تازه خبرونه
خلیلزاد غني او عبدالله د سولې ګډ پلاوي ته وهڅول
د ثبات او همپالنې ټاکنډلې د رهبرۍ غړي فضل احمد معنوي آریانا نیوز ته ویلي؛ خلیلزاد په دې لیدنه کې ټینګار کړی، چې دواړه خواوې باید د سولې پر پلاوي ګډ کار وکړي.
خليلزاد دا ټينګار هم کړی، چې دا مهال غني او عبدالله بايد د افغانانو تر منځ د خبرو اترو لپاره د ټولشموله ډلې پر جوړولو کار وکړي. ټاکل شوې وه، چې ولسمشر غني د پنجشنبې پر ورځ د لوړې مراسم پر ځای کړي وه.
دغه راز د هغه سیال عبدالله عبدالله هم د بریا ادعا کړې او نوموړی هم د لوړې مراسمو ته چمتووالی نیولی و. د دواړو لوریو تر منځ روان تاوتریخوالي د سولې هڅو ته بېلابېلې اندیښنې راپارولي.
دا په داسې حال کې ده، چې د تاوتریخوالي د کمښت له اوونۍ څلور ورځې تېرې شوې دي.
دا په داسې حال کې ده، چې رویټرز خبري آژانس هم د یوې حکومتي سرچینې له خولې څرګنده کړې، چې واشنګټن له اشرف غني غوښتي، چې د لوړې مراسم د سولې پر بهیر منفي اغېز کوي او سیاسي ناندرې نورې هم زیاتولی شي؛ خو په کابل کې داسې ښکاري، چې د لوړې مراسمو ته پوره چمتووالی نیول شوی دی.
