Connect with us

تازه خبرونه

حکومت د خطرناکو طالب زندانیانو له خوشې کولو سره مخالف دی

خپور شوی

د

(Last Updated On: غبرګولى ۳۰, ۱۳۹۹)

افغان حکومت د هغو سلګونه طالبانو له خوشې کولو سره مخالفت ښودلی، چې په باور یې ډېر خطرناک دي.

رویټرز خبري آژانس د ۵ اروپايي، آسیايي ډیپلوماټیکو سرچینو او افغان چارواکو له قوله په ډاګه کوي: افغان حکومت اوس هم د هغو سلګونه طالب زندانیانو له خوشې کولو سره مخالفت ښيي، چې په باور یې په مرګونو بریدونو کې ګرم پېژندل شوي دي.

رویترز دا ټینګار هم وړندې کړی، چې که د دغو طالب زندانیانو د خوشې کولو پر سر مخالفتونه حل شي؛ نو ورسره د افغانانو تر منځ د خپلمنځي خبرو د پیل امکانات هم برابریږي.

حکومت نه غواړي هغه طالب زندانیان خوشې کړي، چې په دوه زره اوولسم کال کې یې د کابل په زنبق څلورلارې کې موټربم برید تنظیم کړی و؛ خو د یادې سرچینې د څرګندونونو له مخې، طالبانو د دغو زندانیانو خوشې کیدل د افغانانو د خپلمنځي خبرو د پیل لپاره شرط ایښی دی.

رویټرز ویلي؛ لویدیځ هم د افغان دولت له دغه دریځ څخه ملاتړ کوي، چې نه غواړي دغه خطرناک طالب زندانیان خوشې کړي.

د لویدیځ یوه دیپلومات ویلي، چې د دغو طالب زندانیانو خوشې کول به له سرې کرښې د پښو اړولو په معنا وي.

د خپلمنځي خبرو د پیلیدو په درشل کې د ۵۰۰۰ طالب زندانیانو خوشې کول او خطرناک ګڼل یو ځل بیا  یوه لانجمنه موضوع شوه، چې حلولو یې بېلابېلې اندېښنې را پورته کړي دي.

د ناټو عمومي منشي ینس سټولټنبرګ ویلي، چې د افغانانو د خپلمنځي خبرو د پیل لپاره د طالب زندانیانو خوشې کیدل، د امریکا او طالبانو د هوکړې یوه برخه ده.

هغه هیله ښودلې، چې باید په دې برخه کې پرمختګ وشي.

د ناټو عمومي منشي ینس سټولټنبرگ وایي، چې د افغانانو د خپلمنځي خبرو لپاره د امریکا او طالبانو د هوکړې له مخې د طالب زندانیانو خوشې کول د شرط په توګه مطرح دي. د افغانانو په مشرۍ د سولې خبرې د روانې شخړې حل لار ده او دا خبرې ډېرې مهمې دي. هیله مو دا ده، چې د افغان حکومت په ګډون مونږ ټول وکولی شو په دې برخه کې پرمختګ ته لار اوره کړو او خبرې پیل شي.

 د طالبانو د واکمنۍ لوی څارنوال جلال‌الدین شینواري ویلي: تر هغې، چې د امارت اسلامي پاتې دوه زره بندیان خوشې شوي نه وي؛ شونې نده، چې خپلمنځي خبرې پیل شي.

سیاسي شنونکی احمد سعیدي د افغانانو تر منځ خپلمنځي خبرې ډېرې پېچلې ګڼي او وایي، چې که د دې موضوع پېچلتیا ته وګورو؛ فکر نکوم، چې خپلمنځي خبرې ژر پیل او له غورې پایلې برخمنه وي.

ولسمشرۍ ماڼۍ ویلي؛ طالب زندانیان د ولسمشر د فرمان له مخې د هغوی د عمر، روغتیايي حالت او د بند پاتې مودې ته په کتو خوشې کیږي. افغان حکومت تر اوسه له ۳۰۰۰ ډېر طالب زندانیان خوشې کړي دي.

تمه ده، چې د ۵۰۰۰ طالب زندانیانو له خوشې کیدو سره به د روانې میاشتې په پای کې د افغانانو خپلمنځي خبرې پیل شي.

تازه خبرونه

د اسلامي امارت اقتصادي مرستیال د کجکي بند ملي پروژه وارزوله

Published

on

(Last Updated On: وری ۲۸, ۱۴۰۳)

د ریاست الوزراء اقتصادي مرستیال ملا عبدالغني برادر تېره ورځ هلمند ولایت ته د خپل سفر پرمهال له کجکي بند څخه لیدنه وکړه.

د ریاستالوزراء د اقتصادي مرستیالۍ د څرګندونو له مخې؛د ریاست الوزراء اقتصادي مرستیال د کجکي بند پروژه ملي او حیاتي یاده کړه او په دې برخه کې یې د رامنځته شویو نوښتونو له کبله د مسوولینو هڅې وستایلې.

ملا برادر ویلي، چې وچکالۍ او په بندونو کې د اوبو د کمښت له کبله د برښنا د تولید کچه راټیټه شوې وه؛ خو سږ کال په هېواد کې د اورښتونو له کبله د اوبو کچه لوړه شوې او د کجکي بند په څېر زیاتره بندونه له اوبو ډک شوي دي.

له دې سره به په روان کې کال د کرنې برخه وده وکړي او هم به په هېواد کې دننه د برښنا د تولید کچه لوړه شي.

د کجکي بند د هېواد په کچه یو له لویو بندونو څخه دی، چې د هلمند ولایت په کجکي ولسوالۍ کې  د هلمند پر سیند د موسمي سیلابونو د کنټرول، کرنیزو ځمکو خړوبولو او برښنا د تولید لپاره جوړ شوی دی.

