تازه خبرونه
خلیلزاد د افغانستان د اقتصادي ودې په اړه له قطريانو او طالبانو سره خبرې کړي
د افغانستان د سولې لپاره د امریکا ځانګړي استازي زلمي خلیلزاد او قطري چارواکو د افغانستان د سولې د ټینګښت او د سیمه ییزې هوساینې د پیاوړتیا لپاره په یو لړ پروژو کې د ګډې پانګونې پر امکاناتو بحث او خبرې کړې دي.
ښاغلي خلیلزاد په یو لړ تویتونو کې لیکلي، چې هغه او د امریکا د نړیوالې پراختیا د پانګونې شرکت عامل مدیر آدام بوهلر په دوحه کې د قطري پانګوونې له چارواکو سره خبرې کړې دي.
خلیلزاد څرګنده کړې: په افغانستان کې همغږو پانګوالو ته د ګډې پانګوونې د پیاوړي کولو لپاره رښتیني ظرفیتونه شته دی.
د امریکا ځانګړي استازي د پنجشنبې پر ورځ په دوحه کې د طالبانو له مشر ملا برادر سره هم کتلي دي. د طالبانو ویاند په ډاګه کړې، چې دواړو لوریو د سولې بهیر، د بندیانو ژر تر ژره خوشې کیدو او د افغانانو تر منځ د خبرو د پیل په اړه خپل اندونه حرګندکړي دي.
1/3 @AdamUSDFC & I have concluded mtgs in Doha. With QIA & @qatar_fund, we discussed the possibility of co-investing in Afghan projects to consolidate peace & unlock regional prosperity. The potential to amplify investment impact in #Afghanistan with like-minded partners is real.
— U.S. Special Representative Zalmay Khalilzad (@US4AfghanPeace) July 3, 2020
خلیلزاد زیاته کړې: مونږ ټینګار کوو، چې تلپاتې سولې پسې به د اقتصادي پراختیا فرصتونه وي. مونږ هوکړه کړې؛ د سولې د ملاتړ لپاره پرمختیايي برنامې به تر هغې پیل نشی، چې د افغانانو ترمنځ د خبرو اترو له لارې وروستي خنډونه لیرې شي.
هغه په ډاګه کړې؛ طالبان پوهیږي، چې ټول افغانان باید د افغانستان په راتلونکي کې د اړتیا وړ
پانګونې د راجلبولو لپاره جوړجاړی وکړي.
د افغانستان د بهرنیو چارو وزارت ویاند ګران هېواد ویلي؛ د سولې خبرو اترو له پیل مخکې د درې ناستو تر سره کېدو لپاره چمتوړوالی روان دی؛ د سیمې د هېوادونو او د افغانستان د ستراتیژیکو ملګرو تر منځ د دوشنبې پر ورځ درې اړخیزه ستراتیژیکه ناسته، له پاکستان او چین سره د سې شنبې پر ورځ او درېیمه ناسته د پنجشنبې پر ورځ جوړیدونکې ده، چې ولسمشر اشرف غني به هم په دوه ناستو کې ګډون وکړي.
د یادونې ده، چې د افغانانو د خپلمنځي خبرو د پیل په وړاندې یو اختلافي مورد د ځینو طالب بندیانو له خلاصون سره د افغان حکومت مخالفت او دغه راز د طالبانو لخوا په بریدونو کې زیاتوالی دی.
تازه خبرونه
افغانستان د پاکستان سفارت چارسمبالی احضار کړ
د افغانستان اسلامي امارت بهرنیو چارو وزارت د پاکستانيو پوځیانو لهخوا د افغانستان له حریمه د سرغړونې په غبرګون کې د پاکستان سفارت چارسمبالی احضار او احتجاجلیک یې ورته وسپاره.
د افغانستان اسلامي امارت د بهرنیو چارو وزارت د څرګندونو له مخې؛ افغانستان د نړۍ د زبرځواکونو پرخلاف د ازادۍ د اوږدې مبارزې تجربه لري، پخپله خاوره تېری نشي زغملی.
پاکستانی ولس او نوی ملکي حکومت باید پرېنږدي، چې ځینې کړۍ پر غیر مسوولانه کړنو خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.
تازه خبرونه
افغان سرحدي ځواکونو فرضي کرښې ته نږدې د پاکستان پوځي مرکزونه وویشتل
د افغانستان ملي دفاع وزارت نن (دوشنبه د کب اتهویشتمه) څرګنده کړې، چې د پاکستان جنګي او جاسوسي جیټ الوتکې یو ځل بیا د افغانستان خاورې ته ننوتلي او د پکتیکا په سپیرې او د خوست برمل ولسوالیو کې یې د ملکي خلکو پر کورونو بمبارډ کړی دی.
د دغه وزارت ویاند عنایت الله خوارزمي په ایکس پاڼه کې لیکلي، چې: د پاکستان د هوایي یرخل او تېري په ځواب کې افغان سرحدي ځواکونو د فرضي کرښې په اوږدو کې د پاکستان پوځي مرکزونه پر درندو وسلو ویشتي دي.
خوارزمي زیاته کړې، د هېواد دفاعي او امنیتي ځواکونه د هر ډول تېري ځواب ورکولو ته چمتو دي او په هر حالت کې به له خپلې ځمکنۍ بشپړتیا څخه دفاع کوي.
د پاکستان پر پوځي مرکز له خونړي برید وروسته د دغه هېواد لوړپوړو چارواکو د غچ اخیستو شعارونه ورکړل.
د پاکستان ولسمشر اصف علي زرداري ویلي: پاکستان پرېکړه کړې هر څوک، چې زمونږ پر پولو، زمونږ پر کور او یا زمونږ پر مالونو برید وکړي؛ مونږ به ورته سخت ځواب ورکړو، هغه که هر څوک وي او د هر هېواد وي.
