Connect with us

تازه خبرونه

درمالوګ شرکت د بایومتریکي رایو د یوې برخې معلومات ټاکنوکمیسیون ته واستول

خپور شوی

د

Last Updated on: لړم ۳, ۱۴۰۱

له څو ورځني ځنډ وروسته د رایو د چاڼ په لومړي پړاو کې درمالوګ شرکت له اووه څلویښت زره ډېرې رایې، چې په کې تکراري انځورونه او انځور د انځور له مخې کاریدلی؛ له سیستم وویستل او د څېړنو لپاره ټاکنو کمیسیون ته ولیږل شول، چې د ټاکنو کمیسیون د څارونکیو اندېښنې یې راپارولي دي.

د ټاکنو خپلواک کمیسیون غړی مولانا عبدالله وایي؛ دغه د ۴۷ زره کیو آر کود، چې  له انځورونو، له انځور څخه د انځور، د ټیټ عمره انځورونه او هغو انځورونو سره تړاو لري، چې معیاري اخیستل شوي ندي.        

د رایوو د چتڼ بل ګام د ټیټ عمره کسانو د ګوتو نښان، د رایو اچولو له بهیر مخکې او وروسته رایې په ګوته کوي.

د ټاکنیزو ډلو څارونکي درمالوګ شرکت د معلوماتو په ورکړه کې د ځنډ له کبله د تخصص په نه شتوالي او بې مسوولیتۍ تورنوي.

د دولت جوړونکې ټاکنیزې ډلې څارونکي داوود سلطانزوی ویلي؛ څومره، چې دغه بهیر ځنډیږي ورسر د خلکو اندېښنې هم ډېریږي او هر راز درغلۍ او دسیسو ته زمینه برابروي. ‌         

د ثبات او همپالنې ټاکنیزې ډلې څارونکی  یونس نواندیش څرګنده کړې، چې  دغه شرکت پخپل وخت د خپلې دندې د ترسره کولو وړتیا نه لري او دا مونږ ته د اندېښنې وړ ده.            

مخکې له دې د ټاکنو خپلواک کمیسیون ویلي وه،  یو میلیون او نهه سوه زره کسانو رایې ورکړي؛ خو درمالوګ شرکت دا شمېر یو میلیون او اته سوه زره اعلان کړ. د کمیسیون او شرکت تر منځ په شمېر کې ۱۳۷ زره کسان زیات او کم دي؛ خو اوس هم معلومه نده، چې د تلې د شپږمې نېټې د ټاکنو بایومتریکي رایې څومره دي!

تازه خبرونه

د افغانستان د وګړو یو پر درېیمه برخه له لوږې سره مبارزه کوي – د خوړو نړیوال پروګرام

دې پروګرام دا ټینګار هم کړی، چې د افغانستان د وګړو یو پر درېیمه برخه له لوږې سره مبارزه کوي.

Published

on

د خوړو نړیوال پروګرام ویلي، چې په راتلونکو ۶ میاشتو کې د افغانستان د ډېرو زیان منونکو کورنیو د ملاتړ لپاره ۴۵۱ میلیون ډالرو ته بېړنۍ اړتیا لري.

دې پروګرام دا ټینګار هم کړی، چې د افغانستان د وګړو یو پر درېیمه برخه له لوږې سره مبارزه کوي.

د چارشنبې پر ورځ؛ د غویی اووه‌لسمه د ملګرو ملتونو پورې تړلې دې ادارې په ایکس پاڼه کې د افغانستان له خلکو سره د مرستې او د هغوی د اړتیاوو د پوره کولو پر اړتیا ټینګار کړی دی.

د دې پروګرام د څرګندونو له مخې: ” که افغانستان یوازې ۱۰۰ کسان ولري؛ نو ۵۰ به یې د ژوندي پاتې کیدو لپاره بشري مرستو ته اړتیا ولري؛ خو د افغانستان نفوس ۱۰۰ کسان ندي دا ۴۶ میلیون دي، چې نږدې درېیمه برخه یې له لوږې سره مبارزه کوي.”

افغانستان اوسمهال پرله‌پسې څلورم کال دی، چې له وچکالۍ، اقتصادي ناورین او طبیعي پېښو له لړۍ سره مخ دی او له ایران او پاکستان څخه د افغان کډوالو روانې جبري ایستنې وضعیت نور هم نازک او خراب کړی دی.