دا په داسې حال کې ده، چې د ریاست الوزراء اقتصادي مرستیال ملا عبدالغني برادر د روزګان ولایت له سیلاب ځپلیو سیمو څخه هم لیدنه کړې او هلته یې له سیمه‌ییزو چارواکو او عامو خلکو سره کتلي او د لازمو مرستو د رسولو امر يې کړی دی.

Continue Reading

تازه خبرونه

اروپا مېشتو یو شمېر افغانانو په کابل کې له مولوي عبدالکبیر سره وکتل

Published

on

(Last Updated On: وری ۲۸, ۱۴۰۳)

د ریاست الوزراء سياسي مرستيال مولوي عبدالکبير په کابل کې د اروپا مېشتو افغانانو له يو شمېر استازو او بنسټونو مشرانو سره په کتنه کې څرګنده کړې؛ اوس افغانستان د واحد ملت، واحد اسلامي نظام لرونکی دى او د وېشلو هڅې یې ناکامې شوې دي.

مولوي عبدالکبیر زیاته کړې، چې ملي حاکمیت، ځمکنۍ بشپړتیا، ملي مشارکت او ازادي ډاډمنه شوې او افغانستان د ښې راتلونکې پر لوري ستر ګامونه پورته کوي.

د ریاست الوزراء سیاسي مرستیال وايي؛ اسلامي امارت په سیمه او نړۍ کې نظم او ثبات غواړي او د اسلامي امارت خپلواکۍ ته هم باید درناوی وشي.

نوموړي ویلي؛ د اسلامي امارت لومړیتوب سیاسي او اقتصادي دایمي ثبات او په افغانستان کې د یووالي ټینګښت دی.

په دې کتنه کې د جرمني، بریټانیا، بلجیم، سویډن، اټریش، ترکیې، ناروې او عربي متحده اماراتو  مېشتو افغان بنسټونو استازو او مشرانو په یادو هېوادونو کې د مېشتو افغانانو وړاندیزونه او نظریات د ریاست الوزراء له سیاسي مرستیال سره شریک کړل.

ډاکټر خوشال روهي د نورو په استازيتوب خبرې وکړې او څرګندوي، چې دوی په بهر کې اټولنې لري او د زيات شمېر افغانانو استازيتوب کوي.

هغه زیاته کړې: اسلامي امارت په تېرو درې کلونو کې د پام وړ پرمختګونه او لاسته راوړنې لري، چې افغانان او نړیواله ټولنه ترې راضي ده.

د نوموړي د څرګندونو له مخې؛ اوسنی نظام د ډېرو قربانيو پايله ده او هيچا ته بايد اجازه ورنکړ شي، چې کمزوری او له منځه يې يوسي.

دی وایي، چې په بهر کې میشت افغانان ستر علمي او اقتصادي ظرفیتونه لري، چې اسلامي امارت کولی شي د هېواد په پرمختګ کې ترې ګټه واخلي.

روحي د افغانستان اقتصادي او مالي پالیسي وستایله او څرګندوي: افغانستان د زورواکۍ، فساد، ناامنۍ او غصب له ټاپوګانو ژغورل شوی دی؛ په سيمه او نړۍ کې هیڅوک د جګړې پلوي ندي.

هغه زیاته کړې، چې اسلامي امارت باید خپله کابینه له سرپرستۍ وباسي او تلپاتی حکومت جوړ کړي. هغه د ښځو لپاره د زده‌کړو او کار د دروازې د خلاصولو غوښتنه هم وکړه.

دې استازو او مشرانو ويلي، چې د افغانستان حالات او شرایط له هغه څه سره ډېر توپير لري، چې په اړه يې رسنیز منفي تبلیغات خپرېږي.

دوی دا ډاډ هم څرګند کړ، چې د افغانستان رښتینی انځور به اروپايي هېوادونو ته ورسوي.

Continue Reading

تازه خبرونه

د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا

Published

on

(Last Updated On: وری ۲۸, ۱۴۰۳)

د امریکا پوځ د لومړي ځل لپاره د کابل په نړیوال هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری ونوماوه.

د ای‌بي‌سي نیوز ټلویزیون د راپور له مخې: د امریکا د مرکزي قومندانۍ د ترسره شوې ارزونې ښيي؛ هغه ادعاوې، چې امریکايي پوځیانو له چاودنې مخکې ځانمرګی بریدګر پېژندلی و، ناسمې دي.

امریکايي چارواکو ویلي، هغه ځانمرګی بریدګر، چې ۱۳ امریکايي پوځیان او ۱۷۰ افغانان یې وژلي وه، عبدالرحمن لوګري نومېده.

د دوی د څرګندونو له مخې؛ هغه خپل ځانمرګی واسکټ، چې شاوخوا ۹ کیلوګرامه چاودېدونکي توکي یې لرل چولی دی.

د امریکا د پوځ د ارزونې ډلې یوه غړي ویلي، چې لوګری له ۲۰۱۶ کال راپدیخوا د داعش د خراسان څانګې غړی و او یو ځل د ائتلافي ځواکونو له‌خوا نیول شوی او زنداني شوی هم و.

داعش د دغه برید مسوولیت منلی دی.

د امریکا په ولسي جرګه کې ځینو جمهوري غوښتونکیو د دغه هېواد د یوه سرتېري څرګندونو ته په نغوته کې ویلي، چې د دغه برید مخه نیول کېدی شوه.

دغه امريکايي سرتېری، چې د بريد پر مهال په هوايي ډګر کې و؛ ادعا کوي، چې سرتېرو پر يوه کس شکمن ول، خو د  ډز اجازه یې پرې نلرله.

Continue Reading

Trending

Copyright © 2022 Ariana News. All rights reserved!