Connect with us

تازه خبرونه

حکومت د جګړې په کابو کولو او مدیریت کې پاتې راغلی

خپور شوی

د

(Last Updated On: لړم ۲, ۱۴۰۱)

ولسي جرګې په هېواد کې د ناامنیو او په تېره بیا د داعش د پراخو هڅو له کبله امنیتي مسوولین استجواب کړل او ورته په ډاګه شوه، چې حکومت د جګړې د کابو کولو او مدیریت لپاره منظمه ستراتیژي نلري او سخت دریځي د پرمختګ په حال کې دي.

د کورني امنیت د کمیسیون مرستیال عبدالحی اخند زاده پر حکومت نیوکه کوي او وایي، چې تر دې دمه یې د ژمي عملیات نه دي پیل کړي او د هېواد ډېرې سیمې د مخالفانو تر ولکې لاندې دي او امنیتي ځواکونو هیڅ پرمختګ نه دی کړی.  

په ولسي جرګه کې د کندهار استازې شکیبا هاشمي وایي، ولسمشر په هېواد کې د جنګ او سولې د مدیریت وس نلري؛ د ترهګرو پر ځالو بریدونه نه دي شوي او د جګړې ستراتیژي یې هم د سولې پر هغې ا نه ده وښتې. 

د کورنیو چارو وزیر د ولسي جرګې غړیو ته ویلي؛ هغه سخت دریځي، چې د ده په وینا مغزونه یې مینځل شوي، هیڅکله به هم سولې ته حاضرنشي.

هغه دا ډاډ هم څرګند کړی، چې د هېواد د فضايي حریم د څارنې لپاره د رادارو موضوع په امنیت شورا  کې وروستۍ شوې او د هېواد د امنیتي حالت د ښه کیدو لپاره به ډېر ژر ترې کار واخیستل شي.

لوی درستیز محمد شریف یفتلي وايي، چې د وسلوالو مخالفانو ډېرې موخې مو شنډې کړي؛ په څوارلس ولایتونو کې عملیات روان دي او د جګړې د راتلونکي فصل لپاره افغان ځواکونه په یو زر و پېنځه سوه هاموې ټانګونو سمبال شوي دي.

امنیتي مسوولینو دا هم څرګنده کړې، چې له هیڅ سخت دریځي ډلې سره معامله نه کیږي او پر ټول واک و ځواک به د هرې ډلې پر خلاف خپله مبارزه روانه وساتي.

خبریال: رفیع صدیقي

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!