Connect with us

تازه خبرونه

خلیلزاد د خبرو ډلو له دمې سره همهاله د اوربند پر اړتیا ټینګار څرګند کړ

خپور شوی

د

(Last Updated On: ليندۍ ۲۴, ۱۳۹۹)

د افغانستان د سولې لپاره د امریکا ځانګړي استازي زلمي خلیلزاد د سولې خپلمنځی خبرو له دواړو ډلو وغوښتل، چې د ۲۰۲۱ زېږدیز کال د جنورۍ پر ۵ له ژمنې سره سمې خبرې پیل کړي.

نوموړي په خپل یوه ټویټ کې څرګنده کړې، چې د سیاسي جوړجاړي او تاوتریخوالي پای ته بېړنۍ اړتیا ده.

د خبرو اترو دواړو ډلو د شنبې پر ورځ( د لیندۍ ۲۲) په دوحه کې اعلان وکړ، چې په دوحه کې د خبرو ډلو ۲۰ ورځنۍ دمه کړې. په داسې حال کې، چې جګړه “په خواشینوونکې بڼه” روانه ده، “سیاسي هوکړې، د تاوتریخوالي کمولو او اوربند ته بېړنۍاړتیا ده”.

هغه د افغانستان د خبرو اترو د بیا پیل پر اهمیت ټینګار کړی او زیاتوي: څومره، چې له ګواښ سره مخ یو؛ نو لازمه ده، چې د خبرو په بیا پیل کې ځنډ نه وي او دوی باید د جنورۍ پر پېنځمه  له هوکړې سره سم خبرې بیا پیل کړي.

د خبرو ډلو له درې میاشتو وروسته د شنبې پر ورځ دغه له حیرانتیا ډک اعلان وکړ. په داسې حال کې، چې دوی یوازې تېره اوونۍ د خپلمنځي خبرو د کړنلارې او مقرراتو په اړه هوکړه وکړه او بیا یې سر له ننه د اجنډا پر وړاندیزونو د مشورې درې اوونیزه دمه پیل کړه.

د خپلمنځي خبرو د ډلو ویاندویانو د شنبې پر ورځ دوه ټویټونه وکړل، چې په کې راغلي: دا، چې د اجنډا موضوعات نورو مشورو ته اړتیا لري؛ نو دواړو لوریو هوکړه کړې، چې له ۲۰۲۰/۱۲/۱۴ نېټې به دمه پیل او د خبرو بل پړاو به د ۲۰۲۱ کال د جنورۍ پر ۵ مه پیل شي.

په قطر کې د حکومتي پلاوي غړي نادر نادري هم ویلي؛ د افغانستان د خبرو اترو دواړو اړخونو د اجنډا د توکو لومړني لیستونه شریک او لومړني بحثونه یې هم ترسره کړل.دغه راز ولسمشر اشرف غني د دوشنبې پر ورځ د کابینې لومړنۍ ناستې ته په خبرو کې څرګنده کړه، چې هغه غواړي د افغانستان د سولې خبرو راتلونکي پړاو په افغانستان کې دننه ترسره شي؛ ځکه، چې خلک حق لري د خبرو اترو او په دې اړه له پرمختګ خبر وساتل شي.

اشرف غني دا هم ویلي؛ طالبان هم افغانان دي او له همدې کبله باید پر هغو خبرو هوکړه وکړي، چې په هېواد کې دننه ترسره کیږي.

هغه ویلي: هر ځای، چې دوی (طالبان) په افغانستان کې د خبرو لپاره وغواړي؛ افغان حکومت چمتو دی، چې [هلته] له دوی سره خبرو ته کیني.

غني ټینګار کوي: مونږ غوره ګڼو، چې په افغانستان کې د سولې دوه یم پړاو خبرو ته لار اواره کړو.

دا په داسې حال کې ده، چې د ملي امنیت شورا سلاکار د روانې اوونۍ په پیل کې په ډاګه کړې؛ په هېواد کې دننه خبرې اترې د ټولنې له واقعیتونه اغېزمنې کیږي؛ خو په بهر کې پر سوله د بهرنیانو اغېز ډېروي، چې دغه سوله بیا د افغانستان په ګټه نده.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!