تازه خبرونه
د احمدشاه بابا له نړیوال هوايي ډګره نړیوالې الوتنې پیل شوې
(Last Updated On: )
د احمدشاه بابا نړیوال هوایي ډګر رییس حافظ عصمت الله څرګنده کړې؛ له کام ایر هوایي شرکت سره مو په ګډه د الوتنو د ترسره کولو هڅي کړي او نن رسماً د کندهار او دوبۍ ترمنځ دوه اړخیز پرازونه پيل شول.
د کندهار زون د کام ایر هوايي شرکت مسوول مولوي نورعلي حیدري ویلي: د کندهار سوداګريزو اړتیاوو اړ کړو، چي د کندهار او دوبۍ ترمنځ کام ایر هوايي شرکت دوه اړخیز پروازونه پيل کړي.
د نوموړي د څرګندونو له مخې؛ له دې وروسته به له کندهار څخه د شنبې پر ماښام دوبۍ ته او د یکشنبې پر سهار له دوبۍ څخه کندهار ته پروازونه ولرو.
د يادونې ده، چې په نږدې راتلونکي کې به د کندهار- ډيلي او کندهار- چين ترمنځ دوه اړخيزې الوتنې هم پيل شي.
