخکې په دې برخه کې شین څراغ ښودلی و. د سلواکیا ولسمشر پټر پیلګریني ویلي: له مارک روټه سره د وروستیو خبرو اترو او د سلواکیا له حکومت سره له مشورې وروسته دا هېواد کولی شي مارک روټه د ناټو د پوځي تړون د عمومي منشي په توګه معرفي کړي.
یوازنی شی، چې اوس نیمګړی دی هغه درومانیا رسمي ملاتړ دی. په مارچ کې د رومانیا ولسمشرکلاوس یوهانیس اعلان وکړ، چې هغه هم د دې دندې لپاره سیالي کوي.
ناټو د نوي عمومي منشي په لټه کې ده.
د ناټو عمومي منشي سټولټنبرګ څو- څو ځله خپل پېر غځولی دی. په همدې حال کې د دغه مقام لپاره هالینډي نوماند مارک روټه ډېر مشهور نوماند دی.
د ناټو عمومي منشي ینس سټولټنبرګ څو څو ځله خپله دنده تمدید کړې ده. دا نارویژي اوس غواړي، چې د پوځي اتحاد په سر کې له یوې لسیزې وروسته د اکتوبر په میاشت کې خپله دنده پریږدي. د ناټو عمومي منشي معمولاً د هومکړې له مخې ټاکل کېږي او له همدې کبله د دغه پوځي تړون د ټولو ۳۲ غړیو ملاتړ ته اړتیا لري. ډېري هېوادونو له دې مخکې د هالینډ د چانسلر روټه ملاتړ کړی دی.
خبرهای مرتبط:
امریکا له اوکراین سره نوې پوځي مرسته اعلان کړه
پر اوکراین د روسیې د برید په صورت کې به ځواکونه وانستوو – د ناټو عمومي منشي
د افغانستان کرکټ لوبډلې استرالیا ته تاریخي ماتې ورکړه
د تونس ولسمشر د مذهبي چارو وزیر له دندې ګوښه کړ
د غزې په تړانګه کې پر یوه مرستندویه مرکز د هوایي برید له کبله ۸ کسان ووژل شول ـ عیني شاهدان
د ۲۰ اوریز نړیوال جام د نیمه پایلوبې مهالوېش تائید شو
سویلي افریقا ویسټ انډیز ته پر ماتې ورکولو د نړیوال جام نیمه پایلوبې ته لار پیدا کړه
نیکاراګوا افغانستان ته خپل سفیر وټاکه
د افغان حاجیانو لومړی کاروان کابل ته راستون شو
افغانستان د نړۍ یو له هغو اووه هېوادونو څخه دی، چې په کابینه کې میرمن نلري- م.م
