Connect with us

تازه خبرونه

حکومت او طالبان دې د بندیانو د خوشې کیدو ځنډ او خنډ لیرې کړي ـ ناتو

خپور شوی

د

(Last Updated On: )

ناتو څرګنده کړې؛ د افغانستان حکومت او طالبان دې ژر تر سره د بندیانو د خوشې کیدو بهیر پیل او شته خنډونه دې لیرې کړي، چې خپلمنځي خبرې پیل شي.

په دې اړه د ناتو په اعلامیه کې راغلي؛ یوازې د افغانانو په مشرۍ او واک د سولې بهیر کولی شي، چې سیاسي حل رامنځته او دا د څو لسیزو روانې جګړې پای ته ورسوي. د افغانستان د خلکو سولې او امنیت ته همدا یوازنۍ لار ده.  

دغه بنسټ ویلي، چې مونږ دغې موخې ته د یو ګټور چاپېریال د رامنځته کولو لپاره خپلې هڅې روانې ساتو .

په اعلامیه کې راغلي؛ مونږ له دواړو لوریو غواړو، چې د خبرو د پیل لپاره خنډونه لرې او خپلمنځۍ ناسته تر سره کړي.  

د دغې اعلامیې له مخې؛ د طالبانو لخوا د تاوتریخوالي ډېریدل او پر ملي ، امنیتي او دفاعي ځواکونو د بریدونو روان ساتل د منلو ندي؛ ځکه بې ثباتي رامنځته کوي او د سولې په اړه باور له منځه وړي.  

دغه بنسټ د ۲۰۱۸ کال د اختر او دغه راز د اورکم اوونۍ، چې د سولې هوکړه یې رامنځته کړه او د کابل ـ دواشنګتن ګډې اعلامیې ته په نغوته کې ویلي، چې ټولې ښکېلې خواوې باید د جګړې د درولو لپاره سیاسي وړتیا او اراده په ډاګه کړي.

د یادې اعلامیې له محې؛ دواړه خږواوې باید د بندیانو د خوشې کولو بهیر چتک او د ملګرو ملتونو د اوربند غوښتنه ومني.

دغه راز ویل شوي، چې د ناتو او پرېکنده ماموریت ځواکونو شتون مشروط شوی دی.

همدارنګه څرګندوي، چې مونږ به د طالبانو سره د هوکړې او له حکومت سره د ګډې اعلاميې له مخې د سولې خوندي کولو لپاره خپل پوځي شتون خوندي کړو.

مونږ له حکومت او طالبانو غواړو، چې د خبرو پیلولو او ترهګرو ته د پناه نه ورکولو ژمنې پلې شي.

دا په داسې حال کې ده، چې د نږدې ۶۰۰  طالب بندیانو او له درې سوه څخه د دېرو حکومتي بندیانو پر سره اوس هم ناندرې روانې دي.

امریکا او طالبانو د روان کال د فبرورۍ پر ۲۹ د سولې رامنځته کولو هوکړه لاسلیک کړه، چې د بهرنیو ځواکونو وتل، امنیتي ډاډ، د بندیانو خوشې کول، خپلمنځي خبرې او اوربند یې غوره برخې دي.  

د یادونې ده، چې د دغې هوکړې له مخې طالبان ژمن شول، چې له حکومتي اړخ سره سیاسي حل رامنځته او جګړه پای ته ورسیږي.

تازه خبرونه

بېرته راستنېدونکو سوداګرو ته اسانتیاوې برابروو- نورالدین عزیزي

د صنایعو او سوداګرۍ وزارت د خبرپاڼې له مخې؛ عزیزي په پاکستان کې د میشتو افغان سوداګرو او کډوالو سره په یوه ناسته کې ویلي، چې په افغانستان کې د کډوالو د رضاکارانه راستنېدو، بیا مېشتېدنې او د ژوند شرایطو ښه کولو لپاره پراخې کړنې ترسره شوې دي.

Published

on

(Last Updated On: )

د صنایعو او سوداګرۍ وزارت چارسمبالی(سرپرست) نورالدین عزیزي اسلامآباد ته په خپل سفر کې ویلي، چې اسلامي امارت بېرته راستنېدونکو سوداګرو ته اسانتیاوې برابروي. هغه د مالیې او ګمرکي معافیتونو اعلان هم وکړ.

د صنایعو او سوداګرۍ وزارت د خبرپاڼې له مخې؛ عزیزي په پاکستان کې د میشتو افغان سوداګرو او کډوالو سره په یوه ناسته کې ویلي، چې په افغانستان کې د کډوالو د رضاکارانه راستنېدو، بیا مېشتېدنې او د ژوند شرایطو ښه کولو لپاره پراخې کړنې ترسره شوې دي.

هغه د کډوالو د ستونزو د حل لپاره د عالي کمیسیون جوړولو، د راستنېدونکو سوداګرو او صنعتکارانو د تنظیم او اسانتیاوو برابرولو لپاره د ځانګړي کمپ د پیل اعلان وکړ او د مالیې او ګمرکي معافیتونو په اړه یې هم خبرې وکړې.