د پاکستان د ولسمشر له دغو څرګندونو یوه ورځ وروسته تېره شپه د دغه هېواد کشفي او جنګي الوتکو د پکتیکا پر برمل او د خوست په سپېره ولسوالیو بریدونه وکړل.
د پاکستان له خوا ادعا شوې چې په دغو بريدونو کې د ټي ټي پي يو قوماندان پر نښه شوى دى.
له دغه برید څو ساعته وروسته د پاکستان د وزیرستان له سیمې د ټي ټي پي د یاد قوماندان عبدالله شاه ویډیو کلیپ خپور شو.
دغه هوايي بریدونه د اسلامي امارت له سخت غبرګون سره مخ شوي دي.
ذبيح الله مجاهد دغه بریدونه غندلي او وايي، چې دا ډول پېښې به ډېرې بدې پايلې ولري، چې د پاکستان له کنټروله به بهر وي.
اسلامي امارت وایي، چې پاکستان باید د خپلې بې کفایتۍ او ناکامۍ پړه پر افغانستان وانهچوي.
دا په داسې حال کې ده، چې د پاکستان په هوايي بريدونو کې د پکتيکا درې ښځې او درې ماشومان وژل شوي او دوه نورو میرمنو د خوست په سپیره ولسوالۍ کې خپل ژوند له لاسه ورکړیدی.
تازه خبرونه
په پکتیکا او خوست کې د پاکستان هوایي بریدونه پر افغان خاورې ښکاره تېری دی – مجاهد
د اسلامي امارت ویاند څرګنده کړې، چې تېره شپه شاوخوا ۳ بجې پاکستانیو الوتکو د پکتیکا ولایت د برمل لمنه او د خوست سپیرې ولسوالۍ د افغان دوبۍ په اړوند سیمو کې د عامو وګړو پر کورونو بمبارد کړی دی.
ذبیح الله مجاهد د دوشنبې پر ورځ ( د کب پر اتهویشتمه ) په ایکس پاڼه کې یاد بريدونه پر کلکو ټکو غندي او دغه غيرسنجيده اقدام د افغانستان پر حریم تجاوز او تېری بولي.
ذبیح الله مجاهد وایي؛ د دې هوایي تېري په پایله کې د پکتیکا ۶ کسان ۳ ښځینه او ۳ ماشومان وژل شوي او یو کور نړیدلی. دغه راز په خوست ولایت کې یو کور نړیدلی ۲ ښځې وژل شوي دي.
ذبیح الله مجاهد د دغو بریدونو په غبرګون کې څرګنده کړې؛ د افغانستان اسلامي امارت، چې د نړۍ د زبرځواکونو پرخلاف د ازادۍ د اوږدې مبارزې تجربه لري، هیچاته پخپله خاوره د تېري اجازه نهورکوي.
هغه ویلي: د عبدالله شاه په نامه کس، چې پاکستاني اړخ یې په پېښه کې د پر نښه کېدو ادعا لري؛ هغه په پاکستان کې دی. بله دا، چې د یادو سیمو په دواړو غاړو کې یو قوم اوسیږي، چې ورځنی تګ راتګ او ګنې خپلویانې لري.
د نوموړي په خبرپاڼه کې راغلي: پاکستانی ولس او نوی ملکي حکومت باید پرېنږدي، چې د پوځ څو جنرالان په دغه ډول بې باکه کړنو سره تېرو شل کلونو ته ورته د نورو جهتونو د ګټو لپاره خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.
مجاهد زیاته کړې: پاکستان باید پخپله خاوره کې د پېښو د نه کنترول، ناتواني او ستونزو پړه پر افغانستان وانچوي؛ ځکه داسې پېښې خورا بدې پایلې درلودلی شي، چې بیا به یې کابو کول د پاکستان په اختیار کې نه وي.
د افغانستان اسلامي امارت هیچاته اجازه نهورکوي، چې د افغانستان له خاورې څخه د چا امنیت خراب کړي.
دا په داسې حال کې ده، چې د شنبې پر ورځ وسلهوالو د پاکستان په میرعلي سیمه کې د امنیتي ځواکونو پر پوسته له چاودیدونکیو توکو ډکې لارۍ ته چاودنه ورکړ شوه او د پاکستان د پوځ اووه سرتېري او دوه افسران یې ووژل.
-
نړۍ5 days ago
د غزې پر یوه مرستندویه مرکز د اسرائیلو په هوايي برید کې ۲۷ کسانو ته مرګ و ژوبله اوښتې
-
لوبی4 days ago
راشدخان د ایرلینډ پروړاندې د ۲۰ آوریزو نړیوالو سیالیو لوبډلمشر شو
-
تازه خبرونه2 days ago
د هند د یوه پوهنتون په لیلیه کې پر لمونځ کوونکیو برید شوی
-
تازه خبرونه5 days ago
یوناما په افغانستان کې د مسایلو ارزونه له منفي اړخه کوي – ذبیح الله مجاهد
-
تازه خبرونه19 hours ago
په نوي تعلیمي کال کې دې د نجونو ښوونځي او پوهنتونونه پرانیستل شي – حامد کرزی
-
سوداگري5 days ago
د سوداګرۍ او صنایعو وزارت د تېلو چاڼخونو ته ځمکه ځانګړې کوي
-
تازه خبرونه5 days ago
د افغانستان امانت صندوق تر اوسه ۲۷۰ میلیون ډالر ګټه کړې – انوارحق احدي
-
نړۍ2 days ago
د آیسلینډ اورشېندنې یو ځل بیا سرراپورته کړ