Connect with us

لوبی

د آسترالیا ملي لوبډلې افغانستان ته پر۴ منډو ماته ورکړه

خپور شوی

د

(Last Updated On: )

د افغانستان کرکت ملي لوبډلې د جمعې پر ورځ د شل آوریز نړیوال جام په وروستۍ لوبه کې له آسترالیا څخه پر ۴ منډو ماته وخوړه.

افغان لوبډلې د لوبې له پچې ګټلو وروسته ته آسترالیا ته د توپ وهنې بلنه ورکړه او کوربه لوبډلې د ۸ لوبغاړیو پر سوځېدو ۱۶۹ منډې جوړې کړې.

د آسترالیا لپاره ګلین مکسویل ۵۴ او میشل مارش ۴۵ منډې وکړې. دیوید وارنر هم ۲۵ منډې زیاتې کړې.

د افغانستان لوبډلې د توپ وهنې په برخه کې نوین الحق درې آسترالیايي لوبغاړي له منځه یوړل. فضل الحق دوه، راشد خان او مجیب الرحمن یوه یوه ویکته ترلاسه کړه.

افغان لوبډلې په شل آورونو کې د ۷ لوبغاړیو پر سوځېدو ۱۶۴ منډې جوړې کړې او و بریالی نشو، چې ټاکلی هدف پوره کړي.

راشد خان پر ۲۳ توپونو ۴۸ منډې جوړې کړې، چې ۴ شپږیزې او ۳ څلوریزې هم په کې وې.

ګلبدین نایب ۳۹ او رحمان الله ګربز ۳۰ منډې وکړې.

په دې لوبه کې د افغان لوبغاړیو غیر معمولي کارکردګۍ د آسترالیا لوبډلې “نیت رن ریت” په منفي حالت کې ساتلی او که سبا انګلستان سریلانکا ته ماتې ورکړي، آسترالیا به د شل آاوریز نړیوال جام نیمه پایلوبې ته لار پیدا نکړي.

افغانستان د شل آوریز نړیوال جام په سیالیو کې درې لوبې کړي؛ خو یوه یې هم نده ګټلې. د دې لوبډلې ټاکل شوې دوه لوبې د باران له امله لغوه شوې هم دي.

راشد خان تیت کړی: هغه پایله مو ترلاسه نکړه، چې غوښتله مو؛ خو مونږ به له دې تجربې زدکړو او بېرته به پیاوړي شو.

لوبی

ایرلینډ د مالي ستونزو له کبله له افغانستان سره کرکټ لوبه وځنډوله

ټاکل شوې وه، چې دا لوبې سږکال په ایرلینډ کې ترسره شي.

Published

on

(Last Updated On: )

د ایرلینډ کرکټ بورډ د سېشنبې پر ورځ (د کب یوویشتمه) ویلي؛ د افغانستان پر وړاندې ټاکل شوې لوبلړۍ، چې په کې یوه ټیسټ لوبه، درې ۵۰ اوریزې او درې ۲۰ اوریزې لوبې وې؛ د بودیجې د محدودیتونو له کبله وځنډول شوې.

ټاکل شوې وه، چې دا لوبې سږکال په ایرلینډ کې ترسره شي.

د ایرلینډ کرکټ بورډ اجرائیوي رییس وارن ډیویټرم له نورو لوبډلو سره د سیالیو مهالوېش اعلانولو پر مهال تائید کړه، چې د افغانستان سیالۍ به د مالي ستونزو له کبله ترسره نشي.

هغه ويلي: “دا پرېکړه د بودجې د لنډمهاله ستونزې له کبله رامنځته شوې ده. مونږ باید د کرکټ بورډ له منشور سره سم خپل کار وساتو، چې ټینګار کوي؛ ستراتیژیکو اهدافو ته د رسېدو لپاره پانګونه باید په متوازن ډول ترسره شي.”

د افغانستان کرکټ بورډ تر اوسه پدې اړه څه ندي ویلي.

افغانستان او ایرلینډ، چې دواړه د کرکټ د نړیوالې شورا (ICC) بشپړ غړيتوب لري؛ په ټیسټ لوبو کې دوه ځله سره مخ شوي دي، چې لومړۍ لوبه افغانستان وګټله او دوه‌یمه هغه د ایرلینډ پر بریا پای ته ورسېده.

په پنځوس اوریزو سیالیو کې دې دوه لوبډلو ۳۲ ځله د یو بل پر وړاندې سیالي کړې، چې افغانستان ۱۸ او ایرلینډ ۱۳ ځله ګټلې دي.

Continue Reading

لوبی

فیفا پر پاکستان فوټبال لګېدلي بندیزونه لرې کړل

د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.

