تازه خبرونه
خلیلزاد د افغانستان د سولې بهیر غزولو لپاره نوی سفر پیل کړی
د امریکا بهرنیو چارو وزارت په ډاګه کړې؛ د افغانستان د سولې لپاره د امریکا ځانګړي استازي قطر، ازبکستان او پاکستان ته نوی سفر پیل کړی، چې ورسره داځل د امریکا د نړیوالې پرمختیايي ادارې عامل پلاوي مدیر هم ملتیا کوي.
د افغانانو خپلمنځي خبرو په درشل کې زلمي خلیلزاد قطر ازبکستان او پاکستان ته سفر پیل کړی او په دې اړه د امریکا بهرنیو چارو وزارت په یوه اعلامیه کې ویلي؛ د سفر موخه د سیمې ملاتړ خپلول، اورکم او د افغانانو خپلمنځي خبرو له پیل مخکې د بندیانو خلاصون دی.
ویل کیږي، چې خلیلزاد به کابل ته د کرونا له کبله را نشي او په پام کې ده، چې له افغان چارواکو سره به ویدیوي خبرې ولري.
د سولې په چارو کې د دولت وزارت ویانده ناجیه انوري څرګندوي؛ مونږ هیله من یو، چې د خپلمنځی خبرو په پیلیدو کې د نړیوالو همکارانو هڅې مرسته وکړي.
د امریکا بهرنیو چارو وزارت دا هم په ډاګه کړې، چې له خلیلزاد سره د امریکا د نړیوالې پرمختیايي ادارې د پانګونې عامل پلاوي مشر هم ملګری دی، چې د سولې له هوکړې وروسته اقتصادي فرصتونه وڅېړي.
د حزب اسلامي مشر ګلبدین حکمتیار ټینګار کړی، چې د سولې هڅې باید ملي وي.
د حزب اسلامي مشر ګلبدین حکمتیار ویلي؛ د سولې ټول بهیر باید ملي وي. د لنډمهالي حکومت له طرحې سره باید مخالفت ونشي.
امریکا دا مهال له طالبانو سره د سولې راوستلو د هوکړه لیک د پلي کولو په لټه کې ده.
ملګرو ملتونو ویلي؛ د راتلونکې میاشتې په لړ کې به د افغانانو خبرې پیل شي.
افغان حکومت د سولې په لار کې هر ډول پرمختګونه د تاوتریخوالي له کمي سره تړي، چې طالبان يې باید عملي کړي.
دا په داسې حال کې ده، چې ولسمشر غني د تېرو دوه لسیزو ارزښتونو پر ساتنه یو ځل بیا ټینګار کړی او ولسمشرۍ څرګنده کړې؛ په هېواد کې د تېرو دوه لسیزو آزادیو او ارزښتونو د زیانمنولو لپاره یو خطرناک خوزښت پیل شوی او حکومت ژمن دی، چې مخه یې ونیسي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه12 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ10 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سوداگري24 hours ago
د اوسپنې پټلۍ له لارې ترکیې ته د افغانستان صادرات پیل شول