د ملګرو ملتونو د ادارو د راپور له مخې؛ د ۲۰۲۳ کال له وروستیو څخه له ۲.۴ میلیون څخه ډېر خلک له ګاونډ هېوادونو څخه افغانستان ته راستانه شوي دي. ډېری یې هېواد ته پرته له سرچینو یا خورا محدودو اسانتیاوو را داخل شوي دي.

ملګري ملتونه اټکل کوي، چې تر ۲۰۲۵ کال پورې به نږدې ۲۳ میلیون خلک، چې ډېری یې ښځې او ماشومان دي او بشري مرستو ته به اړتیا ولري.

د خوړو نړیوال پروګرام (WFP) وړاندویېنه کوي، چې سږ کال به ۳.۵ میلیون ماشومان له خوارځواکۍ سره مخ شي. دا پدې معنا، چې په هرو لس ثانیو کې یو ماشوم له خوارځواکۍ سره مخ کیږي.

سره له دې، چې اړتیاوې یې مخ پر زیاتېدو دي؛ بشري مرستې اوس هم محدودې دي.

Continue Reading

تازه خبرونه

په افغانستان کې د اورښت کمښت د اندېښنې وړ دی ـ ملګري ملتونه

دې ټولنې په یوه راپور کې، چې نن (پنجشنبه) خپور شوی ویلي؛ د افغانستان د شمال فاریاب او جوزجان ولایتونه تر ټولو ډېر اغېزمن شوي دي او د دې هېواد جنوب هلمند، لویدیځ هرات، شمال ختیځ کندوز او ختیځ ننګرهار هغه ولایتونه دي، چې له بېړني حالت سره مخ دي.

Published

on

د ملګرو ملتونو د بشري چارو د همغږۍ دفتر (OCHA) ويلي، چې د بارانونو کمښت او د واورې ویلې کېدا په افغانستان کې د اوبو د کمښت ستونزه نوره هم پراخه کړې ده.

دې ټولنې په یوه راپور کې، چې نن (پنجشنبه) خپور شوی ویلي؛ د افغانستان د شمال فاریاب او جوزجان ولایتونه تر ټولو ډېر اغېزمن شوي دي او د دې هېواد جنوب هلمند، لویدیځ هرات، شمال ختیځ کندوز او ختیځ ننګرهار هغه ولایتونه دي، چې له بېړني حالت سره مخ دي.

اوچا ټینګار کړی؛ په افغانستان کې تودوخه له منځنۍ کچې لوړه شوې او په راتلونکو میاشتو کې د لږ باران تمه کیږي، چې دا به د کرنې حاصلات کم کړي.

Continue Reading

تازه خبرونه

د ماشومانو ژغورنې نړیوال بنسټ په افغانستان کې د روغتیايي چارو پر دوام ټینګار وکړ

شریف راستنېدونکو ته د روغتیایي چارو د وړاندې کولو لپاره د دې بنسټ د هڅو په اړه معلومات او هغوی ته یې په افغانستان کې د روغتیایي چارو د وړاندې کولو لپاره د چمتووالي ډاډ وړاندې کړ.

Published

on

د روغتیا وزارت نن پنجشنبه (د غویی اته‌لسمه) په یوه خبرپاڼه کې لیکلي، چې د دې وزارت چارسمبالي نور جلال جلالي په کابل کې د ماشومانو ژغورنې نړیوال بنسټ له مشر عبدالرحمن شریف سره ولیدل.

شریف راستنېدونکو ته د روغتیایي چارو د وړاندې کولو لپاره د دې بنسټ د هڅو په اړه معلومات او هغوی ته یې په افغانستان کې د روغتیایي چارو د وړاندې کولو لپاره د چمتووالي ډاډ وړاندې کړ.

نور جلال جلالي له دې بنسټ څخه د ډېرو نورو همکاریو غوښتنه وکړه او د مرستو پر اغېزمن مدیریت او د کیفیت لرونکو روغتیایي چارو پر وړاندې کولو یې ټینګار وکړ.

هغه ويلي؛ مونږ هڅه کوو، چې د هېواد روغتيايي سکټور په تدريجي بڼه د ځان‌بسياينې پر لوري بوځو او په راتلونکي کې د يو باثباته او ځواکمن روغتيايي سيسټم پر لرلو وکولی شو د هېواد ټولو وګړو ته غوره کيفيت لرونکې چارې وړاندې کړو.

Continue Reading
Advertisement

Trending

Copyright © 2025 Ariana News. All rights reserved!