Connect with us

تازه خبرونه

د آی سي سي پر چارواکو د امریکا بندیزونو د ملګرو ملتونو اندېښنه راپارولې

خپور شوی

د

Reuters
(Last Updated On: وږی ۱۳, ۱۳۹۹)

د ملګرو ملتونو سرمنشي انتونیو ګوترش په هاګ کې د جرمونو نړیوالې محکمې (آی سي سي) پر څارنوالې فاتو بینسودا او د دې بنسټ پر یو بل غړي فاکسیو مچوچوکو د پرلپسې پلټنې له کبله، چې امریکایي ځواکونو پر افغانانو جنګي جرمونه ترسره کړي؛ د بندیزونه پر لګولو اندېښنه څرګنده کړې ده.

د امریکا بهرنیو چارو وزیر مایک پمپیو د چارشنبې پر ورځ رویترز ته په ډاګه کړې وه، چې د آی سي سي څارنواله له بندیزونو سره مخ شوې او دغه راز د پېښو، بشپړتیا او همکارۍ څانګې مشر فاکسیو مچوچوکو هم د جون په میاشت کې د ولسمشر دونالد ترمپ لخوا په تور نوملړ کې راغلی او پرې د شتمنۍ د کنګل کیدو او سفر کولو بندیز لګول شوی دی.

پمپیو خبریالانو ته په ډاګه کړې: نن مونږ بل ګام اخلو؛ ځکه، چې آی سي سي په خواشینې د امریکایانو ملامتول روان ساتلي دي.

رویترز د پمپیو د څرګندونو له مخې ویلي، چې هغه اشخاص او ادارې، چې د بینسودا او مچوچوکو مادي ملاتړ کوي؛ هم له بندیزونو سره مخ کیږي.

ملګرو ملتونو د پنجشنبې پر ورځ څرګنده کړه؛ د هاګ محکمه، چې په ۲۰۰۴ کال کې له جوړیدو سره سمه د امریکا لخوا تر نیوکو لاندې راغلې او یوه له لس هېوادونو څخه ده، چې د روسیې او چین سره په ګډه یې د دې محکمې د قضایي پرېکړو له منلو ډډه کړې ده.

د ملګرو ملتونو ویاندې ستیفان دوژاریک د پنجشنبې پر ورځ وویل؛ مونږ اوس هم دغه موضوع له نږدې څارو.

دغه راز بینسودا  د لویې څارنوالې په توګه، د ملګرو ملتونو د امنیت شورا په ارزښتمنو غونډو کې د ګډون لپاره امریکا ته تللې او د چهارشنبې ناوخته یې په یوه اعلامیه کې وویل، چې د امریکا نوې هڅې د قضائیه قوې خپلواکي زیانمنوي.

د دغه بنست په اعلامیه کې راغلي، چې د یوې نړیوال قضايي بنسټ او د عامه کارکونکیو پروړاندې یې د زور زیاتي دغه عملونه بې ساري دي او د نړیوالې محکمې پر عدلي بنسټ، د روم روم پر تګلارې، عدالي سیستم او د قانون پر حاکمیت ښکاره تېری دی.

محکمي دا هم څرګنده کړې، چې دوی به له نړیوال قانون سره سم د نړۍ ترټولو سختو مجازاتو لپاره له معافیت سره د مبارزې لپاره د خپلو کارمندانو او ماموریت تر څنګ له خپلې دندې کلکه، خپلواکه او ناپېیلې ساتنه وکړي.

د رویترز د څرګندونو له مخې؛ بینسودا د مارچ په میاشت کې د محکمې لخوا خپله څېړنه چمتو کړې، چې په افغانستان کې جنګي جرمونه د طالبانو، افغان اردو او امریکایي ځواکونو لخوا سرته رسیدلي دي.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!