Published

on

(Last Updated On: )

د فوټبال نړیوال فډراسیون (فیفا) د اساسنامې له تعدیل او تصویب وروسته پر پاکستان فوټبال فډراسیون لګول شوي بندیزونه لرې کړل.

د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.

د فیفا شورا دفتر په تېره فبرورۍ کې د پاکستان فوټبال فډراسیون او کانګو فوټبال فډراسیون فعالیتونه له مقرراتو څخه د سرغړونو له کبله ځنډولي وه.

پر پاکستان فوټبال فډراسیون لګول شوي بندیزونه؛ د فیفا شورا د اساسنامې د تعدیل شوې نسخې په تصویبولو کې د پاتې راتلو له کبله ول، چې د عادلانه او ډیموکراټیکو ټاکنو ترسره کول او د دې بهیر د یوې برخې په توګه پر فډراسیون د لګول شويو مکلفیتونو پلي کول تضمینوي.

د فیفا په خبرپاڼه کې ویل شوي، چې د پاکستان فوټبال فډراسیون د قوانینو د تعدیل شوې نسخې له تصویب سره د فیفا ټولې غوښتنې پوره کړې دي.

Continue Reading

لوبی

د افغانستان او اسټرالیا ترمنځ کرکټ لوبه بې پایلې پای ته ورسېده

د افغانستان د ۲۷۴ منډو هدف د ترلاسه کولو لپاره اسټرالیا په ۱۳ اوورونو کې د یوې وېکټې پر زیان ۱۰۹ منډې جوړې کړې؛ خو لوبه د باران له کبله ودرول شوه.

Published

on

(Last Updated On: )

د جمعې پر ورځ په لاهور کې د افغانستان او اسټرالیا ترمنځ د کرکټ لوبه د باران له کبله بې پلیلې پای ته ورسېده، چې له مکبله یې اسټرالیا د اتلانو جام نیمه پای لوبې ته لاره پیدا کړه.

د افغانستان د ۲۷۴ منډو هدف د ترلاسه کولو لپاره اسټرالیا په ۱۳ اوورونو کې د یوې وېکټې پر زیان ۱۰۹ منډې جوړې کړې؛ خو لوبه د باران له کبله ودرول شوه.

د آسټرالیا لوبډله د اتلانو جام دوه‌یم پړاو ته له څلورو نمرو سره ورسېده، چې دوه یې له دوه لغوه شویو لوبو څخه تر لاسه کړې وې.

د آسټرالیا لوبډلمشر سټیو سمیت ویلي: “دا یوه ښه پایله ده.” دا هغه څه دي، چې مونږ یې د سیالۍ په پیل کې په لټه کې وو. “تر اوسه پورې په دوه غوره لوبډلو کې شتون او نیمه پای لوبې ته تلل د قناعت وړ دي.”

هغه زیاته کړې: “زه فکر کوم، چې لوبغاړو ډېر ښه کار وکړ او دوی (د افغانستان لوبډله) تر ۲۷۳ منډو پورې محدوده کړه او ما فکر کاوه، چې کله لوبه لغوه شوه؛ نو مونږ په ډېر ښه حالت کې وو.”

افغانستان، چې انګلستان ته یې ماتې ورکړه او درې نمرې لري؛ اوس هم نیمه پای لوبې ته د تګ چانس لري. که انګلستان د نن ورځې په لوبه (شنبه) کې سویلي افریقا ته پر لوی توپیر ماتې ورکړي؛ نو افغانستان به نیمه پای لوبې ته لاړ شي، که نه، نو سویلي افریقا به دې مرحلې ته لاړه شي.

د افغانستان لړبډلمشر حشمت الله شهیدي ویلي: “کله، چې د لوبو خبره راځي؛ تاسې هیڅکله وړاندوینه نشئ کولی، چې څه به پیښ شي.” مونږ اوس هم هیله لرو. “مونږ راتلونکې لوبې ته سترګې پر لار یوو، زه هیله لرم، چې انګلستان یې پر لوی توپیر وګټي.”

هند او نیوزیلینډ د الف ګروپ څخه د څلورو غوره لوبډلو لپاره څلورم پړاو ته لارموندلې.

د جمعې پر ورځ د لاهور په لوبه کې، صدیق الله اتل ۸۵ منډې او عظمت الله عمرزي ۶۷ منډې وکړې.

د هېواد په ګوټ ګوټ کې د کرکټ مینه‌وال کولی شي د اتلانو جام ټولې لوبې پر ژوندۍ بڼه له آریانا ټلویزیون ATN څخه وګوري.

د دې سیالیو په اړه د معلوماتو لپاره د آریانا ټلویزیون او آریانا نیوز ATNN  ټولنیزو رسنیو پاڼې وګورئ.

Continue Reading
Advertisement

Trending

Copyright © 2024 Ariana News. All rights reserved!