د صنایعو او سوداګرۍ وزارت چارسمبالي د افغان کډوالو د جبري ایستلو په بهیر کې د مناسبو حل لارو موندلو لپاره د دوه اړخیزو خبرو اترو پر اړتیا ټینګار کړی او د ملګرو ملتونو د کډوالو عالي کمیشنرۍ د معیارونو پر بنسټ یې د کډوالو د رضاکارانه راستنېدو غوښتنه وکړه، چې په کې خوندي، باعزته او خپلې خوښې راستنېدل رانغاړي.

هغه د افغان کډوالو له کوربتوب، راستنېدو او بیا ادغام د بهیر د ملاتړ لپاره د افغان حکومت، نړیوالو مرستندویانو او سیمه‌ییزو شریکانو سره د مشورې او همغږۍ پر اړتیا ټینګار کړی دی.

نوموړی تېره ورځ( چارشنبه) د یوه پلاوي پر مشرۍ د پاکستان پلازمېنې اسلام‌آباد ته رسېدلی دی.

د یادونې ده، چې پاکستان په دې وروستیو کې د افغان کډوالو د جبري ایستلو دوه‌یم پړاو چټک کړی دی.

Continue Reading

تازه خبرونه

د پاکستان ځانګړي استازي له امیر خان متقي سره ولیدل

د بهرنیو چارو وزارت د عامه اړیکو مشر ضیا احمد تکل په یوه خبرپاڼه کې لیکلي، چې امیر خان متقي د دې غونډې په بهیر کې د کابل او اسلام‌آباد ترمنځ د اړیکو په ځانګړي توګه د افغان کډوالو د جبري ایستلو په اړه، خپله ژوره اندېښنه څرګنده کړه.

Published

on

(Last Updated On: )

په کابل کې د پاکستان ځانګړي استازي محمد صادق د افغانستان او پاکستان د همغږۍ ګډې کمېټې د پلاوي پر مشرۍ د بهرنیو چارو وزارت له چارسمبالي( سرپرست) امیر خان متقي سره ولیدل.

د بهرنیو چارو وزارت د عامه اړیکو مشر ضیا احمد تکل په یوه خبرپاڼه کې لیکلي، چې امیر خان متقي د دې غونډې په بهیر کې د کابل او اسلام‌آباد ترمنځ د اړیکو په ځانګړي توګه د افغان کډوالو د جبري ایستلو په اړه، خپله ژوره اندېښنه څرګنده کړه.

امیرخان متقي ټینګار کړی، چې دواړه هېوادونه باید خپلې ستونزې د متقابل باور په فضا کې د خبرو اترو له لارې حل کړي او له هر هغه عمل یا څرګندونو څخه ډډه وکړي، چې د خلکو د کرکې لامل کیږي یا د خلکو احساسات راپاروي.

د پاکستان ځانګړي استازي دا هم ویلي، چې افغانستان او پاکستان ژورې اړیکې لري او دا اړینه ده، چې ستونزې وارزول شي، چې څنګه حل شي.

هغه زیاته کړې، چې په نږدې راتلونکي کې به د پاکستان د لومړي وزیر مرستیال او د بهرنیو چارو وزیر محمد اسحاق ډار کابل ته سفر وکړي او هیله من شو، چې دا سفر به د دواړو خواوو لپاره مثبتې پایلې ولري.

Continue Reading

تازه خبرونه

د صنایعو او سوداګرۍ وزارت چارسمبالی  پاکستان ته ولاړ

د صنایعو او سوداګرۍ وزارت نن( چارشنبه) ویلي، چې د دې سفر موخه د دواړو هېوادونو ترمنځ د سوداګریزو، ټرانزیټي او ټرانسپورټي خنډونو لرې کول او په پاکستان کې د میشتو افغان کډوالو  پر اړوند ننګونو بحث دی.

Published

on

(Last Updated On: )

د افغانستان اسلامي امارت د صنایعو او سوداګرۍ وزارت چارسمبالی(سرپرست) نورالدین عزیزي د یو لوړ پوړي پلاوي پر مشرۍ پاکستان ته ولاړ.

د صنایعو او سوداګرۍ وزارت نن( چارشنبه) ویلي، چې د دې سفر موخه د دواړو هېوادونو ترمنځ د سوداګریزو، ټرانزیټي او ټرانسپورټي خنډونو لرې کول او په پاکستان کې د میشتو افغان کډوالو  پر اړوند ننګونو بحث دی.

پویل کیږي ، چې د نوموړي پر مشرۍ پلاوی به ن د افغان کډوالو او سوداګرو له یو شمېر استازو سره د سفارت پر کوربتوب وګوري.

Continue Reading
Advertisement

Trending

Copyright © 2025 Ariana News. All rights reserved!