تازه خبرونه
حکومت په ۹۱ کوډ کې د پيسو زیاتولو له صلاحیته بې برخې شو- ولسي جرګه
د ولسي جرګې مالي او بودجي کمیسیون حکومت په ۹۱ کوډ کې د پيسو زیاتولو له صلاحیته بې برخې کړ.
تمه کیږي، چې ولسي جرګه د چهارشنبې پر روځ / د سلواغې ۲ د ۱۳۹۹ مالي کال بودجه په خپله اجندا کې ونیسي.
د ولسي جرګې د مالي او بودجې کمیسیون څرګنده کړې؛ هغه تعدیلات او بدلونونه، چې د حکومت له لورې د بودجې په سند کې وړاندیز شوي دي باید په جدې توګه تر نظر لاندې ونیول شي.
دي کمیسیون همدارنګه له حکومت څخه په ۹۱ کوډ کې د پیسو د زیاتولو صلاحیت هم اخیستی دی.
د ولسي جرګې د مالي او بودجي کميسیون منشي سید عظیم کبرزاني وایي، چې حکومت باید په پراختیايي پروژو کې د انډول برابرولو لپاره هم ګام پورته کړي او که د پوهنې او روغتیا په سکتورونو کې تعدیلاتو ته پاملرنه ونشي؛ شونې ده، چې دا سند ونه منل شي.
د ولسي جرګې یو شمېر غړي هم ټینګار کوي، چې د هېواد یو شمېر ولایتونو ته د حکومت بې پامي له خلکو سره لویه جفا ده.
په ولسي جرګه کې د کندوز استازې فاطمه عزیز ویلي: هر کال پر بودجه ناندرې راپورته کیږي؛ ځکه انډول په نظر کې نه نیول کیږي؛ یو شمېر ولایتونو ته لږ او یو شمېر نورو ته ډېرې پروژې سپارل کیږي. باید پوره پاملرنه ورته وشي، چې بودجه ومنل شي.
په ولسي جرګه کې د جوزجان استازې حلیمه صدف کریمي وایي: د ۱۳۹۹ لمریز کال د بودجې سند وکیلانو تر لاسه کړی، چې درې بنسټیزې ستونزې لري؛ یوه یې په پراختیایي پروژو کې د انډول نشتوالی دی او بې برخو ولایتونو ته په کې پاملرنه نده شوې.
د ولسي جرګې د مالي او بودجې کمیسیون ټینګار کوي، چې د بودجې په سند کې له ټولو ستونزو سره سره حکومت باید د دې بودجې مسوده چمتو کړي او که د بودجې په سند کې ستونزې حل نشي؛ ولسي جرګه به یي د نه منلو پرېکړه وکړي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