تازه خبرونه
حکومت یو حکومت دی، مونږ هیڅ سیمه چاته نه سپارو
د افغانستان ولسمشر اشرف غني له وسلوالو طالبانو سره د اختر په مناسبت د شوي اوربند او د سولې د وروستیو هڅو په اړه خبري کنفرانس ته په ډاګه کړه، چې د امن سیمو طرحه د حکومت طرحه نه ده او نه هم په دې اړه سیاسي اجماع موجوده ده.
ولسمشر ټینګار کړی، چې په پراخه کچه کورنۍ، سيمه ييزه او نړيواله اجماع د سولې د روانو هلو ځلو بنسټ جوړوي او په هغو کې داسې څه نشته.
ولسمشر دا هم ویلي، چې ولس پخلاینې ته چمتووالی ښودلی او دا مو ستره لاسته راوړنه ده.
د نوموړي د څرګندونو له مخې؛ اوربند ۹۸ سلنه بریالی و او بې ساری و.
هغه دغه راز د سولې په اړه د انحصار ماتولو په اړه زیاته کړې؛ هیچاته به اجازه ورنکړ شي، چې دا بهیر ویتو کړي؛ ټولو سره مشوره شوې او د ټولو اجماع په سوله ده او د ټولو افغانانو غوښتنه سوله ده.
هغه د طالبانو له خوا د احتمالي بيا ځلي اوربند غوښتنې ته هم د مثبت ځواب په ورکولو وویل، که بيا ترې غوښتنه وشي چمتو دی چې اوربند وکړي.
افغان ولسمشر د افغانستان او سویلي آسیا په تړاو د امریکا په تګلاره کې کاریدونکی زور هم د سولې په خاطر وباله او ډاډ یې وښود، چې سيمه ييز او نړیوال همکاران يې د سولې د سياست ملاتړ کوي.
نوموړي ویلي؛ له پاکستان سره په تېرو څلوېښتو کلونو کې هغه خبرې، چې بایده شوې وای نه دي شوې ؛ خو د سيمه یيزې نښلونې په برخه کې يې د خپل حکومت کار هیله بښونکی وباله.
هغه وویل، چې زه د افغانستان د ګټو ممثل یم. زه نه بهرنی ملګری لرم، نه دښمن، نه مې څوک خویندې دي نه وروڼه، ماته د افغانستان ګټې مهمې دي.
افغان ولسمشر پر طالبانو د حکومت او خلکو د سولې غوښتنې ته هم نغوته وکړه او ويې ویل: دا په طالبانو پورې اړه لري، چې اوس له دغو غوښتنو سره څرنګه چلند کوي.
ولسمشر غني په پای کې وویل: طالبه! راشه د سولې اراده وکړه، دا د افغانانو فشار دی، بهرنی نه دی؛ د علماوو غوښتنه ده، د ولس او ښځو غوښتنه ده، د سولې پرېکړه وکړه.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