Connect with us

تازه خبرونه

دولتي بنسټونو ته د ځمکو د غاصبینو نوملړ سپارل شوی

خپور شوی

د

(Last Updated On: لړم ۳, ۱۴۰۱)

د ښارجوړولو او اراضي وزارت وایي؛ دولتي بنسټونو ته د ځمکو د څه باندې ۱۵ زره غاصبینو نوملړ سپارل شوی دی.

په ټولو ولایتونو کې دولتي ځمکې د زورواکانو لخوا غصب شوي د ښار جوړولو او اراضي وزارت اوس وایي؛ د سیمه ییزو حکومتي چارواکو او امنیتي ځواکونو پر ملاتړ بریالي شوي یو، چې د ځمکو د غاصبینو له څه باندې اتلس زره پېژندل شويو څخه د څه باندې ۱۵ زره غاصبینو نوملړ عدلي او قضایي بنسټونو ته وسپارل شي.

د دې وزارت سرپرست وایي؛ دې کسانو څه باندې پېنځه سوه زره جریبه ځمکه غصب کړې وه، چې بېرته ترې اخیستل شوې ده.

د دغه وزارت د څرګندونو له مخې؛ په وروستي یوه کال کې درې نیم میلیون جریبه دولتي ځمکه سروې او ثبت شوې، چې کورني بې ځایه شوي له پېنځه زره جریبه ځمکې استفاده کوي.

د ښار جوړولو او اراضي وزارت سرپرست محمد جواد پیکار وایي، چې د ځمکو ۱۸۸۲۳ غاصبین پېژندل شوي او د ۱۵۸۳۱ نورو نوملړ عدلي او قضایي بنسټونو ته لیږل شوی دی.            

دی زیاتوي؛ د څلور زره نارسمي او غیر پلاني کورونو خاوندانو ته په کابل، هرات، ننګرهار او بامیان ولایتونو کې د مالکیت سندونه وېشل شوي دي. دې وزارت دا راز د لومړي ځل لپاره ښځو ته هم د مالکیت سند د وېش پروګرام عملي کړی دی.

د ښاغلي پیکار د څرګندونو له مخې؛ تر دې دمه ۶۰۰ زره کورونه په رسمي او نارسمي سیمو کې ثبت او په کابل، هرات، جلال آباد او بامیان کې ۴۰۰۰ کورونو ته د مالکیت سندونه وېشل شوي دي.  

د ښار جوړونې او استوګنې په ګډون دوه نورو دولتي بنسټونو هم ملت ته د حکومت د ځواب ویلو په پروګرام کې خپل کلني راپورونه وړاندې کړل.

د ستندرد ملي اداره، چې شاوخوا لس کاله مخکې جوړه شوې وایي، د خوراکي او نفتي توکو په برخه کې یې شپږ سوه اووه لس ستندردونه تدوین کړي؛ خو په وینا یې د پلټنې برخه یې اوس هم نده فعاله شوې.

د ستندرد ملي ادارې سرپرست احسان صدیقي وایي، چې مونږ د څرنګوالي د ټاکلو لپاره د توکو او قالینو لابراتوار بازار ته وړاندې کوو، چې له تثبیت وروسته د افغانستان پر نوم توکي او قالینې نړیوالو بازارونو ته وړاندې او لابراتوار شوي توکي وکارول شي.           

د پلازمېنې زون پراختیا ادارې سرپرست هم د کلني راپور وړاندې کولو پر مهال وویل، په صنعتي او لوژستیکي پارکونو کې په درې راتلوونکیو کلونو کې څه باندې درې سوه میلیون دالر پانګونه کیږي.

 

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!