Connect with us

تازه خبرونه

حکومت د زعفرانو لپاره بازارموندنه او پوهاوی ندی کړی- کروندګر او سوداګر

خپور شوی

د

(Last Updated On: لړم ۳, ۱۴۰۱)

د زعفرانو یو شمېر بزګر او سوداګر وايي، د هېواد په کچه د زعفرانو د تولید کچه لوړه شوې؛ خو حکومت د دې قیمتي نبات لپاره بازار موندنه نده کړې.

د هېواد د زعفرانو یو شمېر صادروونکي او تولیدوونکي وايي، چې اوس هم د هېواد په کچه د زعفرانو لپاره د بازارموندنې په برخه کې لازم اقدامات ندي شوي. د زعفرانو بزګر وايي، افغان حکومت باید د زعفرانو د ارزښت او بازارموندنې او معیاري بسته بندۍ په برخه کې له خصوصي سکتور سره همکاري وکړي.

عبدالظاهر نومی کروندګر وایي، چې مونږ ته حتا خپل لګښت هم نه پوره کوي د زعفرانو په برخه کې کورنۍ پانګونه بسنه نکوي. بهرني پانګوال باید په دې برخه کې پانګونه وکړي.

د خصوصي سکتور غړې ریحانه وایي: مونږ منو، چې د هېواد په کچه د زعفرانو کښت او تولید ډېر پراخه شوی؛ خو مهمه داده، چې حکومت باید د زعفرانو د بازار پیدا کولو په برخه کې هم اړین کارونه تر سره کړي.

د دوی د څرګندونو له مخې؛ د هېواد په کچه لس ګونه زره کیلوګرامه زعفران تو لید کیږي؛ خو نظر تولید ته يي بازار کمزوری دی.

د خصوصي سکتور بله غړې بنفشه نومې وایي؛ مونږ منو، چې د هېواد په کچه د زعفرانو تولید زیات شوی؛ خو اوس هم د هېواد په کچه داسې کسان شته، چې حتا له زعفرانو له نوم سره هیڅ  آشنايي نلري.   

د کرنې او مالدارۍ وزارت مسوولین وايي، چې د تېرو کلونو په پرتله به په روان کال کې د زعفرانو تولید نږدې ۲۰ زره کیلو ګرا مه ته لوړشي او د هېواد زعفرانو د تو لید ۹۵ سلنه پلورل شوې.

د کرنې او مالدارۍ وزارت ویاند اکبر رستمي وایي، چې مونږ تېر کال ۱۶ زره کیلو ګرامه د زعفرانو تولید درلود، چې په روان کال کې هم هیله لرو، چې د زعفرانو کښت نږ دې۲۰ زره کیلو ګرامه ته ورسیږي او دا لړې به نوره هم پراختیا پیدا کړي

د مسوولینو  د څرګندونو له مخې؛ د امریکا متحده ایالاتو په ګډون د نړۍ نږدې اووه لس هېوادونو ته د افغانستان زعفران صا دریږي، چې دا په پخپله د بازار موندنې په برخه کې مهم رول لوبولی شي.   

ویل کیږي، چې په افغانستان کې هم د زعفرانو کارول ډېر شوي او په اخترونو کې هره کونۍ، چې وس یې رسیږي د چای پر ځای زعفران کاروي.

خبریال: اسلم حجاب

تازه خبرونه

ایران او پاکستان د افغانستان په اړه ګډه اعلامیه خپره کړه

Published

on

(Last Updated On: غویی ۵, ۱۴۰۳)

ایران او پاکستان په یوه ګډه اعلامیه کې د یو سوله‌ییز، متحد، خپلواک او له ترهګرۍ او نشه‌یي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.

دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.

دوی دغه راز د سیمې د امنیت او ثبات د ډاډمنولو لپاره د سیمه‌ییزې او نړیوالې همغږۍ د اړتیاوو پر اهمیت خبرې کړې دي.

دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.

Continue Reading

تازه خبرونه

له ۱۰۰۰ ډېر افغان مهاجرین له پاکستان څخه جبري وایستل شول

Published

on

(Last Updated On: غویی ۵, ۱۴۰۳)

د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.

د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.

د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.

دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.

ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.

Continue Reading

تازه خبرونه

د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ

Published

on

(Last Updated On: غویی ۵, ۱۴۰۳)

د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.

د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.

د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.

دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.

ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.

Continue Reading

Trending

Copyright © 2022 Ariana News. All rights reserved!